కెమికల్ పీల్ చేయించుకునే ముందు అడగాల్సిన తప్పనిసరి ప్రశ్నలు

1) కెమికల్ పీల్ చికిత్స ఎవరు తీసుకోవాలి

కెమికల్ పీల్ పద్దతి , చర్మ సంబంధితమైన సమస్యలైన హైపర్ పిగ్మెంటేషన్, ముడతలు, చారలు, మొటిమలు, మచ్చలు మరియు నల్ల మచ్చలు వంటివి పోగొట్టడానికి చేసే చికిత్స.అయినప్పటికీ, చికిత్స ముందు డాక్టర్ ని సంప్రదించడం మంచిది.

2) చర్మాన్ని బాగుపరచడానికి వాడే వివిధ రసాయనాలు ఏంటి ?

మీ డెర్మటాలజిస్టును అడగాల్సిన రెండవ ప్రశ్న ఇది.చర్మాన్ని బాగుపరచడానికి చాలా రకాల రసాయనాలు ఉన్నాయి.మీ చర్మ సమస్యలను నివారించడానికి చాలా రకాల రసాయన పదార్థాలు ఉన్నాయి.ఉదాహరణకు గ్లైకోలిక్ పీల్, శాలీసైక్లిక్ పీల్, లాక్టిక్ పీల్, బీటా పీల్, రంగును సంతులనం చేసే పదార్థాలు మొదలైనవి.

3) ఇందులో వాడే పదార్థాలు ఏంటి?

ఈ చికిత్స చేయించుకోవాలంటే తరువాత అడగాల్సిన ప్రశ్న ఇందులో వాడే పదార్థాలు ఏంటి అని.ఇందులో వాడే పదార్థాలు మీ చర్మానికి పడతాయో లేదో తెలుసుకోవడం ముఖ్యం.

4) ఈ రసాయనిక చికిత్సకి ఎలా సిద్ధం కావాలి?

కావాల్సిన ఫలితాల కోసం చికిత్స ముందు జాగ్రత్త అవసరం.చికిత్స జరిగే ఒక వారం ముందు నుంచి చర్మాన్ని ఎక్కువ రుద్దకుండా,ఎండలో ఎక్కువ తిరగకుండా ఉంటే మంచిది.ఏదైనా మీ చర్మం రకాన్ని బట్టి తీసుకోవాల్సిన జాగ్రత్తలు కూడా మారతాయి.అందుకని, మీ డెర్మటాలజిస్టును అడగటం మంచిది.

5) ఎన్ని సెషన్స్ అవసరం?

మొహంపై చికిత్స కోసం, చాలా సెషన్స్ కావాల్సుంటుంది.సెషన్ల మద్య 3 వారాల విరామం కూడా ఉండచ్చు.కానీ మళ్ళీ ఇది మీ చర్మరకాన్ని బట్టి ఆధారపడి ఉంటుంది.

6) ఈ రసాయనిక చికిత్స తరువాత ఏమవుతుంది?

ఒక సెషన్ తరువాత ముఖం ఎర్రగా అవ్వడం, అసమానంగా చర్మరంగు మరీయు చర్మం పొరలు ఊడిపోవడం వంటివి చాలామంది చూస్తారు.ఆఖరి ఫలితాలు మొత్తం చికిత్స అయ్యాక మాత్రమే కనిపిస్తాయి.

7) చికిత్స వలన దుష్ప్రభావాలు ఏమైనా ఉన్నాయా?

ఈ చికిత్సలో చర్మాన్ని బాగు చేయడానికి ఎన్నో కెమికల్స్ వాడతారు.కొందరి విషయంలో, ఈ రసాయనాలు ముఖం ఎర్రబడటం,చర్మం రంగు మారడం,చిరాకు,మంట వంటి దుష్ప్రభావాలు చూపించవచ్చు. అందుకే ఈ చికిత్స తీసుకునే ముందు, మీ డెర్మటాలజిస్టును ఇది కూడా అడగటం అత్యవసరం.