సముద్రపు ఉప్పు వలన జుట్టుకు ,ముఖానికి కలిగే సౌందర్య లాభాలు

1. వంటికి నలుగు:

మన చర్మం పై ఉండే మృతకణాలు తొలగించడంలో నలుగు తోడ్పడుతుంది. ఉప్పును నలుగులో వాడవచ్చు. ఇలా చేయడం వల్ల మీ చర్మం మృదువుగా, కాంతివంతంగా తయారవుతుంది.

ఎలా వాడాలి?: 1/4కప్పు ఉప్పుకు 1/2కప్పు కొబ్బరి నూనె లేదా ఆలివ్ ఆయిల్ కలిపి చిక్కని ముద్దగా చేయండి. దీనితో వొళ్ళంతా వలయాకారంలో మృదువుగా మర్దన చేసుకుని తరువాత స్నానం చేయండి.ఇలా వారానికి ఒకసారి చేస్తే మంచి ఫలితం ఉంటుంది.

2. మాస్క్:

సముద్రపు ఉప్పుకు తేమను పెంపొందించే గుణం ఉంటుంది. దీనిని తేనెతో కలిపి వాడినట్లైతే, దాని మంట తగ్గించే గుణం వలన చర్మం సేదతీరుతుంది. ఇంట్లో మీరు ఈ ఫేస్ మాస్క్ సులభంగా ఎలా తయారు చేయాలో తెలుసుకోండి.

ఎలా వాడాలి?: 2టేబుల్ స్పూన్ల ఉప్పులో 4టేబుల్ స్పూన్ల పుట్ట తేనె వేసి బాగా కలపండి. ఈ మిశ్రమాన్ని ముఖానికి పట్టించి15 నిమిషాల తరువాత గోరు వెచ్చని నీటితో కడిగేయాలి. ఈ మాస్క్ ను వారానికి రెండు సార్లు రాసుకుంటే శుభ్రమైన,మృదువైన మరియు కాంతివంతంగా ఉండే చర్మం మీ సొంతమవుతుంది.

3. స్కిన్ టోనర్:

మొటిమలతో కూడిన జిడ్డు చర్మం కలిగిన వారికి టోనర్ చాలా సహాయపడుతుంది. ఇది మీ చర్మరంధ్రాలను మూసివేసి pHను సమన్వయపరుస్తుంది. మీ చర్మానికి తేమ సమకూర్చి పునరుజ్జీవం అందిస్తుంది. ఇంట్లో ఉప్పుతో కూడిన టోనర్ ఎలా తయారు చేయవచ్చో తెలుసుకోండి.

ఎలా వాడాలి?: దీనిని రెండే రెండు అద్భుతమైన వస్తువులతో తయారు చేయవచ్చు. అవి ఉప్పు మరియు గోరు వెచ్చని నీరు. 2 స్పూన్ల ఉప్పును గోరు వెచ్చని నీటిలో బాగా కరిగిపోయేటట్టు కలపండి. ఈ నీటిని ఒక స్ప్రే సీసాలో నింపండి. ఎప్పుడు కావాలంటే అప్పుడు దీనిని మీ ముఖంపై చల్లుకోండి.

4. చుండ్రును తొలగిస్తుంది:

సముద్రపు ఉప్పు మాడును పొడిబారకుండా కాపాడుతుంది. దీనివలన చుండ్రు ఏర్పడదు. జుట్టును తడి చేసుకోబోయే ముందు దంచిన సముద్రపు ఉప్పును తలకి రాయండి. ఉప్పు తలపై చుండ్రు ముక్కలను వదులుగా చేసి లోపలికి ఇంకి మాడును శాంతపరుస్తుంది. వారానికి ఒకసారి ఇలా చేస్తే తేడా మీకే తెలుస్తుంది.

5. కళ్ళ కింద ఉబ్బును తగ్గిస్తుంది:

అధిక పని ఒత్తిడి వలన కళ్ళ కింద వాపులు తయారవుతాయి. వీటిని అమాంతం తగ్గించాలంటే సముద్రపు ఉప్పు పనికొస్తుంది. ఒక స్పూన్ ఉప్పును గోరు వెచ్చని నీటిలో బాగా కరిగిపోయేటట్టు కలపండి. దీనిలో ఒక దూది ఉండలను ముంచి కళ్ళ మీద పెట్టుకోవాలి. ఇలా చేయడం వలన సత్వర ఉపశమనం కనిపిస్తుంది.