30 ఏళ్ళలో వచ్చే హార్ట్ డిసీజ్ లకు కొన్ని హెచ్చరిక సంకేతాలు

తరచూ అలసటకు గురి అవుతుండటం:

ఎప్పుడు చూసిన అలసటకు గురి అవుతుంటే తగినంత విశ్రాంతి తీసుకోవాలి . తగిన విశ్రాంతి తీసుకోలేదంటే ఇక ఆరోజంతా ఏపని చేయాలన్నా ఏకాగ్రత ఉండదు . ఇలా తరచూ అలసటకు గురి అవుతుంటే నిర్లక్ష్యం చేయకుండా చెకప్ చేయించుకోవడం మంచిది.

శ్వాసతీసుకోవడంలో ఇబ్బందులు:

శ్వాత తీసుకోవడంలో ఇబ్బందిగా ఉంటే అది సడెన్ గా శారీరకంగా అలసిపోయినట్లు తేలికగా తీసుకోకూడదు. కొన్ని సందర్భాల్లో అధిక వ్యాయామాలు లేదా శారీరక శ్రమ వల్ల కూడా శ్వాసలో ఇబ్బందులు ఎదుర్కుంటుంటారు. అయితే ఇది రెగ్యులర్ గా ఇలాగే కంటిన్యూ అయితే హార్ట్ డిసీజ్ కు హెచ్చరిక సంకేతంగా గుర్తించాలి.

చెస్ట్ పెయిన్ :

యంగ్ ఏజ్ 30ఏళ్ళలోనే హార్ట్ సమస్యలుంటాయంటే నమ్మసక్యం కాదు. చూడటానికి ఈ వయస్సులో అసాధ్యం అని చెబుతుంటారు. చెస్ట్ పెయిన్ హార్ట్ బర్న్, ఎసిడిటి వల్ల కూడా చెస్ట్ పెయిన్ వస్తుంటుంది. అయితే ఇలాంటి నొప్పి తరచూ బాధిస్తుంటే మాత్రం తప్పనిసరిగా గుర్తించి డాక్టర్ ను సంప్రధించడం మంచిది. చెస్ట్ లోపలగా ఏదో సూదితో గుచ్చినట్లు, గాలి పీలుస్తున్నప్పుడు ఏదైనా ఇబ్బందిగా ఉన్నట్లు అనిపిస్తే వెంటనే డాక్టర్ ను సంప్రధించాలి. చెస్ట్ పెయిన్ తో పాటు ఎడమ చేయి , భుజం, చంక బాగాల్లో నొప్పిని గమనించాలి. ఇలాంటి లక్షనాలు కనిపించిన వెంటనే ఆలస్యం చేయకుండా డాక్టర్ ను కలవాలి.

ఊబకాయం:

జీవన శైలిలో మార్పులు మరియు ఫుడ్ హ్యాబిట్ మార్చుకోవడం వల్ల అనేక ఆరోగ్య సమస్యలను ఎదుర్కోవల్సి వస్తుంది . ముఖ్యంగా ఆరోగ్య పరంగా సమస్యలు ఎక్కువ అవుతాయి. రెడిమేడ్ మీల్స్, రెడీ టు కుక్ ప్యాకెట్స్ మరియు వ్యాయామ లోపం వల్ల చిన్న వయస్సులోనే ఓబేసిటికి దారితీస్తుంది. ఇది క్రమంగా టైప్ 2 డయాబెటిస్, హైబ్లడ్ ప్రెజర్ మరియు ఇతర అనారోగ్య సమస్యలకు కూడా దారితీస్తుంది . జీవన శైలిని కంట్రోల్ చేసుకొని, హార్ట్ డిసీజ్ లకు దూరంగా ఉండాలి.

ఆందోళన :

చిన్న చిన్న విషయాల్లో ఆందోళన చెంచడం లేదా చిన్న విషయాలను పెద్దగా ఆలోచించడం, అదొక సమస్యగా తీసుకోవడం. తరచూ ఆందోళన చెందుతుండటం వల్ల కొన్ని సందర్భాల్లో హార్ట్ ఎలిమెంట్స్ కు ఎఫెక్ట్ అవుతుంది. . . కాబట్టి, సాధ్యమైనంత వరకూ ఆందోళ తగ్గించుకొని ఆనందంగా జీవితంలో ముందుకు సాగాలి.

నిద్ర సమస్యలు:

జీవితంలో సమస్యలు, బాధ్యతలు, వర్క్ ప్రెజర్, మొదలగుని మన ఆరోగ్యం మీద ప్రభావం చూపుతుంది. ఇలాంటి పరిస్థితులను సున్నితంగా ఎదుర్కోవాలి తప్ప ప్రతి విషయాన్ని సీరియస్ గా తీసుకోకూడదు . ఒత్తిడి వల్ల నిద్రలేమి సమస్యలు ఎదుర్కోవల్సి వస్తుంది. మరియు ఇది ఇలాగే కంటిన్యూ అయితే హార్ట్ సమస్యలకు దారితీస్తుంది.

దంతాల మీద పాచి:

చిన్న వయస్సులో దంత సమస్యలు, ముఖ్యంగా దంతాల మీద పాచీ వంటి లక్షణాలు హార్ట్ సమస్యలకు సంకేతం . కాబట్టి ఓరల్ హెల్త్ చాలా ముఖ్యం. మంచి నోటి ఆరోగ్య విషయంలో మంచి అలవాట్లను కలిగి ఉండాలి .