షుగర్ వ్యాధి కలిగించే తీపి పదార్ధాలు!

తాజా పరిశోధనలు అమెరికన్ జర్నల్ ఆఫ్ ఫిజియాలజీ లో ప్రచురించారు. లెప్టిన్ అనేది ఒక హార్మోన్ అని అది శరీరం తీసుకున్న ఆహారాన్ని , చేసిన ఎనర్జీ వ్యయాన్ని సమతుల్యత చేస్తుందని, ఈ హార్మోను సహకరించకపోతే శరీరం లావెక్కిపోవటం, షుగర్ వ్యాధి ఏర్పడటం జరుగుతుందని యూనివర్శిటీ ఆఫ్ ఫ్లారిడా కాలేజ్ ఆఫ్ మెడిసిన్ రీసెర్చర్లు వెల్లడి చేశారు.

ఫ్రక్టోస్ అనేది తాజా పండ్లలో వున్నప్పటికి వాటిని తింటే సమస్య లేదని, అయితే స్వీటు తినుబండారాలలో కలిపే సాధారణ స్వీటనర్లు అయిన టేబుల్ షుగర్, ఫ్రక్టోస్ అధికంగా వుండే కార్న సిరప్ మొదలైనవాటి వలననే వ్యక్తులు అధిక బరువు సంతరించుకోడం, షుగర్ వ్యాధి పాలవటం జరుగుతోందని వారు తెలిపారు.

షుగర్ వ్యాధి రాకుండా వుండాలంటే, తీపి పదార్ధాలు ప్రత్యేకించి షుగర్ తో తయారు చేసినవి తినటం మానాలి. తెల్లటి పాలిష్ చేసిన బియ్యం, లేదా రవ్వలు వంటివి కూడా తక్కువగా తినాలి. ఒక సారి షుగర్ వ్యాధి బారిన పడిన వారు ఆహారం పట్ల అనేక జాగ్రత్తలు తీసుకోవాలి. ప్రతిరోజూ తగిన వ్యాయామం లేదా ఇతర శారీరక శ్రమ తప్పక చేయాలి. తగినంత విశ్రాంతి తీసుకోవాలి. ప్రతిరోజూ రాత్రివేళ కనీసం 7 నుండి 8 గంటల పాటు శరీరానకి గాఢ నిద్ర కలిగించాలి. ఈ రకమైన జీవన విధానాలు పాటిస్తే, షుగర్ వ్యాధి నియంత్రణలో వుండి సాధారణ జీవనం ఆచరించే అవకాశం ఈ వ్యాధిగ్రస్తులకు వుంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.