సౌందర్య పోషణకు ఇంట్లోనే నేచ్యురల్ బ్యూటీ కిట్

Published: Saturday, January 21, 2012, 12:17 [IST]

1. ఎండపెట్టిన నారింజ తొక్కల పొడిని రోజ్ వాటర్‌లో కలిపి ముఖానికి రాసుకుంటే మృతకణాలు పోయి చర్మం మెరుస్తుంటుంది.
2. నిమ్మకాయరసం కలిపిన నీళ్లతో ముఖానికి ఆవిరి పడితే బ్లాక్, వైట్ హెడ్స్‌ను నివారించొచ్చు.
3. రోజ్ వాటర్ సహజసిద్ధమైన టోనర్, క్లెన్సర్‌లుగా పనిచేస్తుంది.
4. బొప్పాయి గుజ్జు ముఖంపై మచ్చల్ని మాయం చేస్తుంది.
5. కీరదోసకాయ రసం సన్‌ టాన్‌ ని పోగొట్టడమే కాకుండా యాస్ట్రింజెంట్‌ గా కూడా పనిచేస్తుంది.
6. నిగారింపు లేని, పొడి చర్మం గల వాళ్లు ఆల్మండ్ పేస్ట్, పాలు కలిపి ముఖానికి ప్యాక్ వేసుకుంటే ఫలితం ఉంటుంది.
7. టొమాటో గుజ్జులో కొద్దిగా నీరు పోసి బాగా కలిపి ఆ గుజ్జును వడపోయాలి. ఇందులో కప్పుడు పాలు కలిపితే హోమ్‌ మేడ్ క్లెన్సర్ రెడీ. కాటన్‌ బాల్‌ ను ఈ మిశ్రమంలో ముంచి, ముఖానికి, మెడకు పట్టించాలి. పది నిమిషాల తర్వాత చన్నీటితో కడగాలి. ఇలా రోజుకు ఒకటి లేదా రెండుసార్లు చేయవచ్చు.
8. క్యారట్‌ ను ఉడకబెట్టి పేస్ట్ చేసి, ఐదు చుక్కల నిమ్మరసం, చిటికెడు పసుపు, ఓట్స్ పౌడర్, పాల మీగడ, గంధం పొడి వేసి కలపాలి. ఈ మిశ్రమాన్ని స్నానానికి ముందు ముఖం, మెడ, కాళ్లు, చేతులకు అప్లై చేసి 20 నిమిషాల తర్వాత గోరువెచ్చని నీటితో స్నానం చేయాలి. ఇలా వారానికి రెండు సార్లు చేయాలి.
9. పది నిమ్మాకులను వేడి నీళ్లలో మరగబెట్టి ఆ నీటితో స్నానం చేయాలి. లేదా పది నిమ్మాకులను మెత్తగా పేస్ట్ చేసి అందులో చిటికెడు పసుపు కలపాలి. ఈ మిశ్రమాన్ని పొక్కులు, మొటిమలున్న చోట అప్లై చేసి 20 నిమిషాల తర్వాత గోరువెచ్చని నీటితో కడగాలి. ఇలా క్రమం తప్పకుండా వారంరోజులపాటు చేస్తే మంచి ఫలితం ఉంటుంది.