జుట్టు రాలడం తగ్గించే వంటింటి నేస్తాలు ..!!

వేప

వేపను ఇండియన్ లిలాక్ అని పిలుస్తారు. ఇందులో యాంటీ ఫంగల్, యాంటీ బ్యాక్టీరియల్ గుణాలుంటాయి. కాబట్టి.. జుట్టు సమస్యలకు.. దీన్ని న్యాచురల్ రెమిడీగా ఉపయోగించవచ్చు. కొన్ని వేపాకులను కొబ్బరినూనెలో మరిగించి.. నూనెను వడకట్టుకోవాలి. గోరువెచ్చగా ఉన్నప్పుడు ఆ ఆయిల్ ని స్కాల్ప్ కి మసాజ్ చేసి.. గంట లేదా రెండు గంటల తర్వాత శుభ్రం చేసుకోవాలి.

మెంతి

మెంతులను పొడి చేసి.. ముఖానికి లేదా జుట్టుకి పట్టించడం వల్ల.. అనేక ప్రయోజనాలు పొందవచ్చు. లేదా మెంతులను రాత్రంతా నానబెట్టి.. ఉదయం వాటిని వడకట్టి.. పేస్ట్ చేసుకుని తలకు పట్టించాలి. వడకట్టిన నీటిని జుట్టుని శుభ్రం చేసుకునేటప్పుడు చివరగా ఉపయోగించవచ్చు.

ఎగ్స్

ఎగ్ ని పగలగొట్టి.. చిక్కగా గొలకొట్టుకోవాలి. కొన్ని టేబుల్ స్పూన్ల ఆలివ్ ఆయిల్ మిక్స్ చేసి.. జుట్టుకి పట్టించాలి. 15 నిమిషాల తర్వాత శుభ్రం చేసుకుంటే.. ఎగ్ లో ఉండే ప్రొటీన్స్ జుట్టు రాలడాన్ని నివారిస్తాయి.

ఉసిరి

జుట్టు రాలడాన్ని నివారించడంలో ఉసిరి ఎఫెక్టివ్ గా పనిచేస్తుంది. ఇందులో విటమిన్ సి, యాంటీ ఆక్సిడెంట్స్ ఉంటాయి. ఇవి.. జుట్టుని బలంగా మార్చి.. చిట్లిపోవడాన్ని, జుట్టు రాలడాన్ని నివారిస్తాయి. ఎండిన ఉసిరికాయలను నీటిలో ఉడికించి.. చల్లార్చాలి. ఈ నీటిని.. ఫైనల్ గా జుట్టుని శుభ్రం చేసుకోవడానికి ఉపయోగించాలి.

మందారం

జుట్టు రాలడాన్ని నివారించడంలో మందారం ఎఫెక్టివ్ గా పనిచేస్తుంది. అలాగే చిన్నవయసులోనే జుట్టు తెల్లబడటాన్ని కూడా అరికడుతుంది. అలాగే చుండ్రుని నివారిస్తుంది. కొన్ని మందారం పువ్వుల రెక్కలను క్రష్ చేసి.. కొబ్బరినూనెలో కలుపుకోవాలి. అంతే ఈ నూనెను తలకు పట్టిస్తూ ఉండాలి.

ఉల్లిపాయ రసం

జుట్టు రాలడాన్ని ఎఫెక్టివ్ గా నివారించడంలో ఉల్లిరసం సహాయపడుతుంది. కొన్ని ఉల్లిపాయ ముక్కలను స్కాల్ప్ పై డైరెక్ట్ గా మసాజ్ చేయవచ్చు.

హెన్నా

హెన్నాను జుట్టు కండిషనింగ్ కి ఉపయోగిస్తారు. దీనివల్ల జుట్టు రాలడాన్ని అరికట్టవచ్చు. హెన్నాను తరచుగా జుట్టుకి పట్టిస్తూ ఉండటం వల్ల అది షైనీగా మారడంతో పాటు, సాఫ్ట్ గా మారుతుంది. అలాగే.. జుట్టు రాలడాన్ని తగ్గిస్తుంది.