గుండె ఆరోగ్యాన్ని పాడు చేసే కూల్ డ్రింకులు!

వీటిలో వుండే కార్బోహైడ్రేట్లు లేదా షుగర్లు ఏ రకమైన పోషకాలు కలిగి వుండవని, శరీరానికి కేలరీలు అధికంగా చేరి బరువుకు పెరగటానికి సహకరిస్తాయని చెపుతునారు. అంతేకాదు బోస్టన్ లోని హార్వర్డ్ స్కూల్ ఆఫ్ పబ్లిక్ హెల్త్ వారు చేసిన ఒక సర్వేలో ఈ కూల్ డ్రింక్ లు పురుషుల గుండెలకు సమస్యలు కలిగిస్తున్నాయని వెల్లడైంది. కనుక వేసవి వచ్చిందంటే కూల్ డ్రింక్ లు తాగే వారు జాగ్రత్తగా వుండాలి.

వీటిని తాగినందువలన గుండె జబ్బుల రిస్కు కనీసం 20 శాతం అధికంగా వుంటుందని పరిశోధకులు ఒక తాజా అధ్యయనంలో తెలిపారు. డైట్ సోడాల వంటివి ప్రతిరోజూ తాగే వారికి మరింత హాని. ఈ డైట్ సోడాలు 61 శాతం అధిక రిస్కు కలిగించి రక్తనాళాలను సైతం పగిలేలా చేస్తాయట. ఇక చల్లదనం, దాని లోని తీపి కి ఆకర్షించబడే పిల్లలు కనీసం అంటే 40 నుండి 100 మి.లీ. కూల్ డ్రింక్ తాగేస్తారు. దీని కారణంగా సంవత్సరానికి వీరు 3 నుండి 5 కిలోల బరువు పెరుగుతున్నట్లు స్టడీ తెలిపింది.

కూల్ డ్రింకులు, సోడాలకు బదులుగా, సహజమైన శీతల పానీయాలు పండ్లరసాలు, పుచ్చకాయ వంటి పండ్లు, మండే ఎండలలో తాగటం లేదా తినటం చేస్తే ఆరోగ్యానికి ఎంతో మేలు చేస్తాయి. అయితే, తాగే పండ్ల రసాలలో సైతం షుగర్ లేకుండా లేదా తక్కువ మొత్తాలలో వాడటం మంచిది. కూల్ డ్రింకులు, సోడాలు తాగే సమయంలో చల్లగా వుండి మంచి భావనలు కలిగించినప్పటికి దీర్ఘకాలంలో వీటి ప్రభావం శరీర ఆరోగ్యంపై చెడుగా పడి దుష్ఫలితాలను కలిగిస్తుందనటంలో సందేహం లేదు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.