జబ్బుల నుండి త్వరగా కోలుకోవటం ఎలా?

By B N Sharma

Published: Thursday, June 7, 2012, 9:25 [IST]

తీవ్రమైన జబ్బులు చేసినపుడు వాటినుండి కోలుకోవటం చాలా కష్టంగా వుంటుంది. మరి అంత తీవ్రమైన జబ్బులు లేదా వ్యాధులు కలిగి బాధ పడేటపుడు అవి మీ శరీరాన్ని బాగా బలహీనపరుస్తాయి కూడాను. మీకు జబ్బు తగ్గినప్పటికి మరో మారు బలం పుంజుకోవాలంటే సమయం పడుతుంది. వైరల్ వ్యాధులైన డెంగు, మలేరియా లేదా చికెన్ పాక్స్ వంటివి వచ్చినపుడు ఈ పరిస్ధితి ప్రతి ఒక్కరికి ఖచ్చితంగా వస్తుంది. వైరస్ శరీరాన్ని త్వరగా వదలదు. అది ఎన్ని రోజులు వుండాలో అన్ని రోజులూ వుండి దాని సమయం అది తీసుకుంటుంది. జబ్బు పడిన తర్వాత త్వరగా కోలుకోవడానికి, మరోమారు బలం పుంజుకోవడానికి, మీరు ఏం చేయాలనేది పరిశీలించండి.

జబ్బు పడినపుడు త్వరగా కోలుకోవటానికి చర్యలు 1. బాగా విశ్రాంతి తీసుకోండి - మీరు జబ్బుగా వున్నపుడు అధికంగా పని చేయాల్సిన అవసరం లేదు. ఎంత విశ్రాంతి తీసుకోగలిగితే అంత బాగా తీసుకోండి. విశ్రాంతి తీసుకుంటేనే గాని మీ శరీరం బలం పుంజుకోదు. కనుక, బలం పుంజుకునేటంతవరకు బయటి ప్రదేశాలు తిరగకండి.

2. బలానికి విటమిన్లు తీసుకోండి - పెద్ద జబ్బు తర్వాత శరీరంలో విటమిన్ల కొరత వుంటుంది. సరిగా ఆహారం మీరు తినలేరు. అది మీలోని విటమిన్లు లవణాలు ఖర్చు చేస్తుంది. మలేరియా వంటి వ్యాధులు మీ శరీరంలోని హేమోగ్లోబిన్ ను పూర్తిగా ఖర్చు చేస్తాయి. కనుక మీరు ఐరన్ మాత్రలు తీసుకోవాలి. మీ సాధారణ ఆరోగ్యం రావాలంటే విటమిన్లు తప్పని సరిగా తీసుకోవాలి.

3. బలంకల ఆహారం తీసుకోండి - చికెన్ సూప్, గుడ్లు, పాలు, వంటి ఆహారాలు మీకు బలాన్నిస్తాయి.
ప్రొటీన్ పౌడర్ లేదా ఫైబర్ బిస్కట్లు వంటివి కూడా తిని త్వరగా బలం పొందవచ్చు. ఆహారం పూర్తిగా ప్రొటీన్లు అధికంగా వుండేదిగా వుండాలి. ఇవి తింటే త్వరగా కోలుకుంటారు.

4. జీర్ణక్రియ సమస్యలు లేకుండా చేసుకోండి. జబ్బు పడినపుడు జీర్ణక్రియ మందగిస్తుంది. జబ్బునుండి కోలుకొన్న తర్వాత, ముందుగా తేలికగా జీర్ణమయ్యే ఆహారాలు తినాలి. మసాలాలు తినరాదు. కొద్ది కొద్దిగా తక్కువ వ్యవధిలో తినండి. మీరు జబ్బు కొరకు వేసుకున్న మందులు ఘాటైనవి అవి మీ పొట్టలోని జీర్ణ వ్యవస్ధను బలహీన పరుస్తాయి. పెరుగులో మంచి బాక్టీరియా వుంటుంది. అది మీ ఆహారం జీర్ణమయ్యేందుకు తోడ్పడుతుంది. కనుక తగినంత పెరుగు తినండి. మీ పొట్టలో మరోమారు మంచి బాక్టీరియా పుడుతుంది.

5. సోమరిగా వుండకండి. చాలా రోజులు ఇంటిలో వుంటారు కనుక సోమరి అయ్యే అవకాశం వుంది. త్వరగా మరోమారు చురుకు పుట్టాలంటే, చురుకుగా వ్యవహరించండి. విశ్రాంతి తగినంత మాత్రమే తీసుకోవాలి. సాధారణ పనులైన మీ దుస్తులు మీరు మార్చుకోవడం వంటివి చేస్తూ ఉత్సాహం ప్రదర్శించాలి.

మీకు కనుక మరిన్ని ఇతర కోలుకొనే చిట్కాలు తెలిస్తే మాకు వ్రాయండి. మీ భావాలు మాతో పంచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.