అధిక బరువు తగ్గించే అతి సులభమైన యోగాసనాలు...

బో(బోర్లాపుడకొనే)భంగిమలో: ఈ యోగాసనం కొన్ని డిఫికల్ట్ పార్ట్స్ లో కొవ్వును కరిగించడానికి బాగా సహాయపడుతుంది. ఈ వ్యాయం వల్ల తొడలు, పొట్ట, ఛాతీ మరియు తుంటి మీద అధికంగా ఒత్తిడిని కలుగజేస్తుంది. కాబట్టి ఈ వ్యాయమం చేసే సమయంలో మీరు మనస్సును విశ్రాంతి పరిచి, శ్వాసను లోపలికి లోతుగా పీల్చుకొని బయటకు వదలాలి.

పశ్చిమోత్తా నాసన: సులభంగా బరువు తగ్గించే మరొక సమర్ధవంతమైన యోగాసనం. అలాగే దీన్ని ఫార్వర్డ్ బెండ్ అని కూడా పిలుస్తారు. ఈ యోగా భంగిమ ఉదరంలో పేరుకొన్న కొవ్వును తగ్గిస్తుంది. మరియు వెన్ను నొప్పిని తగ్గిస్తుంది. చక్కగా పడుకుని రెండు పాదాలు దగ్గరగా ఉంచి రెండు చేతులు తలపైకి లేపి నేలకానించి గాలి పీలుస్తూ లేచి కుర్చుని గాలి వదులుతూ ముందుకు వంగాలి. తల మోకాళ్ళ వైపు, చేతులు పాదాల వైపు పోనిచ్చి వాటిని అన్చాడానికి ప్రయత్నిచాలి. ప్రారంభంలో తల మోకాళ్ళకు తగలకపోవచ్చు, చేతులు పాదాలకు అందకపోవచ్చు, కాని రోజు సాదన వల్ల సాధ్యమవుతుంది. తిరిగి పండుకుని మళ్ళి మళ్ళి లేస్తూ ఈ ఆసనం చేయాలి. కనిసం 5 నుండి 20 సార్లు చేయాలి.

ట్రీ భంగిమ: బరువు తగ్గించడానికి ఉపయోగించే యోగాసనాల్లో అతి సులభమైన భంగిమ ఇది. మనస్సును ప్రశాంతంగా ఉంచుకొని ఈ ఆసనాన్ని మొదులు పెట్టాలి. మంచి ఫలితాల కోసం కాలీ కడుపుతో ఈ ఆసనాన్ని ఆచరించడం మంచిది. బరువు తగ్గడానికి ఉపయోగించే ఈ ఆసనం వేయడంలో తగు జాగ్రత్త అవసరం. ఒంటి కాలి మీద నిలబడేటప్పుడు బ్యాలెస్ గా నిలబడాలి.

భుజంగాసనం: రెండు అరచేతులు భూమిపై చాతిని ఇరువైపులా ఉంచి, గాలి పీలుస్తూ తలను చాతి పైకి నిదానముగా ఎత్తాలి. పది నుండి ఇరవై క్షణాలు అలాగే ఆగి, గాలిని వదులుతూ తిరిగి మెల్లగా యధాస్థానానికి రావాలి. ఇలా అయిదు నుండి పది సార్లు ఎవరి శక్తీ కొలది వారు చేయాలి. చేసిన తరువాత పది నుండి ఇరవై సెకండ్లు విశ్రాంతి పొందాలి. ఈ ఆసనాన్ని క్రమబద్దంగా ప్రతీ రోజు ఆచరిస్తూ ఉంటె, అతిగా కొవ్వు పెరిగిన వారికి నాభి క్రింద గల కొవ్వు క్రమంగా తగ్గిపోతుంది, అంతేగాక, స్త్రీలలో గర్భాశయ శుద్ది జరిగి గర్భాశయంలోని గడ్డలు, కరిగిపోవడం లేదా పుట్టకపోవడం జరుగుతుంది. ఇంకా మలబద్దక సమస్య కుడా నివారించండి వెన్నెముక బలపడుతుంది.

బటర్ ఫ్లై: బటర్ ఫ్లై ఈ యోగ వ్యాయామం ఉదరం మరియు తొడల మీద బాగా పనిచేస్తుంది. మీరు అందంగా, ఆకర్షనీయంగా ఉండే సన్నని కాళ్ళు పొందడానికి ఈ యోగా ఆసనం చాలా బాగా పనిచేస్తుంది.

క్యామెల్ (ఒంటె) భంగిమ: ఎక్కువగా బెల్లీ (కడుపు)ఫ్యాట్ కలిగి ఉందా?ఈ యోగా వ్యాయమం ఉదరం, నడుము, ఛాతీ మరియు భుజాలు మీద ఒత్తిడి పెంచి బరువు కోల్పోయేందుకు సహాయపడుతుంది.

కుండలిని: కుండలిని ఈ యోగ వ్యాయామం ఉదరం, తొడల వద్ద పేరుకొన్న కొవ్వును కరిగించడానికి బాగా సహాయపడుతుంది. మీ కాళ్ళు సన్నగా మరియు ఫ్లాట్ గా ఉండే పొట్టను మీరు పొందాలంటే ఈ ఆసనం చాలా బాగా సహాయపడుతుంది.

ధనురాసనం: ధనుస్సును పోలి ఉన్నందున ఈ ఆసనానికి ధనురాసనం అనే పేరు వచ్చింది. ఆసనం అనే ప్రక్రియ కొద్దిగా క్లిష్టంగా ఉన్నప్పుడు ప్రారంభంలో అందరూ చేయలేరు. పూర్తి ఆసన స్థితిని కాకుండా మొదట సులభమైన స్థితిని ప్రయత్నించి, సాధన తరువాత పూర్ణస్థితిని చేరుకోవచ్చు. రాలేదు అని అనుకోకుండా మొదట అర్ధ ధనురాసనమును ప్రయత్నించి తరువాత పూర్ణ ధనురాసనం చేయవచ్చు. ఉదరంలోని అన్ని అవయవాలకు రక్త ప్రసరణ ఎక్కువ జరిగి, అన్ని అవయవాలను ఆరోగ్యంగా ఉంచడానికి ఉపయోగపడుతుంది.