చికెన్‌ కంటే ఎక్కువగా ప్రొటీన్‌ లభించే ఆహార పదార్థాలు ఏంటో తెలుసా.?

రోజువారీ ఆహారంలో ప్రొటీన్‌ తప్పనిసరి. కండరాల నిర్మాణానికి, బలమైన శరీరం కోసం, కణజాలాల మరమ్మత్తు, ఎంజైమ్‌లు, హార్మోన్ల ఉత్పత్తి, ఇమ్యూనిటీ పవర్‌ పెరిగేందుకు, మెటబాలిజం ఇలా ప్రతిదానికీ ప్రొటీన్‌ కీలక పాత్ర పోషిస్తుంది. అయితే ప్రొటీన్‌ కోసం చికెన్‌ ఎక్కువగా తీసుకోవాలని వైద్యులు సిఫారసు చేస్తుంటారు. కానీ ప్రొటీన్‌ కోసం చికెన్‌ ఒక్కటే కాదు.. వివిధ రకాల ఆహార పదార్థాల్లోనూ ప్రొటీన్‌ అధికంగా ఉంటుంది. చికెన్‌ తినని వారు వీటిని ఆహారంలో చేర్చుకుంటే ప్రొటీన్‌ పుష్కలంగా అందుతుందని సూచిస్తున్నారు. మరి అవేంటో చూద్దాం..

గ్రీక్‌ యోగర్ట్‌

గ్రీక్‌ యోగర్ట్‌లో ప్రొటీన్‌ అధికంగా ఉంటుంది. సుమారు 100 గ్రాముల గ్రీక్‌ యోగర్ట్‌లో 10 గ్రాముల వరకు ప్రొటీన్‌ ఉంటుంది. పుష్కలంగా కాల్షియం కూడా ఉంటుంది. బ్రేక్‌ఫాస్ట్‌లో పండ్లు, నట్స్‌తో కలిపి తీసుకుంటే ఆరోగ్యానికి మేలు చేస్తుంది.

బ్రెయిన్ ఫాగ్ అంటే ఏంటి? గుండె జబ్బులకు ఇది ముందస్తు సంకేతమా!

పార్మిజాన్‌ చీజ్‌

100 గ్రాముల చీజ్‌లో 30- 35 గ్రాముల ప్రొటీన్‌ ఉంటుంది. అంతేకాకుండా కాల్షియం, పాస్ఫరస్‌ పోషకాలు పుష్కలంగా ఉంటాయి. కేలరీలు, కొవ్వులు అధికంగా ఉన్న కారణంగా దీనిని మితంగా తీసుకోవడం మంచిది. సలాడ్లు, పాస్తా, సూప్‌లలో మితంగా తీసుకోవాలని నిపుణులు సూచిస్తున్నారు.

కాటేజ్‌ చీజ్‌

నాన్‌వెజ్‌ తినని వారు తమ ఆహారంలో కాటేజ్‌ చీజ్‌ చేర్చుకోవడం ద్వారా ప్రతి 100 గ్రాముల చీజ్‌లో 12 గ్రాముల వరకు ప్రొటీన్ లభిస్తుంది. ఇందులో కొవ్వు కూడా తక్కువగా ఉంటుంది. కూరగాయలు, పండ్లు, తృణధాన్యాలతో వీటిని తీసుకోవడం ద్వారా పోషకాలు బాగా లభిస్తాయి. బ్రేక్‌ఫాస్ట్‌, స్నాక్స్‌లోకి మంచి ఆప్షన్‌.

రాత్రుల్లో తరచూ మూత్ర విసర్జనకు లేస్తున్నారా?జాగ్రత్త మీకు ఈ 5 ప్రాణాంతక వ్యాధుల్లో ఏదోఒకటి ఉన్నట్లే..

యెల్లోఫిన్‌ ట్యూనా

సముద్రపు ఆహారం యెల్లోఫిన్‌ ట్యూనాలో ప్రొటీన్‌ అధికంగా ఉంటుంది. 100 గ్రాముల వండిన ట్యూనాలో 30 గ్రాముల వరకు ప్రొటీన్‌ ఉంటుంది. ఇంకా ఒమేగా- 3 ఫ్యాటీ యాసిడ్లు కూడా ఉంటాయి. సలాడ్లు, శాండ్‌విచ్‌లతో వీటిని తీసుకోవచ్చు. రోజువారీ ఆహారంలో సరైన మొత్తంలో ప్రొటీన్‌ తీసుకోవడం ద్వారా జీవక్రియ మెరుగుపడుతుంది. కండరాల ఆరోగ్యం మెరుగుపడుతుంది. ఎముకలు, శరీరం బలంగా ఉండేందుకు దోహదపడుతుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.