మలబద్దకం సమస్యను నివారించగలిగే ఆక్యుప్రెషర్ పాయింట్స్ : ఇక్కడ నొక్కితే మీకు బాత్రూం సమస్యలు ఉండవు

అసలేమిటీ ఆక్యుప్రెషర్ పాయింట్ ? శరీరంలో ఎక్కడ ఉంటుంది ?

ఆక్యుప్రెషర్ నిపుణులు ఈ ప్రాంతాన్ని "శక్తి సముద్రం" గా సూచిస్తుంటారు. ఈ స్థానం ఎక్కడ ఉంది ? అంటే, ఇది మీ నాభి భాగానికి కొన్ని అంగుళాలు క్రిందుగా ఉంటుందని చెప్పడమైనది.

ఎలా కొలవాలి

మీ చూపుడు వేలు యొక్క వెడల్పుని (పొడవు కాదు) కొలవండి. దీనిని 3 తో గుణించండి. మీ వేలు వెడల్పు అంగుళం అనుకుంటే, అప్పుడు మీ నాభి క్రింద 3 అంగుళాల దూరంలో. మీరు ఒత్తిడిని కలిగించాల్సి ఉంటుంది.

ఆచరించే విధానం :

మీరు బాత్రూంలో ఉన్నప్పుడు, మూడు వేళ్లను ఉపయోగించి పాయింట్ని నొక్కండి. ఈ విధంగా 1 నుండి 3 నిమిషాల వరకు, ఒత్తిడిని ప్రేరేపించండి.

ఒక్కోసారి 10 సెకండ్లలోపునే, మీ సమస్య తీరిపోతుంది. అలా కాని ఎడల, 2 నుండి 3 నిమిషాలు ఒత్తిడిని కలిగించడం తప్పనిసరి అవుతుంది.

ఇది ఎలా పని చేస్తుంది?

ఆ ప్రాంతంలో నొక్కినప్పుడు మీ జీవక్రియలను క్రియాశీలపరచి, మలవిసర్జనను ప్రేరేపించే హీలింగ్ ఎనర్జీ ఉత్పన్నమవుతుంది. మీకు ఇదివరకే తెలుసు, శరీరంలోని విషతుల్య రసాయనాల నిర్మూలనకు ఇటువంటి శక్తిస్థాయిలు అవసరమని. వాస్తవానికి, ఉదర కండరాలపై చేసే మసాజ్ కూడా మీ ప్రేగులను కదిలిస్తుంది.

ఇతర ప్రయోజనాలు :

అదనంగా, ఈ ప్రాంతంలో ఒత్తిడిని కలిగించడం ద్వారా, జీర్ణ సమస్యలు, గ్యాస్, ఋతు తిమ్మిరి, మరియు మల విసర్జన సమయంలో పురీషనాళం నొప్పులు కూడా ఉపశమనం గావించబడుతాయి.

అదనపు చిట్కా

కూర్చుని ఉన్న పొజిషన్ (వెస్టర్న్ టాయిలెట్ సిస్టం) తీసుకునే బదులుగా, స్క్వాటింగ్ (ఇండియన్ టాయిలెట్ సిస్టం) విధానం మీకు మరింత సహాయం చేయగలదు. ఈ విధానం కూర్చొని ఉన్న స్థితి కన్నామెరుగైన ప్రేగు కదలికలకు అనుకూలంగా ఉంటుంది.

సహనం :

కొన్నిసార్లు, ప్రేగు కదలికలకు సమయం పడుతుంది, మీరు ఓర్పును కోల్పోవచ్చు కూడా. కానీ ఎట్టిపరిస్థితుల్లో ఓర్పును కోల్పోకుండా, ప్రయత్నించి చూడండి. క్రమంగా మెరుగైన ఫలితాలను సాధించగలరు. అలాకాకుండా సహనం కోల్పోయి పురీష నాళం మీద అధిక ఒత్తిడి కలుగచేసినప్పుడు. అది మలద్వారం వద్ద గాయాలకు కూడా కారణం కావొచ్చు. క్రమంగా పైల్స్, ఫిషర్స్ (మూలశంక, మొలలు) వంటి ఇతర సమస్యలతో పాటుగా, హార్ట్ ఎరిత్మియా వంటి ప్రాణాంతక సమస్యకు కూడా దారితీయగలదు. కావున జాగ్రత్త తప్పనిసరి.

ఇతర జాగ్రత్తలు :

మీ ప్రేగు కదలికలు మొదలైతే, వెంటనే బాత్రూం వెళ్ళేలా చర్యలు తీసుకోవాలి. అధిక సమయం తీసుకోరాదు. మీకు క్రియాశీల జీవనశైలి ఉందని నిర్ధారించుకోండి. లేకపోతే, వారానికి కనీసం ఒక గంట ఏరోబిక్స్ చేయడం మంచిది.

ఫైబర్ తినండి :

మీ ఆహార ప్రణాళికలో సరైన మోతాదులో పీచుపదార్ధాలు ఉన్నాయని నిర్ధారించుకోండి. డైల్యూటెడ్ ఫైబర్ ఉండే బెర్రీలు, బీన్స్, ఫ్లాక్స్ సీడ్, బ్రౌన్ రైస్ మరియు ప్రూనే వంటి ఆహార పదార్ధాలను క్రమం తప్పకుండా తీసుకోండి.

లైంగిక, వ్యాయామ విషయాల కోసం

ఈ వ్యాసం మీకు నచ్చినట్లయితే మీ ప్రియమైన వారితో పంచుకోండి. ఇటువంటి అనేక ఆసక్తికర ఆరోగ్య, జీవనశైలి, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ వ్యాసంపై మీ అభిప్రాయాలను, వ్యాఖ్యలను క్రింద వ్యాఖ్యల విభాగంలో తెలియజేయండి.