11.11.11 11.11.11, ఆనందమా...! దుఖ:మా...!

By B N Sharma

Published: Friday, November 11, 2011, 12:29 [IST]

11.11.11 11.11.11 auspicious or doomsday?

11.11.11 11.11.11, జీవితంలో ఒకేసారి వచ్చే శుక్రవార సమయం! దేనికైనా సరే... రెడీ అవండి...!టైము, తేదీ అంతా ఒకటే సంఖ్య. ముందునుంచి చదివినా, వెనుకనుంచి చదివినా అంతా...ఒకటే. వంద సంవత్సరాలకొకసారి వచ్చే సంఖ్య అంటూ ప్రముఖ వార్తా పత్రిక ది డైలీ మెయిల్ ప్రచురించింది. ఈ చారిత్రాత్మక రోజున ప్రతి ఒక్కరికి ఏదో చెయ్యాలనే ఆరాటం. ఏది చేసినా అదో ఆనందం. ప్రపంచంలో ప్రతి చోటా జరిపే వేడుకలు. నియంత్రణలు తప్పి జరిగే దుర్ఘటనలు కూడా వుంటాయి. కారణం...ఈ తేదీ 11.11.11 అనేది అసాధారణ సంఖ్య. పదకొండవ నెలే కాని 22వ నెల వుండదుగదా!

మరి గతంలో, 11.11.1911 నాటి అసాధారణ సంఘటనలు పరిశీలిస్తే....ఒక్క రోజునే 60 ఫారెన్ హీట్ డిగ్రీల ఉష్ణోగ్రత పడినట్లు, అమెరికాలో మంచు తుఫానులు, గాలివానలు అసాధారణరీతిలో సంభవించినట్లు రికార్డులు చెపుతున్నాయి. కన్సాస్ సిటీలో ఉదయం వేళ 76 ఫారెన్ హీట్ (24 సెంటీగ్రేడ్) నమోదయింది. కాని అదే రోజు సాయంత్రానికి 11 ఫారెన్ హీట్ డిగ్రీలకు పడింది. ఇక ఇపుడు తాజాగా, 11.11.11 నాడు నరకద్వారాలు తెరుచుకుంటాయంటూ, అమాయకులు బలైపోతారంటూ కొన్ని దుర్ఘటనలతో కూడిన సినామా కూడా రిలీజ్ అవుతోంది.

ఏదో జరుగబోతోందని భావించే ఆధ్యాత్మికవాదులకు ఈ సంఖ్య విశేషంగా కనపడుతోంది. ఈ సంఖ్యను భూమి మీద జరిగే సంఘటనలనుండి ఖగోళంలోని గ్రహాలవరకు ముడిపెడుతున్నారు. అయితే, చాలామంది మాత్రం ఈ తేదీ శుక్రవారమవటంతో శుభసమయంగా భావించి కొన్నివేల వివాహాలు, శుభ కార్యాలు, గర్భవతులకు సర్జరీలతో బిడ్డలను పుట్టించడాలవంటివి కూడా తలపెడుతున్నారు. అందరికి ఆనందంకలిగే శుభ కార్యాలు అనేకం చేస్తున్నారు.

ఈ రోజు పుట్టిన పిల్లలకు వారి పుట్టిన రోజు తేదీ చెప్పుకోవటం విశేషంగానే వుంటుంది. మంచి కార్యాలు తలపెట్టి అంతా మంచి చేస్తే 11.11.11 అందరి మనసులకూ ఎంతో హాయిని, ఆనందాన్ని ఇచ్చి మరో దినానికి సాగిపోతుందనటంలో ఎట్టి సందేహం లేదు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.