మలబద్దకం సమస్యతో బాధ పడుతున్నారా ? అయితే ఈ 7 చిట్కాలు మీకు తప్పక ఉపశమనాన్ని ఇవ్వగలవు.

1. ఒక స్క్వాటింగ్ టాయిలెట్ సీటర్ ఉపయోగించండి

కమ్మోడ్ టాయిలెట్ బదులుగా, ఇండియన్ స్టైల్ టాయిలెట్ మోడల్ వినియోగించడం మంచిదిగా సూచించబడుతుంది. అలాగని వెస్టర్న్ టాయిలెట్ మోడల్ సరికాదు అని చెప్పడం లేదు, ఈ సమస్యతో బాధ పడేవారికి సూచించదగిన టాయిలెట్ సీట్ స్క్వాటింగ్ మోడల్. ఈ పద్దతిలో ప్రేగులు మడతకు గురికాకుండా ఉన్న ఎడల, మలవిసర్జన సజావుగా కొనసాగుతుంది.

2. వ్యాయామం

శారీరక శ్రమ వ్యర్థాలను త్వరగా వెలికి తీయడానికి ప్రేగులను ప్రేరేపిస్తుందని మనకు తెలియనిదికాదు. ప్రతిరోజూ ఉదయం పూట క్రమంతప్పకుండా వ్యాయామం చేయటానికి గల మరొక మంచి కారణంగా కూడా ఉంటుంది.

3. ప్రోబయోటిక్స్ తీసుకోండి

శ్రీకృష్ణుడు అఘాసురుడుని ఎందుకు చంపుతాడు? అందగాడైన అఘాసురుడు కొండ చిలువలా ఎందుకు మారాడుమీరు రాత్రిపూట పెరుగు లేదా యోగర్ట్ వంటి ప్రోబయోటిక్ పదార్ధాలను తీసుకుంటున్న ఎడల, వీటిలోని మంచి బ్యాక్టీరియా మీ ప్రేగులను మరింత సరళతగా ఉండేలా వీలు కల్పిస్తుంది, క్రమంగా మీ ప్రేగు కదలికలు సులభతరం చేయడంలో సహాయపడుతుంది.

4. మెగ్నీషియం సప్లిమెంట్స్ తీసుకోండి

మీరు అజీర్ణ సమస్యలు లేదా మలబద్ధకంతో బాధపడుతున్నట్లయితే, మెగ్నీషియం సప్లిమెంట్ తీసుకోవడం గురించి మీ వైద్యునితో చర్చించడం మంచిది. ఎందుకంటే ఈ ఖనిజాలు మీ స్టూల్స్ వదులుగా చేసి, మలవిసర్జన సజావుగా సాగడంలో సహాయం చేస్తాయి. తరచుగా కొబ్బరి నీళ్ళు తీసుకోవడం ద్వారా కూడా శరీరానికి సరిపడా మోతాదులో మెగ్నీషియం అందించవచ్చు.

5. అనారోగ్య కార్బోహైడ్రేట్లను నివారించండి

అధిక మోతాదులో కార్బోహైడ్రేట్లు తీసుకోవడం మూలంగా అవి సరిగ్గా జీర్ణంకాక మలబద్దక సమస్యలు తలెత్తవచ్చు. చిప్స్, పాస్తా, మొదలైన అనారోగ్యకర పిండి పదార్థాలను తరచుగా తీసుకుంటున్నవారైతే, మీ జీర్ణవ్యవస్థ ప్రతికూలంగా ప్రభావితమవుతుంది. క్రమంగా మీ జీర్ణవ్యవస్థ పనితీరు కూడా నెమ్మదిగా మందగిస్తుంది. కావున వీలైనంత వరకు అధిక కార్బోహైడ్రేట్లు కలిగిన పదార్ధాలను దూరంగా ఉంచి, డైల్యూటెడ్ ఫైబర్ నిల్వలు ఉండేలా పీచు పదార్ధాలవైపు మొగ్గు చూపడం మంచిది.

6. తరచుగా నిలబడండి

ఎక్కువగా కూర్చుని చేసే ఉద్యోగాలలో ఉన్నవారు, ఈ సమస్యలను ఎదుర్కోవడం పరిపాటిగా ఉంటుంది. ఉదాహరణకు కంప్యూటర్ ఆపరేటర్స్, సాఫ్ట్వేర్ ఇంజినీర్స్. ఎక్కువగా డెస్క్ అంటుకుపోయి ఉండే ఉద్యోగాలలో ఉన్నవారు, లేదా అదేపనిగా కంప్యూటర్ గేమ్స్ అలవాటు పడినవారు, ఈ సమస్యను తరచుగా ఎదుర్కొంటూ ఉంటారు. కావున కనీసం ప్రతి 20 నిమిషాలకు ఒకసారైనా పైకి లేచి తిరుగుతూ, విశ్రాంతి తీసుకోవడం చేయాలి.

7. నిమ్మకాయ నీరు తాగండి

ప్రతిరోజూ ఉదయం నిమ్మకాయతో కూడిన గోరువెచ్చని నీటిని తీసుకోవడం ద్వారా కూడా ఈ సమస్యను నెమ్మదిగా దూరం చేయవచ్చు. నిమ్మకాయలోని విటమిన్-సి మలవిసర్జన సజావుగా సాగడంలో సహాయం చేయగలదు.