గ్రీన్ లీఫ్ తో... రక్తహీనత సమస్యలు బలాదూర్...

గ్రీన్ లీఫ్: రోజువారీ ఆహారంలో ఇనుము ఉండేలా చూసుకొంటే మాటిమాటీకీ నిస్సత్తువ ఆవరించదు. పాలకూర, తోటకూడర వంటి వాటిలో ఇనుము సమృద్దిగా అందుతుంది. నిస్సత్తువకు మరోకారణమైన రక్తహీనత సమస్య కూడా బాధించదు. పాలకూర ఫైటోన్యూట్రిషియన్స్ తో పాటు క్యాన్సర్ నివారణ గుణాలు మెండుగా వున్నాయి. పాలకూరలోని విటమిన్ కె ఎముకలను పటిష్టంగా ఉంచుతుంది. ఇనుము పుష్కలంగా లభించే ఇది ఊబకాయాన్ని సమర్థవంతంగా ఎదుర్కొంటుంది. రోజుకి రెండు కట్టల పాలకూరను ఆహారంలో చేరిస్తే డాక్టరు ముందుల అవసరం ఉండదు. పాలకూర ఉడికించిన నీటిని పారపోయకుండా సలాడ్స్ లో కలిపితే మంచి రుచి వస్తుంది.

ఆకుకూరలు అతి చౌకగా లభించే అన్ని పోషక విలువలుగల ఆహా రం. అనేక రకాల ఆకుకూరలు మనకు లభ్యమవుతున్నాయి. తోట కూర, కొయ్యతోటకూర, అవిశాకు, బచ్చలి, మెంతికూర, కొత్తిమీర, కరి వేపాకు, మునగాకు, గోంగూర, చింతచిగురు, పొన్నగంటి, పాలకూర, చుక్కకూరను ఎక్కువగా వాడాలి. ఆయాకాలంలో చౌకగా దొరికే ఆకు కూరలను ప్రతిరోజు ఏదో రూపంలో వాడడం మంచిది. ఉదా పుదీనా పచ్చడి, గోంగూర పప్పు, పెసర పప్పు, పాలకూర, కరివేపాకు పొడి, ఆకుకూర పకోడి, బచ్చలి-బజ్జి మొదలైనవి. ఆకుకూరలు మంచి పౌష్టికకరమైన ఆహారం. వీటిలో క్యాల్షియం, ఇనుము, విటమిన్‌ ‘ఎ', ‘సి', రైబోఫ్లెవిన్‌, ఫోలిక్‌యాసిడ్‌ మరియు పీచు ఎక్కువగా ఉంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.