వేసవి హోం మేడ్ ప్యాక్స్ తో చర్మం తాజాదనం..సున్నితత్వం

Skin Care

oi-Saraswathi

By Sindhu

Published: Saturday, March 17, 2012, 9:47 [IST]

కాలాన్ని బట్టి, బుతువుల బ ట్టి వాతావరణంలో మార్పులు రావడం సహజం. అలాగే మనిషి శరీరంలో కూడా కాలాన్ని బట్టి, బుతువులను బట్టి మార్పలు సంబవిస్తాయి. ముఖం రంగు మారిపోయి అందవిహీనంగా తయారవుతుంది. వేసవిలో ఎంత తెల్లని వారైనా ఎండకు చర్మం కమిలి రంగు మారుతుంది. అలాంటప్పుడు తిరిగి సహజమైన మెరుపును పొందడానికి ఎన్నో జాగ్రత్తలు తీసుకోవాలి. కాలనుగుణంగా చర్మ సంరక్షణ జాగ్రత్తలు తీసుకొన్నట్లైతే మన శరీరం, చర్మసంరక్షణ యథాస్థితికి వస్తుంది. వంటికి చల్లదనాన్ని ఇవ్వడంతోపాటు సన్‌ ట్యానింగ్‌ ను పోగొట్టి చర్మాన్ని చల్లబరిచే హోమ్‌ మేడ్ ప్యాక్‌ లు కొన్ని మీకోసం......

1. వేసవిలో ముఖంపై పేరుకున్న మురికి, జిడ్డును తొలగించే ప్యాక్‌ ఇది. క్యారెట్‌, క్యాబేజీ, టమాట ముక్కలను సమపాళ్లలో తీసుకొని మెత్తని పేస్టులా చేయాలి. ముందుగా ముఖాన్ని చల్లటి నీటితో కడిగేశాక.. ఈ మిశ్రమాన్ని ప్యాక్‌ లా వేయాలి. ఐదు నిమిషాల య్యాక మునివేళ్లతో వలయాకారంలో మర్దన చేయాలి. ఆరాక చన్నీటితో ముఖం కడిగేసుకొని మల్తానీ మట్టితో ముఖం, మెడకు ప్యాక్‌ వేయాలి. కాసేపయ్యాక కడిగేసి నాణ్యమైన మాయిశ్చ రైజర్‌ రాస్తే.. చర్మం తాజాదనాన్ని సంతరించుకుంటుంది.
2. ఐదు బాదం పప్పులు, రెండు రెమ్మల వేపాకు, చందనం పొడి కలిపి అవసరమైన మేర కు పాలు పోస్తూ గ్రైండ్ చేసి, ఆ మిశ్రమాన్ని ముఖానికి పట్టించి ఆరే వరకు అలాగే ఉంచాలి. తర్వాత గోరువెచ్చని నీటిని చల్లుతూ మర్దన చేయాలి. ఈ ప్యాక్ చర్మాన్ని తెల్లబరుస్తుంది.
3. వేసవిలో ఎండ తాపానికి ఏర్పడిన చర్మం పగుళ్లు విపరీతమైన మంటతో అసహనానికి గురిచేస్తాయి. వీటిబారి నుండి బయటపడాలంటే దోసకాయ పైతొక్కను జ్యూస్ చేసి, అందులో అర టీ స్పూన్ గ్లిజరిన్, రోజ్‌వాటర్ కలిపి, ఈ మిశ్రమాన్ని పగులు ఏర్పడిన చోట పూసి కాసేపు వదిలేయాలి. చాలా త్వరగా ఉపశమనం కలుగుతుంది. అంతేకాదు చర్మం సున్నితత్వాన్ని సంతరించుకుంటుంది.
4. తాజా కొబ్బరిపాలతో ముఖాన్ని మర్దన చేస్తే చర్మం తెల్లబడుతుంది. పెదవులు నల్లగా పొడిబారి ఉన్నా కొబ్బరిపాలతో మర్దన చేస్తే నలుపు పోయి పెదవులు మృదువుగా ఉంటాయి.
5. చందనంలో పన్నీటిని కలిపి ప్యాక్ వేసుకుంటే చల్లదనంతోపాటు చర్మానికి నునుపుదనం వస్తుంది. ఈ ప్యాక్‌ ను వేసవిలో పెద్దవాళ్లతోపాటు పిల్లలకు కూడా వేయవచ్చు.
6. కీరదోస, ముల్లంగి రసం బ్లీచ్‌ గా పనిచేస్తాయి. గాఢత తక్కువగా ఉండి సహజమైన బ్లీచ్‌ లు చర్మానికి స్వాంతన ఇవ్వడంతోపాటు తెల్లబరుస్తుంది కూడా.