వింటర్ లో చలి-గిలి నుండి తప్పించుకోండిలా....

Skin Care

oi-Saraswathi

By Sindhu

Published: Friday, December 23, 2011, 17:35 [IST]

చలికాలం గ్యాలం వేస్తే నిగనిగలాడే స్కిన్‌ వెల వెల బోతుంది. సమ్మర్‌లో చెరువు ఎండినట్టు చల్మం ఎండిపోతుంది. జాగ్రత్తలు పాటించకుంటే అలా జరుగుతుంది కానీ, కొంచెం కేర్‌ తీసుకొని చూడండి. వింటర్‌లోనూ మీ చర్మం నిగనిగలాడుతుంది. కొబ్బరినూనె మాసాజ్‌ చర్మ సౌందర్యాన్ని మరింత ఇనుమడింప చేస్తుంది. ఎండలోకి వెళ్లే ముందు 15 నిమిషాలు సన్‌ స్క్రీన్‌ ఉపయోగించాలి. శీతాకాంలోని ఎండ చర్మానికి హాని కలుగ జేస్తుంది. చర్మానికి రోజూ మాయిశ్చరైజింగ్‌ చేయాలి. కొబ్బరి ఆధారిత మాయిశ్చరైజింగ్‌ మేలు చేస్తుంది.

1. ముందుగా ఈ మాసంలో ఫిట్‌నెస్‌కు ప్రాధాన్యత ఇవ్వండి. రోజు వ్యాయామం చేస్తే బెటర్‌. రోజూ కనీసం అరగంటైనా శరీర వ్యాయామం చేస్తే, శారీరకంగా మంచిది.
2. టైమ్‌కి నిద్రపోవాల్సిన అవసరం కూడా ఉంది. నిద్రకు అందానికి లింకు ఉంది.
3. అనుకున్న వెంటనే మేకప్‌ వేసుకోవడానికి కమిట్‌ కాకండి. ముందు చల్లని నీళ్లతో ఫేస్‌ కడిగి తర్వాత మేకప్‌ వేసుకొండి.
4. మీ చర్మం రంగుకు తగిన ఫౌండేషన్‌ను అప్లై చేయండి.
5. ఐలాష్‌పై మస్కరను నిరభ్యంతరంగా పెట్టండి.
6. అధరాలు సహజంగా అందంగా కనిపించడానికి పింక్‌ కలర్‌ లిప్‌స్టిక్‌ ను వాడండి. మీ చర్మం రంగును బట్టి కూడా లిప్‌స్టిక్ ను ఎంచుకోవచ్చు.
7. వింటర్‌లో మీరు తీసుకునే ఆహారం కూడా మీ చర్మంపై ప్రభావం చూపుతుంది. కాబట్టి ఆహారపు అలవాట్లలో కూడా జాగ్రత్త వహించండి. పళ్లు, పెరుగు, ఆకుకూరలు తరచుతీసుకోవాలి. మంచినీళ్లు ఎక్కువ త్రాగాలి. పళ్లరసాలు, కొబ్బరి బొండం నీళ్లు శరీరంలోని టాక్సిన్లను దూరం చేస్తాయి.