మగాడా... ‘మన్మథుడా’..!!

Skin Care

oi-Sivanjaneyulu Bommu

By Sivanjaneyulu Bommu

Published: Wednesday, August 24, 2011, 9:30 [IST]

ఈ సృష్టిలో అందం ఆడవారికే సోంతమా..?, ఒకప్పుడు పురుషులు అందంగా ముస్తాబయ్యేందుకు శ్రద్ధ వహించే వారు కాదా..? ఈ ప్రశ్నలకు సంబంధించి భిన్నవాదనలు వినిపిస్తున్నా, ఒక్కటి మాత్రం వాస్తవం. ప్రస్తుత యాంత్రిక ప్రపంచంలో అందంగా కనిపించేందుకు మహిళలకు ధీటుగా పురుషులు పోటీపడుతున్నారు. ఈ నేపధ్యంలోనే మగవారి కోసం ప్రత్యేకంగా సెలూన్లు, బ్యాటీ ఫార్లర్లు కుప్పలు, కుప్పులుగ వెలిశాయి. అయితే గడిచిన రోజులతో పోలిస్తే అందం, ఆరోగ్యం తదితర అంశాల పట్ల అమ్మాయలతో పాటు అబ్బాయిలు ప్రత్యేక శ్రద్ధ తీసుకుంటున్నట్లు తాజా అధ్యయనాలు స్పష్టం చేస్తున్నాయి.

''ప్రకృతితో దోస్తీ.. నీకో గొప్ప ఆస్తి'' అన్నాడో సాహితివేత్త, అవునండి.. ప్రకృతి మనిషికి ఎన్నోరకాల దివ్యమైన ఔషుధాలను ప్రసాధిస్తుంది. వాటిని చక్కగా వినియోగించుకుంటే సౌందర్యంతో పాటు ఆరోగ్యం మీమ్మల్ని 'నెంబర్ .1' స్థానానికి తీసుకువెళుతుంది. ఇందుకు మీరు చేయాల్సిందిల్లా ఒక్కటే.. ''ఓర్పుతో కూడిన వ్యక్తిగత సంరక్షణ''.

మగవారు సౌందర్యం పట్ల కాస్తంత శ్రద్ధవహిస్తే 'మన్మథులే'.. ముఖం పై మడతలు, రంద్రాలు పడటం వంటి సమస్యలు మగవారిని అధికంగా వేధిస్తున్నాయి. మీ ముఖం పై మడతలు, రంద్రాలు తొలిగి మృధత్వం సంతరించుకోవాలంటే ' కోడి గుడ్డు 'ను ఉపయోగించండి. గుడ్డులోని తెల్లసోనలో నిమ్మరసం కలుపుకుని, ఆ మిశ్రమాన్ని కళ్లకు తగలకుండా ముఖానికి పూయండి. కొద్ది సేపు ఆరిన తరువార చల్లటి నీటితో శుభ్రం చేసుకోండి.తెల్లసొనలోని పోషకాలు ముఖంపై ఉన్న రంద్రాలను పూడ్చటంతో పాటు, చర్మం గట్టిపడేలా చేస్తుంది. 'ఇది సౌందర్య నిపుణుల మాట'..