నిగ‌నిగ‌లాడే ఒత్తైన కురుల కోసం ఇలా చేయండి!

1. వేడి నూనెతో మ‌ర్ద‌న‌

మీకు ఇష్ట‌మైన ఏదైనా నూనెను కాస్త వేడిచేయండి. దాన్ని మాడ‌కు బాగా ప‌ట్టించండి. మ‌ర్ద‌న చేయండి. దీంతో మాడ‌లో ర‌క్త‌ప్ర‌స‌ర‌ణ పెరిగి జుట్టు పెరుగుతుంది.

2. షాంపూ అల‌వాట్లు

వారంలో రెండు లేదా మూడుసార్లు మాత్ర‌మే షాంపూ పెట్టుకోండి. రోజూ పెట్టుకుంటే జుట్టులోని స‌హ‌జ‌మైన నూనెలు త‌గ్గిపోయి రాలిపోవ‌డం మొద‌లవుతుంది. షాంపూ ఎంపిక‌లోనూ జాగ్ర‌త్త వ‌హించండి. ఏది ప‌డితే అది ప్ర‌య‌త్నించ‌కండి. స‌ల్ఫేట్ లేని దాన్ని ఎంచుకోండి.

3. బేబీ పౌండ‌ర్‌

మీ జుట్టు క‌రుకుగా గ‌ట్టిగా ఉంటే మీరేం చేస్తారు? కొంచెం బేబీ పౌడ‌ర్‌ను వాడండి. లేదంటే డ్రై షాంపూను మాడ‌కు ప‌ట్టించండి. ఇది మీ జుట్టులోని క‌రుకుద‌నాన్ని త‌గ్గిస్తుంది. త‌రుచూ కురుల‌ను కడ‌గ‌డం మ‌రిచిపోకండి. ఇది మీ కేశాల‌ను మ‌రింత ఒత్తుగా క‌నిపించేలా చేస్తుంది.

4. ర‌సాయ‌నాల‌ను వ‌దిలించుకోండి

మీ కురుల‌ను రింగులుగా ఉంచుకోకుండా స్ట్రెయిట్ చేయ‌డం లాంటివి మానుకోండి. సాధ్య‌మైనంత వ‌ర‌కు స‌హ‌జంగా ఎలా ఉందో అలాగే ఉంచుకోండి. ఇది మీ జుట్టు చిట్లిపోకుండా ఉంచుతుంది. మందం పెంచుతుంది.

5. ఉల్లాసంగా ఉండండి

మీ ముఖార‌విందాన్ని చూపించ‌డంలో కుంగుబాటు తీవ్రమైన ప్ర‌భావం చూపిస్తుంది. ఎప్పుడూ కుంగుబాటుకు గురికాకుండా చూసుకోండి. మీకు ఇష్ట‌మైన ప‌నులు చేయండి. పుస్త‌కాలు చ‌ద‌వ‌డ‌మో, న‌డ‌వ‌డ‌మో చేయండి. ఇది మీ మెద‌డు సేద తీరేందుకు ఉప‌యోగ‌ప‌డుతుంది. దాంతో జుట్టు రాల‌డం త‌గ్గిపోతుంది.

6. ఆహార‌పుట‌ల‌వాట్లు

మీ ఆహార అల‌వాట్ల‌పై శ్ర‌ద్ధ వ‌హించండి. ప్రొటీన్లు పుష్క‌లంగా ల‌భించే ఆహారాన్ని తీసుకోండి. ఇది మీ జుట్టు నిండుద‌నం పెంచుతుంది. టెక్స్ఛ‌ర్‌ను అలాగే చ‌క్క‌గా ఉంచుతుంది. నిండైన‌, ఒత్తైన జుట్టంటే రాలిపోకుండా ఉండ‌ట‌మే అని గుర్తుంచుకోండి.