జిమ్ అనేది మహిళలకు ఎందుకు ఆరోగ్యకరమైనది

By Lakshmi Perumalla

Published: Friday, December 27, 2013, 16:30 [IST]

జిమ్ వర్క్ అవుట్స్ అనేవి పురుషులు మరియు మహిళలు ఇద్దరికి ప్రయోజనకరంగా ఉంటాయి.

ప్రతీదానికి వివిధ రకాల వ్యాయామాలు ఉంటాయి. జిమ్ అనేది మహిళల్లో తక్షణమే బరువు తగ్గించేందుకు సహాయపడుతుంది. సాధారణంగా మహిళల్లో జిమ్ వ్యాయామాలు ఏరోబిక్స్,వెయిట్లు,కార్డియో మరియు స్ట్రెచింగ్ వంటివి ఉంటాయి. ఈ వ్యాయామాలు మహిళ యొక్క శరీరానికి బలం మరియు సౌలభ్యాన్ని అందిస్తాయి. అలాగే శరీరం టోన్ కు సహాయపడుతుంది.

ఈ రోజుల్లో జిమ్ వ్యాయామాలు అత్యంత ప్రాముఖ్యతను కలిగి ఉన్నాయి. మహిళలు శారీరకంగా పని చేయవలసిన అవసరం లేదు. అందువలన పని కోసం సులభమైన ఎంపికలుగా ఉంటాయి. ముందు తరాల వారితో పోలిస్తే ఇప్పటి మహిళలకు శారీరక అలసట తగ్గి మానసిక ఒత్తిడి పెరిగింది.

జిమ్ వ్యాయామాలు శరీరంలోని మానసిక మరియు శారీరక ఆరోగ్యాన్ని నిర్వహిస్తాయి. జిమ్ వ్యాయామాలు మహిళలకు మంచివి. ఎందుకంటే అనేక కారణాలు ఉన్నాయి. వాటిలో కొన్ని ఈ క్రింద చర్చించబడ్డాయి:

1. శారీరక దృఢత్వం
జిమ్ వ్యాయామాలు శరీరాన్ని దృఢత్వంగాను మరియు చురుకుగాను ఉంచుతాయి. మహిళలలో స్థూలకాయం,గుండె లోపాలు మరియు మధుమేహం వంటి సమస్యలను నివారించి శారీరకంగా చురుకుగా ఉండేలా చేస్తుంది. శారీరక కార్యకలాపాలు శరీరంలో శక్తి స్థాయిలను పెంచుతాయి. అంతేకాక శారీరక కార్యకలాపాలు కణాల మరమ్మతు,కణజాల నష్టం మరియు శరీర అవయవాలను పునరుద్ధరించటానికి సహాయం చేస్తుంది. ఒక మహిళ శారీరక దృఢత్వాన్ని కలిగి ఉంటే ఆమె కుటుంబాన్ని ఆరోగ్యంగా ఉంచుకోవచ్చు. రోజంతా ఉల్లాసముగా ఉండటానికి జిమ్ ఒక మంచి మార్గం. మహిళలు రోజంతా ఉత్సాహం మరియు ఉద్వేగంతో గడుపుతారు.

2. బరువు తగ్గటానికి
జిమ్ వ్యాయామాలు మహిళలకు వారి బరువు కోల్పోవడం కొరకు సహాయం చేస్తుంది. ఈ రోజుల్లో మహిళలు జీరో ఫిగర్ ట్రెండ్ కు ఆకర్షితులై చూడటానికి చాలా సన్నగా మరియు సెక్సీగా ఉంటున్నారు. దానిని సాధించటానికి జిమ్ ఒక మంచి మార్గం. వ్యాయామాలు శరీర బరువును తగ్గించటానికి మరియు అలాగే శరీరంలో కండరాల కంటెంట్ పెంచడానికి సహాయపడతాయి. జిమ్ వ్యాయామాల వలన పొట్ట, తొడలు, చేతులు తదితర నిర్దిష్టమైన సమస్య ప్రాంతాల మీద దృష్టి పెట్టవచ్చు.

3. బాగా తినడానికి
క్రమం తప్పకుండా జిమ్ వ్యాయామాలు చేయుట వలన ఆటోమేటిక్ గా మీరు ఆరోగ్యకరమైన ఆహారం తినడానికి సహాయం చేస్తుంది. మీరు ఆహారం తీసుకోవటం గణనీయమైన స్థాయిలో తగ్గుతుంది. మీరు భాగాలుగా తినడం ప్రారంభమౌతుంది. మీరు చీజ్ మరియు జంక్ వంటి చెడు కొవ్వు ఆహారాలను తినాలనే అనుభూతి ఉండదు. మీరు తినే కొవ్వు అంతా జిమ్ వ్యాయామాల వలన కరిగిపోతుంది. జిమ్ అనేది మీ ఆహారంలో క్రమశిక్షణ మరియు మీ జీవితం ఒక రొటీన్ సెట్ కి తీసుకురావటానికి సహాయపడుతుంది.

4. బలం
మహిళలకు భద్రతా రోజు రోజుకి తగ్గిపోతున్నది. వేధింపులు మరియు దురాచారం వంటి నేరాల నుండి తమను తాము రక్షించుకోవటానికి మహిళలకు ఒక శక్తి అవసరం ఉంది. మహిళలు వారిని రక్షించుకునేందుకు శారీరక శక్తి అవసరం. మహిళలకు వెయిట్ ట్రైనింగ్ వంటి జిమ్ వ్యాయామాలు అవసరమైనప్పుడు పోరాడటానికి సహాయపడతాయి. మహిళల ఆత్మరక్షణ కోసం కొన్ని ప్రత్యేక వ్యాయామాలు ఉన్నాయి. ప్రతి స్త్రీ రక్షణ కోసం కొన్ని రూపాలను తెలుసుకోవడానికి ప్రయత్నించాలి.

5. మంచి అనుభూతి
జిమ్ వ్యాయామాలు ఒక రకమైన శారీరక కార్యకలాపాలు. శారీరక కార్యకలాపాలు ఒత్తిడి కలిగించే హార్మోన్లను తగ్గించేందుకు మరియు ఎండార్ఫిన్లు పెరుగుదలకు సహాయం చేస్తుంది.ఎండార్ఫిన్లు హార్మోన్ తాజా అనుభూతిని కలిగిస్తుంది. అందువలన మానసిక ఒత్తిడి తగ్గుతుంది. మీరు పని చేసిన తర్వాత రోజు మిగిలిన కాలమంతా విశ్రాంతి మరియు సంతోషకరమైన అనుభూతి ఉంటుంది.

6. ఆరోగ్యకరమైన హార్ట్
జిమ్ వ్యాయామాలు గుండె యొక్క పనితీరును మెరుగుపరుస్తాయి. గుండె హృదయ స్పందనల ఉద్ధరించేందుకు మరియు శరీరం యొక్క జీవక్రియ మెరుగుపరచడానికి కార్డియో వ్యాయామాలు అనే ప్రత్యేక వ్యాయామాలు ఉన్నాయి. శరీరానికి ఆక్సిజన్ ప్రసరణ పెరుగుదల మరియు మొత్తం శరీరం వ్యవస్థ యొక్క పనితీరును మెరుగుపరుస్తుంది. ఒక ఆరోగ్యకరమైన గుండె ఆరోగ్యవంతమైన జీవనానికి దారితీస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

Comments

Story first published: Friday, December 27, 2013, 19:03 [IST]

Other articles published on Dec 27, 2013

Latest Updates