నిర్జీవంగా ఉన్న ముఖ చర్మాన్ని పునరుత్తేజితం చేయడానికి మీరు పాటించవలసిన చిట్కాలు!

మాయిశ్చరైజింగ్ అత్యవసరం

మీ చర్మాన్ని తేమగా ఉంటే, ఆరోగ్యకరంగా ఉంటుంది. మీ చర్మం ఆరోగ్యంగా మరియు తాజాగా కనిపించడానికి, తేమగా ఉండడం చాలా ముఖ్యం. కనుక, ప్రతిరోజూ పొద్దుట మరియు రాత్రి పడుకునే ముందు, మీ ముఖానికి కొంత మాయిశ్చరైజర్ ను తప్పక రాసుకోండి.

మీ చర్మ సంరక్షణ పద్ధతులను మార్చుకోండి

ఎప్పుడూ ఒకే రకమైన చర్మ సంరక్షణ పద్ధతులను పాటిస్తే, అవి పని చేయకపోవచ్చు. వేసవికాలంలో పని చేసే పద్ధతి, శీతాకాలంలో పని చేయకపోవచ్చు. కాబట్టి మీరు మీ చర్మ సంరక్షణను మీ చుట్టూ ఉన్న వాతావరణంను అనుసరించి అంచనా వేయడం ముఖ్యం, తద్వారా మీ చర్మానికి కాలానుగుణంగా ఏది అవసరమో, అది అందించే వీలు కుదురుతుంది. వేసవిలో SPF 30 ను కలిగి ఉన్న ఉన్న సన్ స్క్రీన్ ను ఉపయోగించండి మరియు సంవత్సరం అంతటా UVA మరియు UVB రెండింటినీ కలిగి ఉన్న సన్ స్క్రీన్ ను ఉపయోగించండి. తద్వారా, మీరు అన్ని సీజన్లలో సంపూర్ణ సంరక్షణ పొందవచ్చు.

ఫేస్ మాస్క్ ను ఉపయోగించండి:

మీ చర్మం మృదువుగా, కాంతివంతంగా మరియు ఆరోగ్యకరంగా ఉండాలంటే చర్మాన్ని మాయిశ్చరైజ్ చేసుకున్నంత మాత్రాన సరిపోదు. ఫేస్ మాస్కును వాడటం వలన మీ చర్మానికి అదనపు కాంతి చేకూరుతుంది.

చర్మంపై వృద్దాప్య ఛాయలు కనపడకుండా, ఎర్రదనం రాకుండా , మచ్చలు, మొదలైనవి వంటి కొన్ని సాధారణ చర్మ సమస్యలు తలెత్తకుండా పరిష్కరించడంలో మీకు సహాయపడే ఒక మాస్కును ఎంచుకోండి. వేగవంతమైన మరియు మెరుగైన ఫలితాల కోసం, కనీసం వారానికి ఒక్కసారి ఈ మాస్కును ఉపయోగించండి.

మీ కాళ్ళ సంరక్షణపై శ్రద్ధ తీసుకోండి:

మీ కాళ్ళలో తైల గ్రంధులు తక్కువగా ఉన్నందున, పొడిబారి ఉంటాయి. అంతేకాకుండా, ఈ ప్రాంతంలో వెంట్రుకల పెరుగుదల శరీరం యొక్క ఇతర భాగాలతో పోలిస్తే ఎక్కువగా ఉంటుంది. కనుక,ఇతర ప్రాంతాలతో పోలిస్తే, కాళ్ళ మీద వెంట్రుకలను మనం తరచుగా తొలగిస్తుంటాము. కన్నా ఎక్కువగా జుట్టును తీసివేస్తాము.

దీని కారణంగా కాళ్ళ మీది చర్మం పొడిబారి, పొలుసులుగా మారుతుంది. కాబట్టి మీ జుట్టును తీసివేసిన ప్రతిసారీ మాయిశ్చరైజర్ ని ఉపయోగించడం ముఖ్యం. వాక్సింగ్, షేవింగ్ లేదా హెయిర్ రిమూవర్ క్రీమ్ వాడినా కానీ, ఏ పద్దతిని అనుసరించినా, తేమను కాపాడుకోవడానికి మాయిశ్చరైజర్ ని ఉపయోగించడం తప్పనిసరి.

స్క్రబ్బింగ్ పరిమితంగా చేసుకోండి:

మీ చర్మంపై పేరుకున్న మృతకణాలను తొలగించడం చాలా ముఖ్యం.ఇలా చేస్తే మీ చర్మం ప్రకాశవంతంగా మరియు ఆరోగ్యకరంగా తయారవుతుంది.

కానీ తరచుగా స్క్రబ్బింగ్ చేసుకోవడం వలన చర్మం దెబ్బతింటుంది. కనుక, మీరెప్పుడు స్క్రబ్ ను ఉపయోగించినా, ఎలా ఉపయోగించాలో,ఎంత తరచుగా ఉపయోగించాలో తెలుసుకోండి. మీరు మార్కెట్లో లభించే సున్నితమైన స్క్రబ్లను ఉపయోగించుకోవచ్చు లేదా ఇంట్లో మీ సహజమైన స్క్రబ్ ను తయారు చేసుకోవచ్చు. ఇంట్లో సాధారణంగా దొరికే పదార్థాలతో సులువుగా చేసుకోగలిగేది చక్కెర స్క్రబ్. దీన్ని ఎలా చేయాలో చూద్దాం.

కావలసిన పదార్థాలు:

1-2 టేబుల్ స్పూన్లు గ్రాన్యులేటెడ్ చక్కెర

2-3 టేబుల్ స్పూన్ నిమ్మ రసం

ఎలా ఉపయోగించాలి?

1. ముందుగా, గ్రాన్యులేటెడ్ చక్కెర మరియు తాజా నిమ్మరసం కలిపి కలపాలి.

2. మీ వేలికొనలను వలయాకార కదలిస్తూ, ఈ మిశ్రమాన్ని ముఖానికి మృదువుగా మర్దన చేసుకోండి.

3. ఇలా 2-3 నిమిషాల పాటు చేసాక, ఇది 10-15 నిమిషాల పాటు ఆరనివ్వండి.

4. తరువాత, సాధారణ నీటితో ముఖాన్ని శుభ్రం చేసుకుని, పొడిగా తుడుచుకోండి.

5. తరువాత మీరెప్పుడు వాడే మాయిశ్చరైజర్ తో ముఖాన్ని మృదువుగా మర్దన చేసుకోండి.