ఉప్పు తొలగిస్తే.. ఆరోగ్యం అద్భుతం..?

By B N Sharma

Published: Monday, July 9, 2012, 11:10 [IST]

ఇష్టమైన ఆహారం చేతికందితే, వెనుక...ముందూ చూడకుండా అధికంగా తినేస్తాం. మరి ఇంత ఆనందంగా తినే సమయంలో మనం మన శరీరంపై ఆ ఆహారం ఏరకమైన ప్రభావాన్ని చూపుతుంది? అనేది ఏమాత్రం పట్టించుకోము. కొన్నిసోడియం అధికంగా ఉండే ఉప్పటి ఆహారాలు మీ బ్లడ్ షుగర్ స్ధాయిలు పెంచుతాయి. ఉప్పు అధికంగా తినేయడం శరీరానికి హానికరం, అనారోగ్యం, ప్రత్యేకించి మీ ఎముకలకు అది చాలా నష్టం కలిగిస్తుంది. శరీరంలో ద్రవాలు బాగా కదులూతూండాలంటే, మీ ఆహారంలో కొద్దిపాటి ఉప్పు కోరదగినదే. కాని అది అధికమైతే, శరీరానికి ఎంతో హాని చేస్తుంది. మరి ఉప్పు అధికంగా ఉండే ఆహారాలేమిటో పరిశీలించండి.

ఉప్పు అధికంగా మానదగిన ఆహారాలు -

సాస్ - అది సోయా సాస్ లేదా చింతపండు సాస్ లేదా మరో సాస్ కావచ్చు, ఈ సాస్ లలో ఉప్పు కావలసినదానికంటే కూడా అధికంగా ఉంటుంది. కనుక మీరు సాస్ లు వదిలివేయండి. వీటిలో సోడియం అధికంగా ఉంటుంది.

నిలవ పచ్చళ్ళు - ఆవకాయ, మాగాయ, ఉసిరికాయ, చింతకాయ వంటి పచ్చళ్ళు సవంత్సరం అంతా ఉండాలంటూ వాటిలో అధిక ఉప్పు చేర్చి తయారు చేస్తారు.కనుక వీటిలో ఉప్పు అధికమే. అంటే, సోడియం కావలసినదానికంటే అధికంగా వాటిలో వుండి మీకు హాని కలిగిస్తాయి. కనుక ఈ నిలవ పచ్చళ్ళను ఎపుడైనా తినాలి. అపుడు కూడా అతి తక్కువ మొత్తంలో తినాలి. వీటిలో ఉండే అధిక ఉప్పు మీరు కొంచెం తిన్నా సరే ఎంతో హానికలిగిస్తుంది.

ఛీజ్ - కాటేజ్ ఛీజ్ చాలా ఉప్పగా ఉంటుంది దీని వినియోగం నియంత్రించండి. శరీరంలో సోడియం స్ధాయిలను ఇది అధికం చేస్తుంది.

స్నాక్స్ - ఉప్పు, కారం చేర్చిన వివిధ చిరుతిండ్లు తినటానికి ఎంతో రుచి. కాని అవి హాని. పాప్ కార్న్, ఛీజ్ బాల్స్, వంటి వాటిలో సోడియం అధికం. కనుక, ఈ ఆహారాలు వదిలేయండి. తినాలనుకున్నపుడు వాటిలో అతి తక్కువ ఉప్పు ఉండేలా చూసుకోండి.

ప్రాసెస్ చేసిన మాంసం - బేకన్, డెలి మీట్, సాసేజ్, సలామి వంటి మాంసాలు అధిక ఉప్పు కలిపి దీర్ఘకాలం నిలువ చేస్తారను. డబ్బాలలో నిలువచేసే మాంసంలో ఉప్పు ఎక్కువ కలుపుతారు. కనుక, మీరు మాంస ఉత్పత్తులు డబ్బాలలోవి కొనాలనుకుంటే, వాటిపై కల లేబుల్ చదివి కొనండి. లేదా మాంసాహార తిండ్లు, అప్పటికపుడు తయారు చేసి ఉప్పు తక్కువగా తినండి.

డబ్బాల ఆహారం - చాలామంది బిజీగా ఉండే ఉద్యోగస్తులు, వంటకు అధిక సమయం పడుతుందంటూ వండిన ఆహారాలను రెడీగా డబ్బాలు అంటే టిన్ లలో వుండేదానిని కొంటారు. ఇవి కొనేటపుడు వాటిలోని ప్రొటీన్లు, పోషకాలు లేబుల్ చదివి పరిశీలించండి. ఈ రకంగా డబ్బాలలోని ఆహారం ప్రతిరోజూ తినరాదు. కార్న్, కూరగాయలు వంటి వాటిలో కూడా సోడియం అధికం. కనుక కేన్ డు ఆహారాలు రోజూ తినవద్దు.

ఆహారంలో సోడియం అధికమైతే అది శరీరానికి హాని. తక్కువైతే అది మిమ్మల్ని బలహీనపరుస్తుంది. కనుక సోడియం ఆహారంలో తగినంత మాత్రమే తీసుకుంటూ, ఆరోగ్యంగా ఉండాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

Comments

Story first published: Monday, July 9, 2012, 11:10 [IST]

Latest Updates

Salty Foods To Avoid! | ఆహారంలో ఉప్పు తెచ్చే ముప్పు!