చర్మం కాంతివంతం చేసే సింపుల్ అండ్ నేచురల్ బ్యూటీ టిప్స్

వేపచెట్టు

వేపచెట్టు ఆరోగ్యానికి చక్కటి ఔషధం. అలాగే ముఖవర్చస్సుకూ ఉపయోగపడుతుంది. వేపాకులను నీటిలో ఉడకబెట్టాలి. ఆ నీరు చల్లారాక ముఖానికి అప్లై చేసుకోవాలి. ఇలా చేయటం వల్ల ముఖం శుభ్రపడుతుంది.

కొంచెం వేపాకు పౌడర్‌ను తీసుకొని దానికి గ్రేప్‌సీడ్‌ ఆయిల్‌ కలపి మెత్తగా చేసి ముఖానికి రాసుకోవాలి. పదిహేను నిమిషాల తర్వాత కడిగేసుకోవాలి.

తేనె మంచి యాంటీ సెప్టిక్‌.

తేనె మంచి యాంటీ సెప్టిక్‌. ముఖంపై కాలిన గాయాలకు తేనెను రెగ్యులర్‌గా అప్లై చేస్తుంటే మంచి ఫలితం కనిపిస్తుంది.

తేనె, శెనగపిండి, చందనం

తేనె, శెనగపిండి, చందనం, మీగడ కలిపి మిశ్రమంగా తయారు చేసి ఆ మిశ్రమాన్ని ముఖానికి పట్టిస్తే చర్మం మృదువుగా అవుతుంది.

ముల్తానీ మట్టిని

ఒక బౌల్‌లో ముల్తానీ మట్టిని తీసుకొని దానికి కొంచెం తాజా టొమాటో రసం కలపాలి. వీటికి పసుపు, చందనం పౌడర్‌ను కలిపి బాగా మిక్స్‌ చేయాలి. ఆ మిశ్రమాన్ని ముఖానికి పట్టిస్తే ముఖంపై ఉండే మచ్చలు తొలగిపోతాయి.

ముల్తానీ మట్టికి పుదీనా ఆకులు

ముల్తానీ మట్టికి పుదీనా ఆకులు కలిపి చూర్ణం చేయాలి. ఆ మిశ్రమాన్ని ముఖానికి పట్టించాక అరగంట ఆగి ముఖాన్ని శుభ్రం చేసుకోవాలి. ఇలా చేయటం వల్ల ముఖంపై ఉండే నల్లటి మచ్చలు తొలగిపోతాయి.

శనగపిండికి కాస్త పసుపు, పెరుగు కలిపి పేస్ట్‌గా తయారు చేసుకోవాలి. ఈ పేస్ట్‌ను పట్టిస్తే ముఖం కాంతివంతంగా మెరుస్తుంది.

బియ్యం పిండి, టొమాటో రసం

బియ్యం పిండి, టొమాటో రసం, పాలు, పసుపు కలిపాలి. ఆ మిశ్రమాన్ని ముఖానికి రాస్తే ముడతలు పోతాయి.

గంధం, పాలు

గంధం, పాలు కలిపి దాన్ని ముఖానికి పట్టించి 20 నిమిషాల తర్వాత కడిగేసుకుంటే మృదువైన చర్మం మీ సొంతం అవుతుంది.

తులసి ఆకులను

తులసి ఆకులను చూర్ణం చేసి అందులోకి పాలు కలిపి ముఖానికి పట్టిస్తే ఆరోగ్యవంతమైన చర్మం మీ సొంతమవుతుంది.

బాదాం

ఐదు బాదాంలను తీసుకొని పౌడరు చేసుకోవాలి. దానికి 1 టేబుల్‌ స్పూన్‌ పాలు, 1 టేబుల్‌ స్పూన్‌ నిమ్మరసం కలిపాలి. ఆ పేస్ట్‌ను ముఖానికి అప్లై చేసి ఇరవై నిమిషాల తర్వాత మంచినీళ్లతో కడిగేస్తే ముఖం మెరుస్తుంది.