15 నిమిషాలు కేటాయిస్తే చాలు.. మొటిమలు, మచ్చలు బై బై

లెమన్

నిత్యం ఇంట్లో ఉపయోగించే వస్తువులతోనే ప్యాక్ తయారు చేసుకోవచ్చు. ఒక నిమ్మకాయను కట్ చేసి.. రసం తీసుకోవాలి. అందులో.. ఒక టేబుల్ స్పూన్ ఉప్పు, మరో టేబుల్ స్పూన్ తేనె కలపాలి. ఈ మూడింటిని బాగా కలుపుకోవాలి. ఈ మిశ్రమాన్ని మొటిమలపై రాసి.. 15 నిమిషాల తర్వాత గోరువెచ్చని నీటితో కడిగేయాలి.

టమోటా

రెండు టేబుల్ స్పూన్ల టమోటా రసం, ఒక టేబుల్ స్పూన్ తేనె, సగం టీ స్పూన్ బేకింగ్ సోడా తీసుకుని అన్నింటిని కలిపి మిశ్రమంలా తయారుచేసుకోవాలి. ఈ పేస్ట్ ని మొటిమపై రాసి.. 10 నిమిషాలు వదిలేయాలి. తర్వాత చల్లని నీటితో కడుక్కోవాలి. ఈ చిట్కాని వారం రోజులు పాటించినట్లైతే.. మొటిమలు తగ్గిపోతాయి.

పసుపు

పసుపు యాంటీసెప్టిక్ గానే కాకుండా.. సహజ మందులా చర్మసమస్యలతో పోరాడుతుంది. చిటికెడు పసుపు తీసుకుని దానికి ఒక టేబుల్ స్పూన్ పాలు, ఒక టేబుల్ స్పూన్ రోజ్ వాటర్ కలిపి మొటిమలపై రాస్తే సరి. దీనిని తరచుగా రాస్తూ ఉంటే మొటిమలే కాకుండా మచ్చలు కూడా మాయమౌతాయి.

తేనె:

చర్మంలో మొటిమలను నివారించుకోవడానికి మరో ఎఫెక్టివ్ హోం రెమెడీ తేనె. తేనెను గోరువెచ్చగా చేసి, గోరువెచ్చగా ఉన్నప్పుడే మొటిమల మీద అప్లై చేయాలి. తేనె డ్రై అయిన తర్వాత దాని మీదే కోల్డ్ మిల్క్ క్రీమ్ ను అప్లై చేసి డ్రై అయిన తర్వాత చల్లటి నీటితో శుభ్రం చేసుకుంటే ఒక వారంలో పింపుల్స్ మాయం అవుతాయి.

బేకింగ్ సోడా

వంటకాల్లో ఉపయోగించే బేకింగ్ సోడా.. అందరి చర్మ తత్వాలకు సరిపోదు. కాబట్టి జాగ్రత్తగా వాడుకోవాలి. బేకింగ్ సోడా మీ చర్మతత్వానికి సరిపోతే.. ఈ చిట్కా ప్రయత్నించండి. ఒక టేబుల్ స్పూన్ బేకింగ్ సోడా తీసుకుని.. రోజ్ వాటర్ మిక్స్ చేసి పేస్ట్ లా తయారు చేసుకోవాలి. దీన్ని పింపుల్ పై అప్లై చేసి.. 15 నిమిషాల తర్వాత కడిగేసుకోవాలి. సింపుల్ అండ్ టైమ్ సేవింగ్ హోమ్ రెమిడీస్ ను ఫాలో అవండి. ముఖంపై మొటిమలు, మచ్చలు లేకుండా కాంతివంతంగా మెరవండి.