గుండె సంబంధిత డాక్టర్ ను సంప్రదించేటపుడు .....!

By B N Sharma

Published: Tuesday, June 26, 2012, 14:00 [IST]

నేటి కాలంలో పోటీ తత్వం ఎక్కువ. క్షణం వెనుకబడితే పోటీలో గెలుస్తామో లేదో అన్న భయం. వివిధ రకాల టెన్షన్ లు, తీవ్రమైన మానసిక ఒత్తిడి. అంతేకాకుండా నేటి కాలంలో మద్యంపై మోజు పెరగడం, ధూమపాన ప్రియులు అధికం కావడం, ఇవన్నీ గుండె సంబంధిత వ్యాధులకు కారణాలు. ఇంతే కాకుండా ఆరోగ్య సంబందమైన సూత్రాలు పాటించకపోవడం కూడా గుండె జబ్బులకు ప్రధాన కారణంగా నిలుస్తుంది.

మనం డాక్టర్ దగ్గరకు గుండె సంబంధిత వ్యాధులతో వెళ్ళేటపుడు కొన్ని జాగ్రత్తలు పాటించాలి.
1. గుండెకు సంబంధిచిన వ్యాధుల వలన కలిగిన లక్షణాలను ఒక స్లిప్ లో వ్రాసుకోండి. దీనివలన మీరు మరచిపోయే ప్రమాదం ఉండదు. మరియు డాక్టర్ కు అన్ని లక్షణాలు తెలిసి మరింత మెరుగైన వైద్యం అందవచ్చు.
2. డాక్టర్ అడిగిన ప్రశ్నలకు కరెక్ట్ గా సమాధానం చెప్పండి. మనం అందించే సమాచారాన్ని కూడా వైద్యం చేసేటపుడు పరిగణనలోకి తీసుకొంటారని మరిచిపోవద్దు.
3. డాక్లర్లతో మాట్లాడేటపుడు చిరునవ్వుతో, మెల్లగా మాట్లాడండి.
4. ఏదైనా కారణాలవల్ల డాక్టర్ ఇచ్చిన మందులు తీసుకోకపోతే వాటిని ఆయనకు చెప్పండి. అవసరమైతే ఆయన రాసిచ్చిన మందులు కూడా తీసుకుపొండి.
5. అవకాశముంటే మీరు ఆరోగ్య వివరాలను, మీరు అడగదల్చుకొన్న ప్రశ్నలను, మీకు అపాయింట్ మెంట్ సమయం కన్నా ముందే డాక్టర్ గారికి ఇవ్వండి. దీనివల్ల ఆయన వాటిని అర్ధం చేసుకొని మరింత బాగా సలహాలివ్వవచ్చు.
6. డాక్టర్ ను సంప్రదించేందుకు అపాయింట్ మెంట్ ముందుగానే తీసుకోండి. అప్పటికపుడు వెళ్ళి అపాయింట్ మెంట్ దొరకక హైరాన పడడం అక్కడివారిని ఇబ్బంది పెట్టడం చేయవద్దు.
7. ఆ హాస్పిటల్ లో పనిచేసే ఉద్యోగుల మీద నర్సుల మీద ఎటువంటి ఆరోపణలు డాక్టర్ల దగ్గర చేయవద్దు. వారు తమకు అపాయింట్ మెంట్ త్వరగా ఇవ్వలేదని, సరిగ్గా ట్రీట్ చేయలేదని వంటివి చెప్పకండి. మన మాదిరిగానే చాలా మంది రోగులు డాక్టర్ దగ్గరకు వస్తారన్న విషయం మరచిపోవద్దు. అందరినీ చూడాల్సిన భాధ్యత వారిపై ఉంటుందని గమనించండి.
8. గుండెకు సంబంధించిన వ్యాధులతోపాటు షుగర్, బి.పి. లాంటి ఇతర వ్యాధులేవైనా ఉంటే నిర్భయంగా డాక్టర్ కు చెప్పండి. ఎందుకంటే మీ కోసం మరింత జాగ్రత్తగా చికిత్స చేయాల్సి ఉంటుంది. మీరు హాస్పిటల్ కు వెళ్ళినపుడు ఈ సలహాలను పాటించండి. మీతో పాటు ఇతరులకు కూడా ఇబ్బంది ఉండదు.

జీవితంలో పాజిటివ్ యాటిట్యూడ్, మీ గుండెకెంతో మేలు చేస్తుంది. ప్రశాంతమైన సంగీతం వినటం, ప్రకృతి అందాలను ఆస్వాదించటం, మనసునిండా నవ్వటం, రిలాక్స్ కోసం రుచికరమైన ఆరోగ్యకరమైన పానీయాలు సేవించటం, నవ్వుతూ నవ్విస్తూ ఎపుడూ పాజిటివ్ గా వుండటం ఇవన్నీ మీ గుండెకు మేలు చేసే అంశాలే.

మీ గుండెకు హాని చేసే ఆహారాలేమిటో తెల్సుకుని ఆ ఆహారాలకు దూరంగా ఉండండి. మీ గుండెకు మేలు చేసే సాత్విక ఆహారాన్ని, మంచి పౌష్టికాహారాన్ని మాత్రమే తినండి. ఫ్రెష్ ఫ్రూట్స్, వెజిటబుల్ సలాడ్స్, మీ ఆహారంలో ప్రతిరోజూ ఉండి తీరాలి. తేలికగా జీర్ణం అయ్యే ఆహారం మాత్రమే తినండి. మాంసాహారానికి ఎంత దూరంగా ఉంటే మీ గుండెకు అంత మంచిది. పూర్వకాలం నాటి వారితో పోలిస్తే నేటి తరం వారిలో గుండెకు సంబంధించిన వ్యాధులు అధికం. ఇందుకు కారణాలు అనేకం.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.