టైప్-1 డయాబెటిస్ ఉంటే భయపడాల్సిన పని లేదంటున్న ప్రముఖ సింగర్, ప్రియాంక చోప్రా భర్త..

1) 14 ఏళ్ల క్రితం డయాబెటిస్..

నిక్ జోనస్ కు బాలీవుడ్ అందాల భామ ప్రియాంక చోప్రాతో పెళ్లి కాకముందే షుగర్ తో బాగా ఫికర్ చెందాడట. 14 సంవత్సరాల క్రితం సరిగ్గా నవంబర్ మాసంలోనే టైప్-1 డయాబెటిస్ గురించి నిర్ధారణ చేసుకున్నాడట. వాటిని గుర్తు చేసుకుంటూ సోషల్ మీడియాలో కొన్ని విషయాలను షేర్ చేసుకున్నాడు.

2) కోమా స్టేజీకి దగ్గరగా..

‘గతంలో తాను ఉన్నట్టుండి బరువు భారీగా తగ్గిపోవడంతో తన తల్లిదండ్రులు ఆసుప్రతికి తీసుకెళ్లారని, అప్పటికే తన ఆరోగ్యం బాగా క్షీణించిపోయిందని, అది ఎంతలా అంటే ఏకంగా కోమా స్టేజీకి దగ్గరగా వెళ్లిపోయాను అని, ఆసుపత్రికి వెళ్లడం ఒక్కరోజు ఆలస్యం అయినా నేను కోమాలోకి వెళ్లేవాడిని‘ అని పేర్కొన్నాడు.

3) నాకు చాలా చిన్నవయసులోనే డయాబెటిస్..

‘నాకు చాలా చిన్నవయసులోనే డయాబెటిస్ రావడంతో నేను చాలా భయపడ్డాను. నేను అనుకున్నది సాధించగలనా అని టెన్షన్ పడేవాడిని. అప్పుడే దీన్ని తగ్గించుకోవాలని నిర్ణయించుకున్నాను‘ అని చెప్పాడు.

4) డైట్ విషయంలో చాలా జాగ్రత్తలు..

‘నాకు డయాబెటిస్ నిర్ధారణ అయిన తర్వాత నేను డైట్ విషయంలో చాలా జాగ్రత్తలు తీసుకున్నాను. ఎల్లప్పుడూ ఇన్సులిన్ మరియు షుగర్ లెవెల్స్ పై శ్రద్ధ చూపుతుండేవాడిని‘ అని వివరించారు. అలాగే డయాబెటిస్ కారణంగా నేను తీసుకున్న ఆహారాన్ని చూసి కొందరు గాయకులు చాలా విమర్శలు చేశారని గుర్తు చేసుకున్నాడు.

5) డయాబెటిస్ తో ఒంటరిగా అనిపిస్తుంది..

‘తాను టైప్-1 డయాబెటిస్ వంటి అనారోగ్యానికి గురై ఎంతో బాధను అనుభవించానని, తమ చుట్టూ ఎంత మంది ఉన్నా షుగర్ ఎఫెక్ట్ వల్ల ఒంటరితనంగా ఫీలవ్వాల్సి వస్తుంది. అందరూ మన నుండి దూరం అయినట్లు అనిపిస్తుంది. అని తన అనారోగ్యం గురించి ఎంతలా బాధపడ్డాడో తన అనుభవాల గురించి సోషల్ మీడియాలో షేర్ చేసుకున్నాడు. ఇలా టైప్-1 డయాబెటిస్ వ్యాధిపై అందరికీ అవగాహన పెంచే ప్రయత్నం చేస్తున్నాను‘ అని వివరించాడు.