కుటుంబంలో ఎవరికి లేకపోయినా ?

చాలా వరకు డయాబెటీస్ వ్యాధి తీవ్రత, జీవన విధానం ఆచరించడంపై వుంటుంది. డయాబెటీస్ ప్రారంభ దశలో వున్న వారు ముందుగానే గుర్తించి, తగిన రీతిలో వ్యాయామం ప్రతిరోజూ చేయడం, ఆహారంలో మార్పులు వంటివి చేస్తే డయాబెటీస్ వ్యాధిని రివర్స్ చేయవచ్చు. ఆల్కహాల్ తాగడం, పొగ తాగటం వంటి చెడు అలవాట్లకు కూడా దూరంగా వుండాలి. జంక్ ఫుడ్ అధికంగా తినరాదు. శరీరంలోని గ్రంధులు అవసరమైన హార్మోన్లు ఉత్పత్తి చేసే దిశగా ఆహారాలు తింటూ వుండాలి.

మీకు మీ తల్లితండ్రులనుండి సంక్రమించిన జీన్స్ మాత్రమేకాక, పర్యావరణ ప్రభావం కూడా ప్రధాన పాత్ర వహిస్తుంది. అనారోగ్య ఆహారం, శారీరక శ్రమ లేకపోవటం వంటివి టైప్ 2 డయాబెటీస్ వచ్చేందుకు అవకాశమిస్తాయి. కనుక కుటుంబ సభ్యులు ఆరోగ్యకర ఆహారం తీసుకుంటూ వ్యాయామాలు చేస్తే డయాబెటీస్ వ్యాధి తల్లితండ్రులలో వున్నప్పటికి మీకు వచ్చే అవకాశం లేదు. వాటి మూలాలు మీలో వుండవచ్చు. కాని అవి బయటపడేందుకు అనుకూలమైన పరిస్ధితులు అంటే అనారోగ్య జీవన విధానాలు మీరు ఆచరిస్తే అవి తప్పక బయటపడతాయి.

టైప్ 1 డయాబెటీస్ అనేది పుటుకతోనే పిల్లలలో కలుగుతుంది. దీనికి పర్యావరణ పరిస్ధితులు ప్రధాన కారణం కావు. టైప్ 1 డయాబెటీస్ రోగులకు అవసరమైన ఇన్సులిన్ బయటనుండి ఇవ్వటమే పరిష్కారంగా చెప్పాలి. అయితే, కొన్ని వైరస్ లకుగురైనవారికి పర్యావరణ పరంగా డయాబెటీస్ వచ్చే అవకాశం కూడా వుంది. కనుక కుటుంబ సభ్యులెవరైనా ఇట్టి వాతావరణానికి గురికాకుండా వుంటే వారికి డయాబెటీస్ వచ్చే అవకాశం లేదు. మీరు వాటికి గురైనట్లయితే, మీకు మాత్రమే డయాబెటీస్ వచ్చే అవకాశాలుంటాయి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.