గ్యాస్ర్టిక్ ట్రబుల్ కి కారణమయ్యే ఫుడ్ కాంబినేషన్స్

మీట్, చీజ్

ఈ రెండింటిలో ప్రొటీన్స్ పుష్కలంగా ఉంటాయి. అయితే ఒకేసారి మాత్రం ఈ రెండింటిని తీసుకోకూడదు. రెండింటిని కాంబినేషన్ గా తీసుకోవడం వల్ల ప్రొటీన్స్ శరీరంలో పెరిగిపోయి.. కాలేయంపై ఒత్తిడి పెరుగుతుంది.

ఫ్యాటీ యాసిడ్స్, ప్రొటీన్స్

వెన్న, కోడిగుడ్లు ఒకేసారి తీసుకోకూడదు. ఇవి.. హానికరం. ఒకేసారి రెండింటిని తీసుకోవడం వల్ల జీర్ణక్రియకు సమస్యగా మారి.. పొట్టలో సమస్యలు మొదలవుతాయి.

భోజనం సమయంలో, తర్వాత నీళ్లు

భోజనం చేస్తున్న సమయంలోనూ, భోజనం అయిన వెంటనే నీళ్లు, కానీ జ్యూస్ కానీ తీసుకోకూడదు. ఇది డైజెషన్ కి ఇబ్బంది కలుగజేస్తుంది. అలాగే గ్యాస్ర్టిక్ సమస్య వచ్చే అవకాశముంది. భోజనానికి 10 నిమిషాల ముందు, భోజనం చేసిన తర్వాత అరగంటకు నీళ్లు తాగాలి.

భోజనం తర్వాత కాఫీ, టీ

భోజనం తర్వాత కాఫీ, టీ తీసుకోవడం మానేయాలి. ఆహారం ద్వారా పొందే ప్రొటీన్స్ శరీరానికి అందకుండా కాఫీ, టీలలో ఉండే ఎసిడిక్స్ అడ్డుకుంటాయి. దీనివల్ల జీర్ణక్రియకు కూడా ఆటంకం ఏర్పడుతుంది.

ఎసిడిక్ ఫుడ్స్, కార్బోహైడ్రేట్స్

ఎసిడిక్ ఫుడ్స్ అయిన టమోటా, నిమ్మ వంటి వాటిని పిండి పదార్థాలతో కలిపి తీసుకోకూడదు. ఈ కాంబినేషన్ లో ఆహారం తీసుకోవడం వల్ల జీర్ణవ్యవస్థలో సమస్యలు ఎదురవుతాయి. ఇలాంటి ఫుడ్స్ జీర్ణమవడానికి కష్టమవుతుంది.

భోజనం చేసిన వెంటనే పండ్లు

భోజనం చేసిన వెంటనే పండ్లు తీసుకోవడం మానేయాలి. మీరు తీసుకున్న భోజనం సరిగ్గా జీర్ణమవడానికి టైం కేటాయించి ఆ తర్వాత ఫ్రూట్స్ తీసుకోవాలి. అంటే కనీసం రెండు గంటల గ్యాప్ ఉండాలి. ఒకేసారి ఆహారం, పండ్లు తీసుకోవడం వల్ల గ్యాస్ ప్రాబ్లమ్స్ వస్తాయి.

రెడ్ మీట్, పిండి పదార్థాలు

రెడ్ మీట్ తోపాటు రైస్, బంగాళ దుంప తీసుకోకూడదు. ఇవి జీర్ణమవడం చాలా కష్టమవుతుంది. రెడ్ మీట్, చికెన, వైట్ మీట్ కి కాంబినేసన్ గా ధాన్యాలు తీసుకోవడం మంచిది.