మీరు ఖచ్చితంగా తెలుసుకోవాల్సిన థైరాయిడ్ లక్షణాలు..!

అలసట

థైరాయిడ్ సమస్య ఉన్నవాళ్లలో ముఖ్యంగా అలసట ఎక్కువగా కనిపిస్తుంది. ఏ చిన్న పని చేసినా.. వెంటనే బలహీనంగా, నిస్సత్తువగా మారిపోతారు. నిద్రలేచిన తర్వాత కూడా ఎనర్జీ ఉన్నట్టు ఫీలవరు.

బరువు పెరగడం

హైపోథైరాయిడిజంతో బాధపడేవాళ్లు మెటబాలిజం తగ్గిపోతుంది. దీనివల్ల లో క్యాలరీ ఫుడ్ తీసుకున్నా బరువు పెరుగుతారు. అలాగే బరువు తగ్గడం కూడా వీళ్లకు చాలా కష్టంగా మారుతుంది.

రుతుక్రమ సమస్యలు

హైపోథైరాయిడిజం కారణంగా.. థైరాయిడ్ గ్లాండ్ హార్మోన్లను ఉత్పత్తి చేయలేకపోతుంది. దీనివల్ల ఇర్రెగ్యులర్ పీరియడ్స్ సమస్య వస్తుంది.

హెయిర్ లాస్

జుట్టు రాలే సమస్య ఎక్కువగా ఉంటుంది. శరీరంలో హార్మోనల్ చేంజెస్ వల్ల జుట్టు ఎక్కువగా రాలిపోతుంది. పొడిబారుతుంది.

కండరాల నొప్పులు

థైరాయిడ్ గ్లాండ్ సరైన మొత్తంలో హార్మోన్లను ఉత్పత్తి చేయలేకపోవడం వల్ల కండరాలపై దుష్ర్పభావం చూపుతుంది. దానివల్ల కండరాలు బలహీనమవుతాయి. అలసట, కండరాల నొప్పులు ఎక్కువగా వేధిస్తాయి.

కాన్స్టిపేషన్

హైపోథైరాయిడిజం వల్ల హార్మోన్స్ లో మార్పులు డైజెస్టివ్ ట్రాక్ పైనా దుష్ర్పభావం చూపుతాయి. ఆహారం జీర్ణమవడానికి సమస్యగా మారుతుంది. దీనివల్ల కాన్స్టిపేషన్ సమస్య ఎదురవుతుంది.

డిప్రెషన్

థైరాయిడ్ గ్లాండ్ ఉత్పత్తి చేసే కొన్ని హార్మోన్స్ డిప్రెషన్ పై ప్రభావం చూపుతాయి. తక్కువ హార్మోన్లను ఉత్పత్తి చేస్తే.. హైపోథైరాయిడిజం సమస్య ఎదురై.. ఆ వ్యక్తి అలసట, డిప్రెషన్ కి గురవుతాడు.

ఇరిటేషన్

హార్మోన్లు ఉత్పత్తి కాకపోవడం వల్ల శరీరం రకరకాల భావోద్వేగాలకు లోనవుతుంది. తరచుగా ఇరిటేషన్ కి లోనవుతూ ఉండటం థైరాయిడ్ ని సూచిస్తుంది.

మెమరీ లాస్

శరీరంలో హార్మోన్స్ తగ్గితే.. అన్నీ స్లోగా మారతాయి. మెమరీ కూడా తగ్గిపోయే ప్రమాదం ఉంటుంది.

డ్రై స్కిన్

హైపోథైరాయిడిజం ఉన్నవాళ్లు.. చెమట పట్టడం తగ్గుతుంది. దీనివల్ల చర్మం డ్రైగా మారుతుంది. రఫ్ గా తయారవుతుంది.

చూశారుగా ఇలాంటి లక్షణాలను గుర్తిస్తే.. వెంటనే డాక్టర్ ని సంప్రదించడం మంచిది.