బ్యూటీ టిప్స్ స్త్రీలకే కాదు పురుషులకు కూడా...!

Skin Care

oi-Saraswathi

By Sindhu

Published: Tuesday, July 24, 2012, 12:35 [IST]

ప్రస్తుత కాలంలో మహిళల్లో మాదిరే పురుషుల్లో కూడా వారి అందంపై ఎక్కువ ఇంట్రెస్ట్ చూపిస్తున్నారు. అందంగా ఉండటానికి అందంగా కనబడటానికి వారు కూడా రకరకాలు ప్రయత్నాలు చేస్తున్నారు. కాబట్టి అటువంటి వారి కోసం తప్పకుండా కొన్ని బ్యూటీ టిప్స్ అవసరం. ఇక్కడ ఇస్తున్న కొన్ని బ్యూటీ టిప్స్ పురుషలకు తప్పకుండా సహాయపడతుంది. అయితే వారు ఈ టిప్స్ ను పాటించడానికి వారికి కూడా ఓ పార్లర్ కావాలి. కొంత మందిలో పొడవుగా పెరిగే హెయిర్ తో వారిలో అందం రెట్టింపు అవుతుంది. పురుషు ముఖంలో కూడా మొటిమలు ఏర్పడవచ్చు. లేదా వారు కూడా మరింత గ్లామరస్ స్కిన్ కేర్ తీసుకోవాలని కోరుకుంటారు. కాబట్టి ఒక్క మహిళలకు మాత్రమే బ్యూటీ టిప్స్ ఉన్నాయనుకోకుండా.. పురుషులకు కూడా తమ సౌందర్యాన్ని కాపాడుకోవడానికి తగిన బ్యూటీ టిప్స్ ఉన్నాయి. ఈ ఇప్పుడు ఈ చిట్కాలు పురుషల కోసమే....

పురుషులు తరచూ తమ చర్మాన్ని శుభ్ర పరుచుకొంటుండాలి: పురుషులు తమ చర్మాన్ని శుభ్ర పరచుకోవడానికి కొన్ని టెక్నిక్స్ తెలిసి ఉండాలి. సాధారణంగా చాలా మంది మగవారి చర్మం ఆయిల్ చర్మం కలిగి, జిడ్డుగా ఉంటుంది. అలాగే వారి ముఖంలో ఓపెన్ రంధ్రాలు కలిగి ఉంటాయి. మగవారు ఎక్కువ బయట తిరుగుతుంటారు కాబట్టి దుమ్ము, ధూళి ముఖ రంధ్రాల్లో చేరి ముఖంలో మొటిమలు, ముడతలు ఏర్పడటానికి దారితీస్తుంది. కాబట్టి మగవారి ముఖాన్నిశుభ్రపరుచుకోవడానికి కెమికల్ ఫ్రీ బ్యూటీ ప్రొడక్ట్స్ ను ఉపయోగించడం మంచిది. అలాంటి ప్రొడక్ట్స్ కోసం మంచి బ్రాండ్ కలిగినటువంటి మన్నికైన క్రీములను ఎంచుకోవాల్సి ఉంటుంది. ప్రతి రోజూ ఇంటికి తిరిగి రాగానే ముఖాన్ని మంచినీళ్ళతో శుభ్ర పరచుకొని క్లెన్సింగ్ అప్లై చేయడం చాలా మంచిది.

పురుషులకు ఉపయోగపడే ఫేస్ ఫేషియల్స్:
1. అతి తక్కువ రసాయనాలు కలిగిన ఫేస్ వాష్ ఉత్పత్తులను ఎంపిక చేసుకోవాల్సి ఉంటుంది.
2. రోజుకు కనీసం మూడు సార్లైన ఫేస్ వాష్ క్రీమ్ తో ఫేస్ వాష్ చేసుకోవాలి.
3. సోపు ఉత్పత్తులకు సంబంధించిన లేదా డియోడరెంట్స్ కు సంబంధించిన ఉత్పత్తులను ముఖానికి వాడకూడదు.
4. ముఖ్యంగా పురుషు చర్మం రఫ్ గా ఉంటుంది కాబట్టి అందుకోసం విటమిన్ ఇ ప్రోడక్ట్స్ ను లేదా ఆలోవరా(కలబంద)లతో తయారైనటు వంటి ఫేష్ వాష్ లతో శుభ్రం చేసుకోవాలి.
5. షేవింగ్ చేసిన తర్వాత అలోవెరా ఫేష్ వాష్ చేసుకొంటే షేవింగ్ సమయంలో చిన్న గాట్లు ఏర్పడ్డా ఏటువంటి మార్క్స్ లేకుండా చేస్తుంది.
6. వ్యాజ్ లైన్ ను తరచూ పెదవులకు రాస్తుండాలి.
7. ముఖం మరీ గరుకుగా ఉన్నప్పుడు తప్పని సరిగాపార్లర్ కి వెళ్ళి ఒకటి రెండు సార్లు వారి సలహాలను, పద్దతులను పాటించాలి.
8. ఇలాంటి చిన్ని చిన్న జాగ్రత్తలు తీసుకొన్నట్లైతే ముఖంలో మొటిమలు, ముడతలు, రంద్రాలు పోగొట్టి ముఖ చర్మాన్ని ఆకర్షనీయంగా ఉంచుతుంది.