యువతవలే ఉత్సాహంగా వుండాలంటే!

Wellness

oi-Nageswara

By B N Sharma

Updated: Tuesday, September 16, 2014, 16:03 [IST]

మనలో చాలామంది ఎప్పటికి చిన్నవయసు వారిగానే కనపడటానికి ప్రయత్నిస్తూంటారు. వయసు పైబడినప్పటికి తమ ముసలితన ఆకారాన్ని త్వరగా అంగీకరించరు. యువతరంతో వారి హావ భావాలు, వేషాలు అన్ని రీతులలో పోటీపడుతూనే వుంటాయి. శారీరకంగానే కాక, మానసికంగా కూడా కొంతమంది యువత వలే ప్రవర్తిస్తూంటారు. మా ఫేస్ క్రీమ్ రాసుకుంటే మీ చర్మం ముడుతలు పడదు, మీరు చిన్నగా కనపడతారు, మా దుస్తులు ధరిస్తే మీరు ఎప్పటికి చిన్నవారే అంటూ వివిధ వస్తువుల తయారీదార్లు వీరిని ఆకర్షిస్తూంటారు. అయితే, మరి వయసు పైబడుతూన్నా సరే ఈ రకంగా ఎప్పటికి సహజంగా మరి ఆరోగ్యంగా వుంటూ యువతవలే ఉత్సాహంగా వుండాలంటే, చిన్నవారుగానే కనపడుతూ ఆరోగ్యంగా వుండాలంటే, సరైన ఆహారం తీసుకోవాలి. ప్రతిరోజూ తగిన శారీరక శ్రమ లేదా వ్యాయామం వంటివి చేయాలి. నేటిరోజులలో చిన్న వయసు వారిగా కనపడటం అనేది అన్నిటినీ మించిన ప్రాధాన్యం మనలో కలిగి వుంది. అందుకుగాను సహజంగా తీసుకోదగిన ఆహారాలను పరిశీలిద్దాం.

1. అవకాడో పండ్లు - అవకాడో పండ్లలో విటమిన్ ఇ పుష్కలంగా వుంటుంది. ఈ పండు ఎంతో శ్రేష్టమైనది. దీనిలో యాంటీ ఆక్సిడెంట్లు కూడా అధికమే. దీనిలో వుండే యాంటీ ఆక్సిడెంట్లు, మీ చర్మాన్ని రక్షిస్తాయి. చర్మం ఎంతో మెరుపు కలిగివుంటుంది. చర్మకణాలు, ఈ పండు తింటే ఎప్పటికపుడు పునరుజ్జీవనం పొందుతూంటాయి. కనుక అధికమైన రంగును చర్మానికి కలిగి వుంచే సహజగుణం ఈ పండులో వుంది. ఈ కారణంగా ఈ పండు తినేవారంతా మంచి చర్మ తేజస్సు కలిగి వుంటారు.

2. కిడ్నీ బీన్స్ - బీన్స్ గింజలు సాధారణంగా ప్రతి ఇంటిలోనూ వంటకాలలో వేసి ఉపయోగిస్తూనే వుంటారు. కిడ్నీ బీన్స్ ఏ ప్రదేశంలో అయినా సరే విరివిగా దొరుకుతూనే వుంటాయి. ఈ గింజలలో పీచు, పొటాషియం అధికంగా వుంటాయి. పీచు, పొటాషియం, రెండూ కూడా శరీరంలో కొల్లెస్టరాల్ స్ధాయిలను తగ్గుముఖంలో వుంచుతాయి. కొల్లెస్టరాల్ ఎపుడైతే తక్కువగా వుంటుందో వారికి గుండె సంబంధిత జబ్బులు వచ్చే అవకాశాలు కూడా తక్కువగా వుంటాయి. కిడ్నీ బీన్స్ లో ఈ రెండూ మాత్రమే కాక, ప్రొటీన్లు కూడా అధికంగానే వుంటాయి. ఇన్ని ప్రయోజనాలుకల కిడ్నీ బీన్స్ ప్రతివారూ అతి చవకలో తినదగిన ఆహారంగా పరిగణించవచ్చు.

3. డార్క్ చాక్లెట్ - సాధారణంగా చాక్లెట్లు తినటం అందరికి ఇష్టమైనదే. పిల్లల మొదలుకొని పెద్దల వరకు అందరూ చాక్లెట్ రుచిని ఇష్టపడతారు. చాక్లెట్లన్నింటిలోకి డార్క్ చాక్లెట్ ఎంతో శ్రేష్టమైనది. చాక్లెట్ ఏదైనా సరే దానిలో కనీసం 70 శాతం కోకో కలిగి వుంటుంది. దీనిలో బలాన్ని అందించే ప్రొటీన్లు, విటమిన్ బి అధికంగా వుంటాయి. తరచుగా కనుక ఈ చాక్లెట్ తింటూ వుంటే అది మీ కొవ్వును కరిగించేందుకు, మీ చర్మ రంగును, జుట్టును మంచి ఆరోగ్యంగా వుంచేందుకు తోడ్పడుతుంది.

4. బ్రక్కోలి - బ్రక్కోలి కూడా సాధారణంగా అన్ని చోట్లా దొరికే ఆహారమే. ఇందులో పీచు, మరియు విటమిన్ సి అధికంగా వుంటాయి. బ్రక్కోలి ఆరోగ్యమే కాదు, బరువును కూడా నియంత్రిస్తుంది. గుండె జబ్బులు రాకుండా చేస్తుంది. ఈ ఆహారాన్ని సాధారణంగా వైద్యులు గుండె జబ్బులున్నవారికి సూచిస్తారు. తరచుగా తింటూ వుంటే బ్రక్కోలి మంచి ఫలితాలనిస్తుంది.

5. బ్లూ బెర్రీలు - బ్లూ బెర్రీ పండులో విటమిన్ సి అధికంగా వుంటుంది. ఈ పండు మీ రక్తప్రసరణను మెరుగుపరుస్తుంది. బ్లూ బెర్రీ పండులో మినరల్స్ కూడా అధికమే. ఈ మినరల్స్ మీరు త్వరగా వయసు పైబడకుండా చేస్తాయి. పొటాషియం ఈపండులో అధికంగా వుంటుంది.

ఈ రకమైన ఆహారాలు మీ రోజువారీ ఆహారంలో చేర్చి శారీరక ఆరోగ్యం సంరక్షించుకోండి. సహజ ఆహారాల ద్వారా వచ్చే ఆరోగ్యం మిమ్మల్ని ఎప్పటికి ఏ రకమైన సైడ్ ఎఫెక్టులు లేకుండా రక్షించి ఆరోగ్యాన్ని శాశ్వతంగా కలిగిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.