మానసిక ఒత్తిడిని దూరం చేసే ఐస్ థెరఫీ...

Wellness

oi-Saraswathi

By Sindhu

Published: Thursday, October 4, 2012, 17:14 [IST]

వేసవి కాలమే కాకుండా శీతాకాలమైనప్పటికీ ఐస్ వాడకం ఎక్కువే అని చెప్పాలి. కేవలం కూల్ డ్రింకులు... ఇతరాత్రా మాత్రమే కాదు. సౌందర్య పోషణలో, ఆరోగ్యంలో ఐస్ ఎంతో ఉపకరిస్తుంది. సాధారణంగా సున్నా డిగ్రీల సెల్సెస్‌ వద్ద నీరు ఘనీభవించి మంచు ముక్కలా తయారవుతుందని మనం చిన్నప్పుడు సైన్స్‌ పాఠాల్లో చదువుకున్నాం. అదే ఫార్ములాను ఉపయోగించి డీప్‌ ఫ్రిజ్‌లో ఐస్‌ క్యూబ్‌ ఫ్రేమ్‌ బాక్స్‌లో నాలుగుపలకలుగా తయారుచేసుకునేవిధంగా అందులో నీరుపోసి ఉంచితే అది గడ్డకట్టి ఐస్‌ ముక్కలు తయారవుతాయి. వాటితోనే అనేక రకాల వైద్య విధానంలోనూ ఉపయోగిస్తున్నారు. అలా వైద్య విధానాల్లోనే కాకుండా. శరీర సంరక్షణ, దెబ్బలు తగినప్పుడు, శరీరం బెణికినప్పుడు, గొంతులో గరగర, కాలిన గాయాలకు మరియు చర్మ సంరక్షణకు కూడా ఈ ఐస్ క్యూబ్ తో మసాజ్ చేయడం వల్ల మంచి ఫలితం ఉంటుంది.

ఐస్‌ క్యూబ్స్‌ తో చల్లచల్లని పానీయాలు తాగడమే కాదు..హట్‌హాట్‌గా ఇంటికి వచ్చిన వారి మానసిక స్థితిని కూల్‌గా చేసే థెరపీ ఐస్‌ లో దాగి ఉంది. ఇలా చేసి చూడండి..మీరు కూడా ఐస్‌ అయ్యిపోతారు.ఈ ప్రక్రియనే ఐస్‌ థెరపీ అంటారు. అయితే పదిహేను నిమిషాల కంటే ఎక్కువ సేపు ఈథెరపీని చేయకూడదు.

1. ఐస్ ప్యాక్: తలనొప్పి తగ్గడానికి ఐస్ ప్యాక్ కూడా ఉపకరిస్తుంది. ఒక శుభ్రమైన టవల్ లో చల్లగా ఉండే ఏదైనా వస్తువును చుట్టి మీకు ఎక్కడైతే నొప్పిగా ఉందో అక్కడ కాసేపు పెట్టుకుంటే సరి. నొప్పి మాయమవుతుంది.
2. పని ఒత్తిడితో తలనొప్పిగా ఉన్నప్పుడు ఐస్‌ను ముక్కలుగా చేసి వస్త్త్రంలో వేసి నుదురుమీద ఉంచితే ఎంతో ఉపశమనం కలుగుతుంది.
3. ఐస్‌ ముక్కలను కనురెప్పల మీద కాసేపు ఉంచితే మన శరీరం, మనసు ఉత్తేజిత మవుతాయి.
4. చర్మానికి ఇది మంచి యాంటీ ఏజింగ్‌ కారకంలా పనిచేస్తుందని సూచిస్తున్నారు. ఐస్‌ను రుద్దడంవల్ల ముఖం శుభ్రపడి కాంతి వంతంగా కనిపిస్తుంది. ముటిమలకు వాటి మచ్చలకు ఒత్తిడికి ఐస్‌ థెరపీ మంచి ఫలితాన్ని ఇస్తుంది.
5. ఐస్‌ను శుభ్రమైన వస్త్త్రంలో తీసుకోవాలి. చుబుకం మీద వలయాకారంలో రుద్దుతూ నెమ్మదిగా ముఖమంతా అప్లై చేయాలి. మొటిమలున్న ప్రాంతంలో నెమ్మదిగా ఒత్తిపెడుతూ ఐస్‌ ఉంచాలి. ఇలా ఓ క్రమ పద్ధతిలో చేస్తేకొన్ని రోజులకు మొటిమలు, మచ్చలు తొలగిపోతాయి.
6. ఐస్ క్యూబ్స్ డైరెక్ట్ గా ఉపయోగించడం ఇబ్బందికరమైతే, ఐస్ బ్యాగ్ లేదా ఒక కటాన్ క్లాత్ లో ఐస్ క్యూబ్ ను పెట్టి మసాజ్ చేసుకోవచ్చు.
7. ఐస్ క్యూబ్స్ చర్మ సంరక్షణకు బాగా ఉపయోగపడుతుంది. ఐస్ క్యూబ్ మసాజ్ చేయడం వల్ల చర్మాన్ని టైట్ గా ఉంచుతుంది. ముఖంలో, కళ్ళ క్రింద ముడుతలను పోగొడుతుంది. చర్మంలో నున్న రంధ్రాలను పూడ్చివేస్తుంది. ఐస్ క్యూబ్స్ మొటిమలు, మచ్చలను పోగట్టడమే కాకుండా ఎండ వేడిమి నుండి రక్షణ కల్పిస్తుంది. బయట నుండి ఇంటికి రాంగానే ఐస్ క్యూబ్స్ తో మసాజ్ చేసుకొంటే ఎంతో హాయిగా ఉంటుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.