అబ్బాయిలు వాళ్ల జుట్టు విషయంలో చేసే కామన్ మిస్టేక్స్..!

షాంపూ

అబ్బాయిలు త్వరగా తలస్నానం చేస్తుంటారు. సరైన సమయం స్నానానికి కేటాయించరు. దీనివల్ల షాంపూ పూర్తీగా తొలగిపోదు. ఇలాంటి అలవాటు వల్ల షాంపూలో ఉండే కెమికల్స్ జుట్టుని పొడిబారిలే చేస్తాయి.

హెయిర్ ప్రొడక్ట్స్

చాలా మంది అబ్బాయిలు.. ఎక్కువ సార్లు హెయిర్ కి సంబంధించిన ప్రొడక్ట్స్ అప్లై చేస్తుంటారు. అది కూడా జుట్టు మరీ తడిగా ఉండగానే జుట్టుకి స్టైలింగ్ జెల్ అప్లై చేస్తారు. ఇవన్నీ జుట్టు ఆరిన తర్వాత అప్లై చేస్తే మెరుగైన ఫలితాలు ఉంటాయి. తడిగా ఉన్నప్పుడే అప్లై చేస్తే.. దాన్ని జుట్టు గ్రహించలేదు. అలాగే అసహ్యంగా కనిపిస్తుంది.

బట్టతల

బట్టతల ఉన్న మగవాళ్లు.. ఉన్న జుట్టుతోనే.. బట్టతలను కవర్ చేసుకోవడానికి ప్రయత్నిస్తూ ఉంటారు. ఇది కొంతమందికి కలిసొచ్చినా.. కొంతమందికి అది అసహ్యంగా కనిపిస్తుంది.

హెయిర్ స్టైల్స్

కొన్నిసార్లు అబ్బాయిలు ట్రెండీ హెయిర్ స్టైల్ ని ప్రయత్నిస్తుంటారు. కానీ.. మీ ముఖానికి సరిపోయేలా ఉందో లేదో తెలుసుకోవాలి. మీ ఫీచర్స్ కి సరిపోని.. హెయిర్ స్టైల్ ట్రై చేయడం వల్ల.. మీ లుక్ పైన ప్రభావం చూపుతుంది.

కెమికల్ ప్రొడక్ట్స్

జుట్టు అందంగా, స్టైలిష్ గా కనిపించాలని కొంతమంది అబ్బాయిలు.. కెమికల్ ప్రొడక్ట్స్ ఉపయోగిస్తుంటారు. కానీ.. ఇలాంటివి ఎక్కువగా ఉపయోగించడం వల్ల జుట్టుకి హాని చేసి.. జుట్టు రాలడానికి, బట్టతల రావడానికి కారణమవుతుంది.

తరచుగా తలస్నానం

చాలామంది అబ్బాయిలు తమ జుట్టు చాలా చిన్నది కాబట్టి.. త్వరగా ఆరిపోతుందని.. ఎక్కువగా తలస్నానం చేస్తుంటారు. చాలా తరచుగా తలస్నానం చేయడం వల్ల.. జుట్టు మాయిశ్చరైజర్ లెవెల్స్ కోల్పోయి.. పొడిబారడానికి కారణమవుతుంది.

గట్టిగా రుద్దడం

అబ్బాయిలు జుట్టుని శుభ్రం చేసుకునేటప్పుడు చాలా గట్టిగా రుద్దుకుంటారు. ఇలా చేయడం వల్ల జుట్టు డ్యామేజ్ అవుతుంది. దీనివల్ల జుట్టు రాలే సమస్య వస్తుంది. కాబట్టి సున్నితంగా మసాజ్ చేసుకుంటే మెరుగైన ఫలితాలుంటాయి.