అధిక బరువు తగ్గించే నవ్వు!

Diet Fitness

oi-Nageswara

By B N Sharma

Updated: Tuesday, September 18, 2012, 14:09 [IST]

స్నేహితులతో కలిసి లేదా కుటుంబ సభ్యులతో కలిసి హాయిగా నవ్వేస్తుంటే పొట్టకు ఎంతో ఆరోగ్యం. ప్రాచీన కాలంలో గ్రీకులు ఆరోగ్యం మెరుగుపరచుకోవడం కొరకు ‘హాస్యుల ఇంటికి’ వెళ్ళేవారట. ఇక రోమన్ దేశ ప్రజలు ఎల్లపుడూ, హాస్యం పుట్టించే వారి కొరకు నవ్వులు తెప్పించేవారికి కొరకు చూస్తూ వుండేవారట. ఎవరికైనా బాధగా వుందంటే, వారిని నవ్వించగలిగితే చాలు వారి బాధలు పటాపంచలే. పిల్లలు నొప్పితో ఏడుస్తుంటే, వారికి కామెడీ ఫిల్ములు చూపి వారి బాధను మరపించవచ్చు.

కడుపారా నవ్వు అనేది పొట్ట సంబంధిత అవయవాలు అంటే లివర్, కిడ్నీ, పాన్ క్రియాస్, స్ప్లీన్, ఎడ్రినాల్ మొదలైనవాటికి ఆరోగ్యాన్ని చేకూర్చే సందేశం ఇస్తుంది. అదెలాగంటే, నవ్వితే చాలు శరీరంలో రక్తప్రసరణ అధికమవుతుంది. వివిధ అవయవాలు కదిలి జీవక్రియ వేగవంతం అవుతుంది. అంతేకాదు, పొట్టలో వుండే డయాఫ్రం తేలికగా కదులుతూ దాని సంకోచాలలో పొట్ట కండరాలను కదిలిస్తుంది. దీనితో కండరాలు మరింత సడలి హాయి పొందుతాయి. నవ్వితే కనీసం 15 కండరాలు కదులుతాయని, ముఖానికి వ్యాయామంగా ఎంతో మంచిదని ఎపుడూ నవ్వుతూ తిరిగేవారు చిన్నవారుగా వుంటారని నిపుణులు చెపుతారు.

నవ్వితే రక్తం ప్రసరణ పెరిగి రక్తం ఒత్తిడి అధికమవుతుంది. నవ్వటం ఆపితే ఒత్తిడి తగ్గుతుంది. దానితో రిలాక్స్ అయినట్లు భావిస్తారు. నవ్వు శరీరంలో కలిగించే ప్రయోజనాలెలావుంటాయంటే....
1. అది గుండె జబ్బుల రిస్కు తగ్గిస్తుంది.
2. శ్వాస మెరుగుపడుతుంది. శ్వాస కోశం శుభ్రపడుతుంది. శ్వాస సంబంధిత సమస్యలు తగ్గుతాయి.
3. రోగ నిరోధక వ్యవస్ధను మెరుగుపరుస్తుంది. ఆరోగ్య కణాలను పెంచుతుందని రీసెర్చర్లు చెపుతారు.
ఒత్తిడితో సంబంధం కల హార్మోన్ల స్ధాయి తగ్గటానికి తోడ్పడుతుంది. దానితో ఆందోళన తగ్గి మంచి నిద్రపట్టిస్తుంది.
4. నవ్వు మనోవేదన, ఆందోళన దూరం చేసి శరీరంలో సహజ హార్మోన్ అయిన సెరోటోనిన్ స్ధాయి పెంచి వాటిని దూరం చేస్తుంది. హాస్యం చేస్తూ వుండే వారికి విచారం దూరంగా వుండటం అనేది గమనిస్తూనే వుంటాం.
5. నవ్వు, అంటువ్యాధి వంటిది. ఎవరైనా నవ్వినా, జోక్ వేసినా అది అక్కడున్న వారికందరకూ వ్యాపించి ఆ ప్రాంతంలో పాజిటివ్ ఎనర్జీ ఏర్పరుస్తుంది.
6. అన్నిటిని మించి నేటి వ్యక్తుల సమస్యలైన అధిక బరువును తగ్గిస్తుంది. నవ్వటంతో ఎన్నో కేలరీలు ఖర్చవుతాయి. గుండె ఆరోగ్యం మెరుగై శరీర బరువును ప్రభావించే మెటబాలిజం రేటు పెరుగుతుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.