కాంతివంతమైన చర్మం కోసం ఈ అద్భుతంగా పనిచేసే ఈ పదార్థాలను ప్రయత్నించి చూడండి !

స్టెప్ 1 : క్లీన్సింగ్

ఫేషియల్లో పాటించవలసిన మొట్టమొదటి చర్య ఇది. ఇది మీ చర్మంపై ఉన్న మురికిని శ్లేష్మము ఇతర అవాంచిత మలినాలను తొలగించి ముఖాన్ని శుభ్రపరుస్తుంది.

కావలసినవి :

1 టేబుల్ స్పూన్ నిమ్మ పై తొక్క (పొడిరూపంలో)

2-3 టీస్పూన్ల పాలు

తయారీ విధానం :

పైన తెలిపిన పదార్థాలను రెండింటిని ఒక కప్పు లోకి తీసుకొని, బాగా మిక్స్ అయ్యేలా కలపాలి. ఇలా తయారైన మిశ్రమాన్ని ముఖానికి అప్లై చేసి, 2-3 నిమిషాల వరకు అలానే వదిలివేయాలి. ఆ తర్వాత చల్లని నీటితో మీ ముఖాన్ని శుభ్రపరుచుకోవాలి. ఈ విధంగా మొదటి దశ పూర్తవుతుంది.

స్టెప్ 2 : స్క్రబ్బింగ్

క్లీన్సింగ్ తర్వాత పాటించవలసిన రెండోదశ స్క్రబ్బింగ్. చనిపోయిన చర్మ కణాలను పూర్తిగా తొలగించి, మీ ముఖము రూపాన్ని సహజంగా మెరుగుపరచడంలో ఇది సహాయపడుతుంది.

కావలసినవి :

2 టేబుల్ స్పూన్ల కొబ్బరినూనె

1 టేబుల్స్పూను గ్రాన్యులేటెడ్ షుగర్

కొన్ని చుక్కల నిమ్మనూనె

తయారీ విధానం :

ఒక గిన్నెలో 1 టేబుల్ స్పూను షుగర్ను తీసుకుని దానికి కొన్ని చుక్కల నిమ్మరసంను జోడించండి. ఆ తర్వాత 2 టేబుల్ స్పూన్ల కొబ్బరినూనెను చేర్చి బాగా కలపాలి. మీ ముఖంపై వృత్తాకార కదలికల ఈ మిశ్రమాన్ని 5-6 నిమిషాల పాటు స్క్రబ్ చేస్తూ శుభ్రపరచాలి. ఇలా చేయడం వల్ల మీ చర్మం పై చనిపోయిన చర్మ కణాలను తొలగించి, మృదువైన - మెరుగైన చర్మాన్ని పెంపొందిస్తుంది. 5 నిమిషాల తర్వాత సాధారణ నీటితో మీ ముఖాన్ని శుభ్రం చేసుకోవాలి.

స్టెప్ 3 : ఫేస్-మాస్క్

ఫేషియల్ ప్రక్రియలో ఫేస్మాస్క్ అనేది అత్యంత కీలకమైన దశ. ఫేస్-మాస్క్ మీ చర్మాన్ని హైడ్రేట్గా ఉంచి మీరు మరింత అందంగా కనపడేటట్టు చేస్తుంది. ఇక కొన్ని నిమ్మ ఆధారమైన ఫేస్-మాస్కులు వున్నాయి. అవి

a) అరటి-నిమ్మల ఫేస్మాస్క్ :

ఈ ఫేస్-మాస్కులు మొటిమలను, చర్మపు మంటలను తగ్గించి, మీ చర్మాన్ని తేమగా ఉంచుతుంది.

కావలసినవి :

1 నిమ్మకాయ

1 అరటిపండు

తయారీ విధానం :

ఒక గిన్నెలో, అరటిపండు గుజ్జును మెత్తని పేస్టులా చేసి దానికి కొన్నిచుక్కల నిమ్మరసాన్ని కలపాలి. ఇలా తయారైన మిశ్రమాన్ని మీ ముఖంపై లేపనంగా అప్లై చేయాలి. అలా 15 - 20 నిమిషాల వరకు వేచి ఉన్న తర్వాత మీ ముఖాన్ని సాధారణ నీటితో శుభ్రం చేసుకొని పొడిగా మార్చుకోవాలి.

b) నిమ్మ - ఓట్మీల్ ఫేస్ప్యాక్ :

కావలసినవి :

2 టేబుల్ స్పూన్ల నిమ్మ పై తొక్క (పొడిరూపంలో)

1 టీస్పూను తేనె

1 టేబుల్స్పూన్ ఓట్మీల్ పౌడర్

తయారీ విధానం :

పైన తెలిపిన అన్ని పదార్థాలను కలిపి మందపాటి పేస్టులా తయారు చేసుకోవాలి. ఇలా తయారైన మిశ్రమాన్ని మీ ముఖానికి అప్లైచేసి 20 నిమిషాల పాటు అలానే వదిలివేయాలి. మృదువైన & సున్నితమైన చర్మాన్ని పొందడానికి చివరిగా గోరువెచ్చని నీటితో మీ ముఖాన్ని శుభ్రం చేసుకోవాలి. ఈ ఫేస్ప్యాక్ పొడి చర్మం ఉన్నవారికి అద్భుతంగా పనిచేస్తుంది.

c) పసుపు - నిమ్మల ఫీల్తో చేసిన పేస్ ప్యాక్ :

కావలసినవి :

1 టేబుల్ స్పూన్ నిమ్మ పై తొక్క (పొడిరూపంలో)

1 టేబుల్ స్పూన్ రోజ్వాటర్

చిటికెడు పసుపు

తయారీ విధానం :

ఒక గిన్నెలో నిమ్మతొక్క పొడిని & పసుపును ఒకటిగా కలపాలి. ఇలా తయారుచేసుకున్న మిశ్రమానికి కొన్ని చుక్కల రోజ్ వాటర్ను జోడించి మెత్తని పేస్టులా తయారుచేసుకోవాలి. మీ ముఖము & మెడ భాగాలలో ఈ పేస్ట్ను అప్లై చేసి, 10-15 నిమిషాల పాటు ఆరనివ్వాలి. పదిహేను నిమిషాల తర్వాత వృత్తాకార కదలికలలో శుభ్రపరుస్తూ, చల్లని నీటితో మీ ముఖాన్ని కడగాలి.

d) అలోవెరా - నిమ్మల ఫీల్తో చేసిన పేస్ ప్యాక్ :

ఈ ప్యాక్ మీ చర్మంపై ఏర్పడిన రెడ్నేస్ను, సన్బర్న్ తొలగించి మీ చర్మ ఛాయను మరింతగా మెరుగుపరుస్తుంది.

కావలసినవి :

2 టేబుల్ స్పూన్ల నిమ్మ పై తొక్క (పొడిరూపంలో)

2 టేబుల్ స్పూన్ల అలోవెరా జెల్

కొన్ని చుక్కల నిమ్మరసం

తయారీ విధానం :

తాజా అలోవెర మొక్కనుంచి సేకరించిన గుజ్జును ఒక కప్పులోకి తీసుకోవాలి. ఒకవేళ మీకు సహజసిద్ధమైన అలోవెరా మొక్క అందుబాటులో లేకపోతే, మార్కెట్లో అందుబాటులో ఉన్న రెడీమేడ్ అలోవెరా జెల్ ఉపయోగించవచ్చు. దానికి నిమ్మ తొక్కతో చేసిన పొడిని & కొన్నిచుక్కల నిమ్మరసాన్ని జోడించి మెత్తని పేస్ట్లా తయారు చేసుకోవాలి. ఈ విధంగా తయారైన మిశ్రమాన్ని మీ ముఖానికి అప్లై చేసి 15 నిమిషాల వరకు పొడిగా మారేంత వరకు ఉండనివ్వాలి. ఆ తర్వాత చల్లని నీటితో మీ ముఖాన్ని శుభ్రం చేసుకోవాలి.

ఇప్పటివరకు పైన తెలిపిన ఫేస్ ప్యాక్లు అన్నీ కూడా మీ చర్మంపై అద్భుతంగా పని చేయగలవు. ఈ ఫేస్ ప్యాక్ను వారంలో ఒకసారి (లేదా) నెలలో రెండుసార్లు ఆచరించడంవల్ల కలిగే అద్భుతమైన ప్రయోజనాలను మీరే స్వయంగా చూడవచ్చు !