కాసేపు నిజాలు మాట్లాడుకుందాం: శృంగార వాంఛ‌ త‌గ్గ‌డానికి కార‌ణాలు తెలిశాయి!

## కాలం గ‌డిచే కొద్దీ మొక్కుబ‌డిగా..

కాసేపు నిజాలు మాట్లాడుకుందాం. సెక్స్ అనే ప‌దం వింటేనే మ‌న‌లో చాలా మంది దృష్టి అటువైపు మ‌ళ్లుతుంటుంది. శృంగార ర‌స‌భ‌రిత క‌థ‌నాలు చ‌దివేందుకు ఇష్ట‌పడేవారు ఎంద‌రో ఉంటారు. కొత్త ప్ర‌దేశాల్లో స‌రికొత్త భంగిమ‌ల్లో ర‌తి క్రీడ జ‌ర‌పాల‌ని త‌హ‌త‌హ‌లాడేవారు లేక‌పోలేదు. అయితే కాలం గ‌డిచే కొద్దీ దీనిపై ఆస‌క్తి త‌గ్గిపోతుంటుంది. ఏదో మొక్కువ‌డి వ్య‌వ‌హారంగా చేసుకుంటూ పోతారు. అస‌లు కొన్ని రోజుల దాకా శృంగారంలో పాల్గొనాల‌న్న ధ్యాసే ఉండ‌దు. ఇదే అంశ‌మై ఓ సంస్థ‌ స‌ర్వే నిర్వ‌హించి ఆస‌క్తిక‌ర‌మైన అంశాల‌ను వెల్ల‌డించింది.

## స‌ర్వేలో తేలిన ఆస‌క్తిక‌ర‌మైన అంశాలు

బీఎమ్‌జే ఓపెన్ అనే ఓ ఆన్‌లైన్ జ‌ర్న‌ల్ సంస్థ ఒక బృందాన్ని ఎంచుకొని శృంగారానికి సంబంధించి ప్ర‌శ్న‌లు అడిగింది. ఇందులో మొత్తం 4,839 మంది పురుషులు, 6,669 మంది స్త్రీలు పాల్గొన్నారు. వీరంతా 16 నుంచి 74 ఏళ్ల వ‌య‌సులోపు వారు. వీరంతా ఏడాది కాలంగా సెక్స్‌లో యాక్టివ్‌గా పాల్గొంటున్న‌వారు కావ‌డం విశేషం.

## ప‌రిశోధ‌న‌లో తేలిందిదే

స‌ర్వే ద్వారా తెలిసిన నిజాలేమిటంటే 15శాతం పురుషుల్లో సెక్స్ కోరిక‌ల‌పై ఆస‌క్తి త‌గ్గ‌గా... మ‌హిళ‌ల్లో 34శాతం శృంగార‌మంటే ఆస‌క్తి త‌గ్గింద‌ని చెప్పారు.

​## కార‌ణాలివే...

వ‌య‌సు పెరిగిపోవ‌డం, శారీర‌క‌, మాన‌సిక ఆరోగ్యం దెబ్బతినడం లాంటివే ప్ర‌ధాన కార‌ణాలుగా తేల్చారు.

## సుఖ‌వ్యాధులు కూడా...

కొంద‌రు శృంగారంలో పాల్గొన‌డం వ‌ల్ల సుఖ‌వ్యాధులు సంక్ర‌మించాయ‌ని దాని వ‌ల్ల సెక్స్‌పై ఆసక్తి త‌గ్గిపోయింద‌ని అన్నారు. గ‌తంలో బ‌లవంతంగా శృంగారంలో పాల్గొన్న‌వారికి కూడా సెక్స్ పైన స‌ద‌భిప్రాయం లేకుండా పోయింది.

## భావోద్వేగ‌పు బంధం

గ‌తంలో శృంగార‌ప‌ర స‌మ‌స్య‌లు ఎదుర్కొన్న‌వారు త‌మ భాగ‌స్వామితో పూర్తి స్థాయిలో ఆనందించ‌లేక‌పోయిన‌ట్టు వెల్ల‌డించారు.## నిపుణులు ఏమ‌న్నారంటే..

శృంగారంపై ఆస‌క్తి త‌గ్గిన‌వారికి నిపుణులు ప‌లు సూచ‌న‌లు ఇచ్చి నూత‌నోత్తేజం క‌లిగేలా ప్ర‌య‌త్నిస్తారు. ఫోర‌ప్లే, హ‌స్త‌ప్ర‌యోగాల‌తో స‌రిపెట్టుకోకుండా మ‌రింత రంజితంగా సెక్స్ జ‌ర‌పాల‌ని వారు సూచించారు.

## ర‌సాస్వాదాన్ని నింపండి

భాగ‌స్వాములిద్ద‌రూ ఒక‌రి చేతుల‌ను ఒకరు ఒడిసిప‌ట్టుకోవ‌డం, కౌగిలింత‌లు, అధ‌ర చుంబ‌నాలు చేసుకోవ‌డం ద్వారా నూత‌న ర‌సస్వాదం క‌లుగుతుంది. దీంతో న‌వ‌నాడులు నూత‌నోత్తేజాన్ని సంత‌రించుకొని శృంగార జీవితం ర‌స‌భ‌రితం అవుతుంది.

## నిజానికి శృంగార భావాలకు బీజం పడేది కేవలం పడకగదిలోనే అనుకోనక్కర లేదు.

ఇంట్లో నిరంతరం సంచరించే ఏ గదిలోనైనా అటువంటి భావాలు కలగవచ్చు. పడకగదిలో ఉండే పరిమళం స్వచ్ఛమైన పడకలు, మంచి రంగులు, శృంగారానుభూతిని కలిగించే చిత్రాలు ఇవన్నీ కల్సి శృంగార వాంఛ కలిగేందుకు సహకరించినా దంపతులు రోజంతా ఇంటా, బయటా ఒకరితో ఒకరు ఎలా గడిపారనేది కూడా ఇక్కడ అంతకంటే అధిక ప్రాధాన్యం కలిగి ఉంటుంది. గడిచిన కాలంలో వారు ఒకరి కొకరు ఎటువంటి అనుభవాలు, అనుభూతులు మిగుల్చుకున్నారు అనేది కూడా పరిగణలోకి తీసుకోవాలి.

## ప్రేమానురాగాలు, బాధ్యతలు, గాయాలు, అనుమానాలు, అవమానాలు, ఆరోపణలు వీటిలో ఎన్నింటిని ఎంత శాతం ఒకరికొకరు మిగుల్చుకున్నారు?

ఇద్దరి సహచర్యంలో, సమస్యల పరిష్కారంలో మిత్రపరమైన సామరస్యం ఉందా, శత్రుపరమైన వైరుధ్యమేనా? ఘర్షణను సుదీర్ఘమైన వాదోపవాదాల ద్వారా పరిష్కరించుకున్నారా? ఇరువురి మధ్య సయోధ్య, ఐక్యత కుదిరాయా? లేదా ఘర్షణల్లోనే కాలం గడుపుతూ శృంగారాన్ని అనుభవిస్తున్నారా? అనేది చాలా ముఖ్యం.

## ఐక్యతన్నదే లేకుండా అలాగే జీవితాలు నెట్టుకొస్తుంటే..

నిరంతరం కోపం, అసహనం, చిరాకు, అహంకారాలు, అయిష్టతలతోనే గడుపుతుంటుంటే అది ఇరువురి మనసుల్లో గాయాలనే మిగిలిస్తుంది. ఈ పరస్పర వైరుధ్యాలు, అనైక్యతలు దంపతుల శృంగార జీవితాన్ని పూర్తిగా దెబ్బతీస్తాయి. శృంగారాన్ని యాంత్రికంగా మారుస్తాయి.

## శృంగారం కేవలం వట్టి వాంఛగా, దైహిక అవసరంగా, పునరుత్పత్తి సాధనంగా మాత్రమే మిగిలిపోకూడదు.

దాని గొప్పదనాన్ని గుర్తించి ఆ మేరకు ఒక అపురూపమైన, విలువైన అనుభూతిగా మిగుల్చుకోగలగాలి. దానిని జీవితానికి ఒక గౌరవంగా మాత్రమే చూడాలి. ఒక్క మాటలో చెప్పాలంటే ఆధిపత్యమూ, అహంకారమూ, స్వార్థమూ, దుర్మార్గమూ లేని భర్త స్పర్శకు భార్య పులకించడమే నిజమైన శృంగారం.