ఉప్పుకు బదులు బిపిని కంట్రోల్ చేసే ఆరు వస్తువులు

మిరియాలు రుచికి ఘాటుగానూ, కారంగానూ వుంటాయి. మనం వాడే ప్రతి వంటకాలలో మిరియాలు, మిరియాలపొడి తప్పనిసరిగా ఉంటుంది. అవి మనకు, మన ఆరోగ్యానికి సంబంధించి ఎన్నోలాభాలను కలిగిస్తుంది. ఆహారంలో ఉప్పుకు బదులుగా వీటిని ఉపయోగించడం వల్ల శరీరంలో పేరుకున్న కఫాన్ని కరిగించడానికి తోడ్పడతాయి. ఒక్క జలుబు, దగ్గు మాత్రమే కాదు.. మరెన్నో విధాల మేలుచేస్తాయి మిరియాలు. శరీరంలోనున్న అధిక కొవ్వును తగ్గించాలంటే మిరియాల రసం తాగితే మంచి ఫలితం వుంటుంది.

నిమ్మరసం కొద్దగా ఉప్పు రుచినే కలిగి ఉంటుంది. అయితే ఇది ఉప్పు ఇచ్చినంత రుచిని ఇవ్వకపోయినా దీన్ని ఉపయోగించడం వల్ల ఆరోగ్యానికి చాలా మంచిది. ఉపయోగకరం. నిమ్మరసాన్ని గ్రిల్డ్ ఫుడ్ మరియు సలాడ్స్ లో ఉపయోగించడం వల్ల ఉప్పు లేకుండానే మంచి టేస్ట్ ను ఇస్తాయి.

సోయా సాస్ లో హై సోడియం కంటెంట్ కలిగి ఉంటుంది. సోయా సాస్ ను ఇప్పుడు ప్యూర్ సాల్ట్ కు బదులుగా ఉపయోగిస్తున్నారు. కొన్ని ఓరియంటల్ కర్రీస్ లో ఉప్పుకు బదులు సోయా సాస్ ను ఉపయోగించవచ్చు. హై బ్లెడ్ ప్రెజర్ ఉన్న వారి కోసం ‘లో సోడియం' సోయా సాస్ మార్కెట్లో అందుబాటులో దొరుకుతున్నది.

వెల్లుల్లి పౌడర్ ను మార్కెట్లో తీసుకొవచ్చు లేదా ఇంట్లో మనమే తయారు చేసుకోవచ్చు. వెల్లుల్లి రెబ్బలను పాన్ లో వేసి రోస్ట్ చేసి పొడి చేసి పెట్టుకోవాలి. ఇలా తయారు చేసి పొడిని ఎండలో రెండు రోజుల పాటు బాగా ఎండ బెట్టాలి. ఇలా చేయడం వల్ల మంచి రుచిని, వాసన ఇస్తుంది.

ఇండియన్ మసాలాలతో తయారు చేసినటువంటిది చాట్ మసాలా. దీన్ని వివిధ సలాడ్స్, సూప్స్ లలో వినియోగిస్తుంటారు. చాట్ తయారు చేసుకొన్నప్పుడు లేదా బేల్ పూరీకి ఉప్పుకు బదులుగా ఛాట్ మసాలాను వినియోగిస్తే సరిపోతుంది.

సలాడ్స్, సూప్స్ లో ఉప్పుకు బదులుగా వెనిగర్ ను వేయడం ఆరోగ్యకరం. ఆహారం పుల్లగా రుచిగా టేస్టీగా మార్చుతుంది. కాబట్టి సాల్టెడ్ వెనిగర్ కాకుండా సాదా వెనిగర్ మాత్రమే ఉపయోగించడం ఆరోగ్యానికి మంచిది. కాబట్టి వీటిని ఉప్పుకు ప్రత్యామ్నాయాలుగా వంటకాల్లో, ఇతర సలాడ్స్, సూప్ ల్లో ఉపయోగించి ఆరోగ్యాన్ని మరింత మెరుగుపరుచుకోండి....