జిడ్డు చర్మం కలవారు వేసవి జాగ్రత్తలు....

Skin Care

oi-Saraswathi

By Sindhu

Published: Monday, March 12, 2012, 12:18 [IST]

మండే ఎండలు ఎంతో చికాకు పెడుతాయో తెలిసిండే. చిన్న పిల్లల దగ్గర్నించి పండు ముసలివాళ్ళు కూడా తట్టుకోలేనంత ఉష్ణోగ్రతలు పెరిగిపోతున్నాయి. పట్టణాలు, పెద్ద పెద్ద నగరాలు, పల్లెలు సైతం పచ్చని చెట్లు, దట్టమైన అడవులు, మనస్వార్థానికి కనుమరుగు అయిపోయేలా చేసుకుంటున్నాం. చల్లదనానికి కరవుతూ భరించలేని బుతువుల బీబత్సానికి గురౌతున్నాం. కాలమేదైనా పరిస్థితుల కారణంగా ఇబ్బంది పడేది చర్మం. శీతాకాలంలో పొడిబారడం, వేసవిలో నల్ల బడడం ఇలా అనేక ఇబ్బందులు. తద్వారా సహజ సౌందర్యాన్ని కోల్పోతున్నాం. ఏది ఏమైనా, నఖశిఖ పర్యంతం అప్రమత్తంగా శరీరాన్ని కాపాడుకోడం తప్పనిసరి. అందుకే అన్ని విధాలా అనుకూలంగా ఉండే చిట్కాలు పరిశీలిద్దాం.

1. శరీరానికి చల్లటి, స్వచ్ఛమైన గాలి, నిత్యం కాస్సేపైనా తగలనివ్వాలి. వేసవిలో బిగుతైన దుస్తులు కాకుండా, కాస్త గాలి ఆడే దుస్తులు ధరించాలి. అవి కూడా నూలుతో చేసినవై వుండాలి.
2. బత్తాయి రసంలో చెంచాడు పెరుగు వేసి బాగా కలిపి, ఆ మిశ్రమాన్ని వెడల్పాటి పళ్ళెంలో పోసి, రెండు చేతులు అందులో ముంచి ఆ రసాన్ని ముఖానికి పట్టిస్తూవుంటే, చేతులు, ముఖం కూడా నిగారింపుతో ఉంటాయి.
3. ముందుగా మొహాన్ని శుభ్రంగా కడుక్కోండి. పొడి చర్మం కలవారు మొహానికి ఏదైనా లైట్‌ క్రీమ్‌ ని పలుచగా రాసుకోవాలి.
4. జిడ్డు చర్మం వున్న వారు వేసవిలో పళ్ళ రసాల్లో గుడ్డులోని తెల్లసొనని కలుపుకొని, ఆ మిశ్రమాన్ని చిక్కగా తయారు చేసుకొని ముఖానికి పట్టించేదుకు బట్టని ఉపయోగించడకుండా నేరుగా పూయవచ్చు.
5. చెమట ఎక్కువగా పట్టే వారు, స్నానానంతరం కాస్త చందనాన్ని నీళ్లలో కలిపి, పల్చగా చేసి, వంటికి పట్టించడం మంచిది. అత్తరులు, ఫెర్ఫ్యూమ్స్ కన్నా ఇది మంచిది.
6. నిత్యం వీలైనంత ఎక్కువగా నీరు సేవించాలి. ఇది కేవలం చర్మానికే కాకుండా, ఆరోగ్యానికి కూడా మంచిది.