అలర్ట్: ప్రతి మహిళ చేయించుకోవాల్సిన ముఖ్యమైన టెస్ట్ లు..!!

సర్వైకల్ క్యాన్సర్ టెస్ట్

21 నుంచి 65 ఏళ్ల లోపు మహిళలు ఖచ్చితంగా సర్వైకల్ క్యాన్సర్ టెస్ట్ చేయించుకోవాలి. కనీసం 3 నుంచి 5 ఏళ్లకు ఒకసారైనా.. ఈ పరీక్ష చేయించుకోవాలి. ఎందుకంటే.. ఇది ఎక్కువగా మహిళల్లో కనిపిస్తుంది. కాబట్టి అలర్ట్ గా ఉండాలి.

బ్రెస్ట్ క్యాన్సర్

35 నుంచి 75 ఏళ్ల వయసు లోపు మహిళలు ఖచ్చితంగా రెగ్యులర్ గా బ్రెస్ట్ క్యాన్సర్ టెస్ట్ చేయించుకోవాలి. దీనివల్ల ఈ ప్రాణాంతక వ్యాధి రాకుండా జాగ్రత్త పడవచ్చు.

బోన్ మినరల్ టెస్ట్

40 ఏళ్లు దాటిన మహిళలకు బోన్ మినరల్ డెంన్సిటీ టెస్ట్ చేస్తారు. ఓస్టియోపోరోసిస్ రిస్క్ ఏమైనా ఉందా అని ఈ పరీక్ష చేస్తారు. మహిళల్లో సాధారణంగా కనిపించే ఎముకల సమస్య ఇది.

కోలన్ స్కోపీ

కోలన్ క్యాన్సర్ రిస్క్ ఉందేమో ఒక్కసారి చెక్ చేయించుకుంటే.. మొదటి దశలోనే గుర్తించవచ్చు. ఈ టెస్ట్ 40 నుంచి 50 ఏళ్ల మధ్య వయసు మహిళల్లో కంపల్సరీ నిర్వహించాలి.

పీసీఓడీ స్క్రీనింగ్

ఏ వయసు మహిళల్లో అయినా.. ఈ టెస్ట్ చేస్తారు. రుతుక్రమం మొదలయినప్పటి నుంచి ఈ టెస్ట్ నిర్వహిస్తారు. ఈ టెస్ట్ ద్వారా ఓవరీస్ లో సిస్ట్స్ ఉన్నాయా లేదా అనేది చెక్ చేస్తారు. వీటి వల్ల రుతుక్రమ సమస్యలు వస్తాయి.

ఫెర్టిలిటీ చెక్ అప్

గర్భం పొందాలని భావించే మహిళలందరికీ.. ఈ టెస్ట్ నిర్వహిస్తారు. ఈ టెస్ట్ లో గర్భాశయం, అండశయం పనితీరు సక్రమంగా ఉందా లేదా అని పరీక్ష చేస్తారు.

డయాబెటిస్ టెస్ట్

45 ఏళ్లు వయసు దాటిన మహిళల్లో బ్లడ్ షుగర్ లెవెల్స్ ని ఖచ్చితంగా టెస్ట్ చేయాలి. దీనివల్ల డయాబెటిస్ ముప్పు నుంచి బయటపడవచ్చు.