శీతాకాలంలో మొటిమలు రావడానికి ప్రధాన కారణం..!?

అందమైన మొహంపై మొటిమలు దిష్టిచుక్కల్లా కనిపిస్తుంటాయి. అవి రాకుండా, వచ్చినా పోయేలా చేయడానికి బోలెడు చిట్కాలు పాటిస్తుంటారు.ప్రతి యువతి యువకుడు అందంగా కనబడాలని తమ ముఖం మీద ఒక మచ్చకూడా కనబడకూడదని ఆరాటపడతారు. అటువంటప్పుడు చిలిపి యవ్వనం ఉషారుతో చిందులు వేసే సింగారి బుగ్గమీద మొటిమలు తెప్పిస్తే మానసిక వేదా కలగకుండా ఎలా వుంటుంది?

సాధారణంగా చాలా మంది మొటిమలు, మచ్చలు ఏర్పడ్డానికి కారణం ఆయిల్ స్కిన్ మరియు వేడి వల్ల వస్తుంటాయి అనుకొంటుంటారు. అయితే ఇలాంటి సమస్యలు ఎక్కువగా వేసవి కాలంలోనే ఎదురౌతాయి. అలాగే శీతాకాలంలో కూడా మొటిమలు రావడానికి అవకాశం ఉంది. కొంత మందిని ఇచ్చిన వివరణ ప్రకారం వేసవిలో కంటే శీతాకాలంలోనే మొటిమలు ఎక్కువగా బాధిస్తాయని తెలిసింది. ఐతే ఇది చెమట, వేడి వల్ల వచ్చే మొటిమలు కాదా..? మరి అయితే శీతాకాంలో మొటిమలకు దారితీసే కారణాలేంటి? ఒక సారి చూద్దాం...

1. ఎక్కువగా కోల్డ్ క్రీమ్స్ ను ఉపయోగించడం: లిక్విడ్ రూపంలో కాకుండి చిక్కగా ఉండే కోల్డ్ క్రీమ్స్ చర్మానికి రాయడం వల్ల మొటిమలు ఏర్పడ్డ ప్రదేశం, మొటిమల వల్ల ఏర్పడ్డ రంద్రాలు మొత్తం నల్లగా మార్చివేస్తుంది కోల్డ్ క్రీమ్. శీతాకాలంలో చాలా వరకు పొడి చర్మం కలిగి ఉంటారు. కాబట్టి కోల్డ్ క్రీమ్ ను అప్లై చేయడం వల్ల చర్మంలో తేమ బయటకు రానివ్వకుండా అడ్డుకుంటుంది. దాంతో ముఖంగా నల్లగా కనిపిస్తుంటుంది. దాంతో ముఖం అసహ్యంగా కనబడుతుంది.

2. థిక్(చిక్కటి)కోల్డ్ క్రీమ్: శీతాకాలంలో పొడి బారిన చర్మ సంరక్షణకు కోల్డ్ క్రీమ్ మాయిశ్చరైజర్ చేయడం సహజం. అయితే మాయిశ్చరైజింగ్ కోసం చాలా చిక్కగా ఉండేటటువంటి కోల్డ్ క్రీమ్ ఎంపిక చేసుకోవడం వల్ల చర్మ రంద్రాలను మూసుకొనేలా చేసి చర్మాన్ని నల్లగా మార్చుతుంది. కాబట్టి లైట్ గా ఉండే బాడీ లోషన్ లేదా ఫేష్ లోషన్ ను అప్లై చేయడం వల్ల మొటిమలు.. మచ్చల నివారణ పొందవచ్చు.

3. నో స్వెట్ -నో క్లీనింగ్: ఒక రకంగా చెమట కూడా మొటిమలు రావడానికి కారణమే. అయితే చెమట పట్టడం అనేది శరీర ఆరోగ్యానికి చర్మ ఆరోగ్యానికి చాలా మంచిది. చెమట పట్టడం వల్ల చర్మలోపల ఉన్న దుమ్ము, ధూళి చెమట రూపంలో బయటకు విసర్జింపబడుతుంది. అయితే శీతాకాలంలో ఎక్కువ చెమట పట్టదు. దాంతో దుమ్ము, ధూళి కణాలు చర్మంలోపలే నిలిచి ఉండిపోతాయి. ఈ టాక్సిన్స్ వల్ల శీతాకాలంలో మొటిమలు రావడానికి ప్రధాన కారణం అవుతుంది.

4. ముఖాన్ని సరిగా శుభ్రం చేసుకోకపోవడం: సాధారణంగా శీతాకాలంలో చలి వల్ల ఏదైనా చల్లని పదార్థాలు, చల్లని పానీయాలు తాకాలంటే ఇష్టం ఉండదు. చల్లని వాతావరణం వల్ల ముఖం కూడా సరిగా శుభ్రం చేసుకోరు. వేసవిలో శరీర సంరక్షణకు, ముఖ సంరక్షణకు ఇచ్చిన ప్రాధాన్యత ఇవ్వకపోవడం, సరిగా ముఖాన్ని శుభ్రం చేసుకోకపోవడం ఫలితంగా చర్మం మురికిగా మారుతుంది. కొన్ని సార్లు మేకప్ తొలగించుకోవడం మర్చిపోతారు. దాంతో కూడా మొటిమలు మచ్చలు సులభంగా ఏర్పడుతాయి.

5. సన్ స్క్రీన్ ఉపయోగించకపోవడం: ఏకాలంలో నైనా సరే సూర్యకిరణాలు డైరెక్ట్ గా చర్మ మీద పడినప్పుడు చర్మ సమస్యలు ఏర్పడాటానికి అవకాశం ఉంది. చర్మం ఎర్రగా మారడం, దద్దుర్లు ఏర్పడం ఇవన్ని సూర్యరశ్మి వల్లే. కాబట్టి శీతాకాలంలో కూడా బయటకు వెళ్ళె అరగంట ముందే సన్ స్ర్కీన్ లోషన్ ను అప్లై చేసుకొని వెళ్ళాలి. చలికాలంలో సూర్యరశ్మి హానికరం కాకపోయినా, సూర్యకిరణాల్లో ఆల్ట్రావయొలెట్ కిరణాలు ఉండటం వల్ల చర్మనికి హానికలిగిస్తుంది. కాబట్టి సన్ స్ర్కీన్ లోషన్ తప్పనిసరి.

మరి మొటిమలు నిరోధించడానికి ఏమి చెయ్యాలి?
1. శీతాకాలంలో చర్మానికి ఒక సారి మాత్రమే కోల్డ్ క్రీమ్ ను అప్లై చేయాలి.
2. క్రమం తప్పకుండా ముఖాన్ని శుభ్రం చేసుకోవాలి. ఒక వేళ శుభ్రం చేసుకొన్న తర్వాత ముఖం డ్రైగా కనబడుతుంటే ఫేస్ వాష్ చేసుకొన్న ప్రతి సారి మాయిశ్చరైజర్ ను అప్లై చేయాలి.
3. ఎక్కువ నీళ్ళు తాగుతుండాలి. లేదంటే శరీరంలోపల అధిక వేడికి గురిఅవుతుంది. ఇటువంటి చిన్న చిన్న చిట్కాలతో శీతాకాలంలో ఏర్పడే మొటిమలను నివారించవచ్చు.