చిన్న పిల్లల్లో ఈ 9 లక్షణాలు గనుక ఉంటే ఎముకల క్యాన్సర్ వచ్చిందని అర్ధం

1. నొప్పి :

పిల్లలు ఏ రకమైన ఎముకల క్యాన్సర్ తో బాధపడుతున్నప్పటికీ కూడా, వారిని విపరీతంగా నొప్పి వేధిస్తూ ఉంటుంది. ఇదే విషయమై వారు ఫిర్యాదులు కూడా చేస్తుంటారు. ఎముకల్లో క్యాన్సర్ కు సంబంధించిన కణితి పెరుగుతూ ఉంటుంది అని తెలియజేసే అతిముఖ్యమైన లక్షణాల్లో ఇది కూడా ఒకటి. ఎముకలో ఏ భాగంలో అయితే ఇది మొదలవుతుందో, అక్కడ మొదట నొప్పి ప్రారంభం అవుతుంది లేదా ఆ ఎముకకు దగ్గర్లో ఉన్న ప్రాంతంలో అయినా నొప్పి మొదలవుతుంది. మీ పిల్లలు కాళ్లల్లో నొప్పి ఉంది అని పిర్యాదు చేస్తే, ఆటల్లో తగిన దెబ్బ అయి ఉంటుంది అని అనుకోని అశ్రద్ధ చేయకండి. ఒకవేళ నిజంగానే ఆటల్లో దెబ్బ తగిలి ఉంటే అది కొద్దిరోజుల్లోనే నయం అవుతుంది. కానీ, కణితి వల్ల వచ్చే నొప్పి రోజు రోజుకు పెరుగుతుంది తీవ్రమైన ప్రభావాన్ని చూపిస్తుంది.

రోజులు పెరుగుతున్న కొద్దీ నొప్పి కూడా విపరీతంగా పెరుగుతుంది మరియు ఇలాంటి సందర్భంలో ఏదైనా ఆయింట్మెంట్ లేదా పెయిన్ కిల్లర్ వాడితే ఆ నొప్పిని అది కుత్రిమముగా మాత్రమే తగ్గించగలవు. ముఖ్యంగా రాత్రి సమయాల్లో, ఈ నొప్పి అతి భయంకరంగా ఉంటుంది. ఒకవేళ మీ పిల్లవాడు గనుక ఏదైనా శారీరిక పనుల్లో గనుక పాల్గొన్నట్లైతే అటువంటి సమయాల్లో నొప్పి మరింతగా పెరుగుతుంది. ఉదాహరణకు, కణితి గానుగ కాళ్లల్లో ఉంటే, గనుక పిల్లవాడి యొక్క కాలు రోజులు గడుస్తున్నా కొద్దీ నిర్జీవంగా మారిపోతాయి.

2. ఉబ్బిపోవడం లేదా బొడుపు ఏర్పడటం :

ఎముకల క్యాన్సర్ ని గుర్తించే ప్రక్రియలో అతి ముఖ్యమైన రెండవ లక్షణం ఇది. ఈ క్యాన్సర్ సోకిన ప్రాంతంల మొద్దుబారినట్లు ఉంటుంది లేదా ఉబ్బిపోయినట్లు ఉంటుంది. ఎప్పుడైతే ఈ వ్యాధి భారిన పడిన ప్రాంతం ఉబ్బిపోయి ఉంటుందో, అటువంటి సందర్భంలో ఆ ప్రాంతంలో కణితి ఏర్పడబోతోంది అనే విషయం అందరికి అర్ధం అవుతుంది. ఈ కణితిని గనుక కాళ్ళు లేదా చేతుల పై వస్తే వెంటనే మనకు కనపడుతుంది. కానీ, ఛాతి భాగంలో లేదా కటి ఎముక భాగంలో వస్తే మాత్రం బాగా పెద్దది అయ్యేవరకు మనకు కనబడదు.

3.కుంటుకుంటూ :

ఒకవేళ కాలిలో గనుక ఈ క్యాన్సర్ కణితి ఏర్పడినట్లైతే, నడవటం బాగా ఇబ్బందికరంగా ఉంటుంది. ఇటువంటి సమయంలో కుంటుకుంటూ కూడా నడవాల్సి రావొచ్చు. ఇటువంటి సమయంలో పిల్లలకు నడవటానికి విపరీతంగా ఇబ్బందిగా ఉంటుంది మరియు రోజులు గడుస్తున్నాన్న కొద్దీ కళల్లో కాళ్లల్లో చలనం తగ్గిపోతుంది మరియు నిర్జీవంగా మారిపోతాయి.

4. కదిలించడానికి కష్టతరంగా ఉంటుంది :

మీ పిల్లలు గనుక చేయి లేదా కాలుని కదిలించడానికి ఇబ్బంది పడుతుంటే, ఆ సమయంలో ఖచ్చితంగా వైద్యుడిని కలవాలి అనే విషయం మరచిపోకండి. ఆటల్లో ఆడుతున్న దెబ్బ వల్ల కూడా ఈ పరిస్థితి ఏర్పడవచ్చు. కానీ, నొప్పి గనుక అలానే చాలా కాలం కొనసాగుతున్నట్లైతే, ఎముకల క్యాన్సర్ ప్రారంభ దశలో ఉందని అర్ధం.

5. బలహీనమైన ఎముకలు :

ఎప్పుడైతే ప్రాంతకమైన క్యాన్సర్ కణితి, ఎముకలు మరియు దానికి దగ్గరలో ఉన్న మృదువైన కణజాల పై ఏర్పడుతుందో, అటువంటి సమయంలో ఎముకలు చాలా బలహీనంగా మారిపోతాయి. ఎటువంటి కారణం లేకపోయినప్పటికీ కూడా ఎముకల్లో గనుక పగుళ్లు వస్తే, మీ పిల్లలు చిన్నతంలో వచ్చే ఎముకల క్యాన్సర్ తో బాధపడుతున్నట్లు అర్ధం. ఈ క్యాన్సర్ యొక్క ప్రభావం వల్ల ఎముకలు చాలా బలహీనంగా మారిపోతాయి మరియు పిల్లవాడు ఏ చిన్న శారీరిక పనిచేసిన కూడా ఎముకలు విరిగిపోతాయి. అటువంటి సమయంలో అనూహ్యంగా ఎముకలు విరిగిపోవచ్చు లేదా విపరీతమైన బాధని అనుభవించాల్సి వస్తుంది.

6. జ్వరం :

సంవత్సరంలో కాలాలు మారుతున్న సమయంలో, సాధారణముగా చిన్నపిల్లలు వీటికి బానిసలుగా మారుతుంటారు మరియు ముఖ్యంగా జ్వరం వేధిస్తూ ఉంటుంది. జ్వరం రావడానికి ఎటువంటి కారణం లేకపోయినప్పటికీ వచ్చిందంటే ఆ స్థితి చాలా భయానకం అయినదని అర్ధం. వ్యక్తులు ఎవరైతే క్యాన్సర్ వల్ల జ్వరం వచ్చి బాధపడుతుంటారో, అటువంటి సమయంలో క్యాన్సర్ కణాలు శరీరంలో ఒక ప్రాంతం పై ప్రభావం చూపిస్తుందని అర్ధం. ఇది ప్రారంభదశ కాదు. కానీ, ఇది ఒక భయానకమైన దశ.

7. అలసట :

మీ పిల్లలు గనుక సరైన మోతాదులో పోషకాహారం తీసుకున్నప్పటికీ కూడా విపరీతమైన అలసటతో ఉంటారో లేదా శక్తిహీనంగా అనిపిస్తారో అటువంటి సమయంలో త్వరగా వైద్యుని సలహా తీసుకోవడం మంచిది. ఎందుకంటే, ఈ అలసట అనే లక్షానికి క్యాన్సర్ కి సంబంధం ఉందని గతంలోను రుజువుఅయ్యింది. ఇలానే ఎందుకు జరుగుతుందంటే, క్యాన్సర్ కణాలు మనకు ఆహారం నుండి వచ్చే శక్తిని అంతా అవి తీసుకుంటాయి. దీని వల్ల శరీరం చాలా బలహీనంగా ఉంటుంది.

8. బరువు తగ్గటం :

ఒకవేళ మీ పిల్లలు గనుక అనూహ్యంగా బరువు తగ్గిపోయినట్లైతే, అటువంటి సమయంలో వైద్యుని సలహా తీసుకోండి. క్యాన్సర్ బాధితులుగా మారిన చాలామంది వ్యక్తులు అనూహ్యంగా తమ బరువుని కోల్పోతూ ఉంటారు. మీ పిల్లల్లో కూడా ఇలాంటి లక్షణాలు లేదా వీటికి దగ్గరగా ఉండే లక్షణాలు కనపడినట్లైతే, మీ శరీరంలో ఎముకల క్యాన్సర్ ప్రవేశించబోతుంది అని అర్ధం.

9. రక్తహీనత :

శరీరంలో క్యాన్సర్ కణాలు విపరీతంగా పెరిగిపోతున్నాయి అనే విషయాన్ని చెప్పే లక్షణాల్లో రక్త హీనత కూడా ఒకటి. ఇలా ఎందుకు జరుగుతుందంటే, క్యాన్సర్ కణాలు శరీర లోపల ఉండే కణజాలాలను విపరీతమైన ఇబ్బంది పెడతాయి. కొన్ని సందర్భాల్లో లోపల ఉండే కణజాలాల్లో రక్తం కూడా కారుతుంది. ఒకవేళ మీ పిల్లల శరీరంలో హిమో గ్లోబిన్ స్థాయిలు తక్కువగా గనుక ఉన్నట్లయితే, మీ పిల్లల పై అది చాలా ప్రతికూల ప్రభావం చూపుతుందని మరియు చాలా భయానకమైన పరిస్థితులలోకి అడుగుపెడుతున్నారని తెలియజేస్తుంది.

ఓస్టెయోసర్కోమా అనే ఈ వ్యాధి తక్కువలో తక్కువ కనీసం 5% మందికి సోకుతుందట. అంతేకాకుండా, మోకాలికి పక్కన ఉండే ఎముకల్లో ఈ వ్యాధి ఎక్కువగా వస్తుంది. మరో వైపు ఈవింగ్ సర్కోమా తక్కువలో తక్కువ 4% మందిలో కనపడుతుంది. అంతేకాకుండా, అమ్మాయిల కంటే కూడా అబ్బాయిల్లో బాల్యంలో వచ్చే క్యాన్సర్ అవకాశాలు ఎక్కువగా ఉన్నాయని అధ్యయనాలు చెబుతున్నాయి.

ఎముకల క్యాన్సర్ కి సంబంధించి పైన చెప్పబడినటువంటి లక్షణాలు ఏమైనా, మీ పిల్లల్లో కనపడినట్లైతే వెనువెంటనే వైద్యుడిని సంప్రదించడం మంచిది. ఎప్పుడుగాని వ్యాధులు వచ్చిన తర్వాత నయం చేసుకోవడం కంటే కూడా, రాకుండా నిరోధించడం ఉత్తమం.

ఒకవేళ ఎవరికైనా ఓస్టెయోసర్కోమా సోకినట్లైతే అటువంటి వారికీ మల్టీ ఏజెంట్ కీమో థెరఫీ మరియు శస్త్ర చికిత్స ద్వారా చికిత్స చేయడం జరుగుతుంది . ఈవింగ్ సర్కోమా సోకిన వారికి రేడియేషన్ లేదా మల్టీ ఏజెంట్ కీమో థెరఫీ మరియు శస్త్ర చికిత్స ద్వారా వీలైతే నయం చేయవచ్చు.