మీ పెట్ నుండి మీరు ఏం నేర్చుకుంటున్నారు?

By B N Sharma

Published: Monday, June 25, 2012, 9:21 [IST]

ఇంటిలో పెరిగే మీ పెంపుడు కుక్కనుండి కూడా మీరు ఎన్నోొ విలువైన పాఠాలు నేర్చుకోవచ్చు? ఆరోగ్యంగాను, ఒత్తిడిలేకుండాను జీవితాన్ని గడపాలంటే, ఇంటిలో ఒక పెంపుడు కుక్క వుంటే చాలు, అది ఎంతో సహకరిస్తుంది. అది చేసే చర్యలను మీరు గమనించటమే కాదు. అనుకరించండి. అనుకరించటమంటే దానికి గల వ్యతిరేక గుణాలు కాదు. పాజిటివ్ గుణాలను మాత్రమే. ఇంటిలో వుండే పెంపుడు కుక్క మీకు మంచి స్నేహితుడు, నిశ్శబ్దంగా వుంటూనే మీకు చెలికాడుగావుండి మీ మూడ్ ను ఎప్పటికపుడు సవ్యంగా వుండేలా చేస్తుంది. పెంపుడు జంతువులను మనం వేలాది సంవత్సరాలనుండి పెంచుకుంటున్నాం. చాలామంది వీటిని తమ స్నేహితులుగా భావిస్తారు. కనుక దానినుండి నేర్చుకోవటానికి సిగ్గు పడకండి. కొన్ని అంశాలు పెంపుడు కుక్కలనుండి నేర్చుకోండి.

పెంపుడు కుక్కలనుండి నేర్చుకోవలసిన అంశాలు....
రెగ్యులర్ వ్యాయామం - కుక్కలకు ఇది ఒక ప్రత్యేకత. అవి ఎపుడూ ఎంతో శక్తివంతంగా వుంటాయి. మిమ్మల్ని రెగ్యులర్ గా బయటకు తీసుకు వెళ్ళమని కోరతాయి. హార్వర్డ్ యూనివర్శిటీ పరిశోధకుల మేరకు, మీరు ఎంత ఎక్కువ దూరం నడిస్తే, అంత అధికంగా జీవిస్తారట. కనుక ప్రతిరోజూ మీ కుక్కతో పాటు నడవండి. బయటి ప్రదేశంలో నడిస్తే, మంచి గాలి, వెలుతురు వంటి వాటివి మీకు ఆహ్లాదానన్నిస్తాయి.

చిన్నపాటి నిద్రలు - పది లేదా పదిహేను నిమిషాలు చిన్న కునుకు తీస్తే అది ఎన్నో గంటల నిద్రకు సమానమని రీసెర్చర్లు రుజువు చేశారు. కనుక మీ పెట్ నుండి ఇది కూడా నేర్చుకోండి. చేయటానికి ఏ పని లేనపుడు, పది లేదా పదిహేను నిమిషాలు నిద్రించండి. అది ఆరోగ్యంగా వుంచుతుంది. తర్వాతి పని తేలికగా చేసుకోగలుగుతారు. బిజీగా వుంటూ 8 లేదా 9 గంటల నిద్రను రోజుకు ఆచరించలేనివారికి ఇది బాగా పనిచేస్తుంది. కనుక మీ పెట్ నుండి ఈ అలవాటు నేర్చుకుంటే, మీకు ఎంతో లబ్ది చేకూరుతుంది.

ఆరోగ్యకర ఆహారం - మీరు ఏ కు్కను పెంచుతున్నప్పటికి, బాగా గమనిస్తే, అది ఏదో ఒక ఆహారానికి అలవాటుపడి తినే విధానంగూడా సమర్ధవంతంగా వుంటుంది. ఆహారాన్ని బాగా నములుతుంది. ఒకే ఆహారం తింటుంది. సరైన సమయానికి తింటుంది. కనుక మీరు కూడా ఒక సమయానికి ఒకే రకమైన ఆహారాన్ని బాగా నములుతూ తింటే, మీకు ఆరోగ్యానకి ఎంతో లాభం.

మానసిక ఆరోగ్యం - దూసుకుపోయే స్వభావం ఆరోగ్యానికి సంతోషానికి ఎంతో మంచిది. మీ పెంపుడు కుక్క పిలిస్తే చాలు పరుగెట్టుకొస్తుంది. ఏ రకమైన ఆలస్యం చేయదు. పది నిమిషాల కిందట మీరు దానిని తిట్టిన లేదా కొట్టిన సంగతి కూడా మరచిపోతుంది. మీ పెట్ మీకు విశ్వాసం ప్రేమ చూపుతుంది. ఇవి మనిషిలోని మంచి సుగుణాలు. ఏదేని అంశంలో మీరు వేదన చెందితే, దీనిని నేర్చుకోండి. దయ చూపండి మీ మానసిక ఆరోగ్యం బాగు చేసుకోండి.

గాఢ శ్వాస తీయండి - చాలా కుక్కలు గాఢ శ్వాస తీయటం మీరు గమనించే వుంటారు. ఇది మంచి అలవాటే. దానినుండి మీరు తప్పక నేర్చుకోవచ్చు. గాఢ శ్వాస మీ శరీరంలో ఆక్సిజన్ సరఫరా పెంచి, ఆరోగ్యం చేకూరుస్తుంది. గాఢ శ్వాస మన శరీరాన్ని, మనస్సును రిలాక్స్ చేస్తుంది. ఒత్తిడి తగ్గించి, మానసిక సమస్యలు, నొప్పి దూరం చేస్తుంది.

ఈ పాఠాలు మీ ఇంటి పెంపుడు జంతువునుండి నేర్చుకోండి. మీరు గతంలో కంటే కూడా ఎంత ఆరోగ్యంగా వుంటారో గమనించండి

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.