నిద్ర లేచిన వెంటనే జ్ఞాపక శక్తి నశిస్తే!

Wellness

oi-Nageswara

By B N Sharma

Published: Monday, January 30, 2012, 10:09 [IST]

ఉదయం నిద్ర లేవగానే ఏ విషయం స్మరణకు రావటం లేదా? తాత్కాలికంగా అన్నీ మర్చిపోతున్నారా? కళ్ళు తిరిగినట్లుండటం, కళ్ళముందు చీకట్లు కమ్మటం జరుగుతోందా? అంటే దాని అర్ధం అన్నీ మరచిపోయేటంత గాఢ నిద్రకు గురవుతున్నారన్నమాట. నిద్ర లేవగానే ఎక్కడో కొత్త చోటుకు వచ్చానన్న భావన మీకు కలుగుతుంది. ఏం జరిగిందో, ఏం జరుగుతుందో మీకు తెలియటం లేదు. ఈ పరిస్ధితిలో మీరు ఆందోళన పడాల్సిన పని లేదు. దీనికి సైంటిఫిక్ గా చక్కని వివరణ వుంది.

తాత్కాలికంగా మీరు అంతా మరచిపోతున్నారంటానికి కొన్ని కారణాలు పరిశీలించండి.

1. అధికంగా ఆల్కహాలు తీసుకుంటే మీలోని ఎనర్జీ అంతా ఖాళీ అయిపోయి గాఢ నిద్ర పట్టేస్తుంది. మరోమారు శరీరం పూర్తి శక్తి పొందితే గాని మీరు సరిగా నిద్ర లేవలేరు.
2. రక్తపోటు తక్కువ - అకస్మాత్తుగా మీ బ్లడ్ ప్రెజర్ తగ్గిపోతే కూడా అంతా మరచిపోయే స్ధితి కలుగుతుంది.
3. బ్లడ్ షుగర్ తగ్గడం - మీ శరీరంలోని రక్తంలో గ్లూకోజు స్ధాయి ఏ కారణంగా తగ్గినా మీకు ఈ రకమైన జ్ఞాపక శక్తి కోల్పోవటం జరుగుతుంది. అంతేకాదు మీ కళ్ళముందు చీకటి వలయాలు కమ్మటం, శరీరం చల్లగా వుండటం కూడా ఏర్పడుతుంది. దీనికి కారణం మీ మెదడుకణాలకు అవసరమైన గ్లూకోజ్ సరఫరా పొందకపోవటమే.
4. ఒత్తిడి - ఇది నమ్మశక్యం కాకపోయినా, అధిక ఒత్తిడి కలిగితే కొన్ని హార్మోన్లు అసమతుల్యమై కళ్ళముందు అంతా చీకటి కమ్మినట్లయిపోతుంది. ఈ పరిస్ధితి పురుషులకంటే కూడా మహిళలలో అధికంగా వస్తుంది.
5. బిగువైన దుస్తులు - మీరు ధరించే దుస్తులు అతి బిగువుగా వుంటే కూడా రక్త సరఫరా సరిగా జరుగక దాని ప్రభావం బ్రెయిన్ పై పడి కళ్ళకు చీకట్లు కమ్మే ప్రమాదం వుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.