మద్యం వాసన మిమ్ములను అసౌకర్యానికి గురిచేస్తుందా? అయితే ఈ పద్దతులు పాటించండి.

1. ఆల్కహాల్ తీసుకునేటప్పుడు, ఏదో ఒకటి తినండి:

ఆల్కహాల్ శ్వాస తీవ్రతను తగ్గించడానికి, ఆల్కహాల్ తీసుకునే ముందు లేదా, తీసుకునేటప్పుడు ఏదైనా ఆహార పదార్దాలను తీసుకోవడం మేలు. ఆహారాన్ని నమలడం, లాలాజల ఉత్పత్తిని ప్రేరేపిస్తుంది, మరియు మీ కడుపులోని ఆహారం మీరు తీసుకునే మద్యంలో కొంతభాగాన్ని సంగ్రహించడంలో సహాయపడుతుంది.

ఆల్కహాల్ శ్వాసను నివారించడానికి మద్యంతో పాటు తీసుకోదగిన స్నాక్స్ :

వేరుశెనగ పప్పు, జీడిపప్పు, పాప్ కార్న్, బంగాళాదుంప చిప్స్ వంటి స్నాక్స్ మంచి ఎంపికలుగా ఉంటాయి.

ఆల్కహాల్ తక్కువగా ఉండే బీర్ లేదా కాక్టెయిల్ తీసుకునేటప్పుడు కూడా స్నాక్స్ తరచుగా తీసుకుంటూ ఉండండి.

2. నీరు ఎక్కువగా తీసుకోండి:

ఆల్కహాల్ తీసుకునేటప్పుడు స్నాక్స్ ఎంత ముఖ్యమో, అధికంగా నీటిని తీసుకోవడం కూడా అంతే ముఖ్యం. ఆల్కహాల్ సాంద్రత ఎక్కువగా ఉన్న కారణాన, త్వరగా జీర్ణం కాదు, మరియు శరీరాన్ని నిర్జలీకరణం(డీహైడ్రేషన్) గావిస్తుంది. క్రమంగా నోటిలో బాక్టీరియా అధికమై, దుర్వాసనకు దారితీస్తుంది. కావున వీలైనంత అధికంగా నీటిని తీసుకోవలసి ఉంటుంది.

ఆల్కహాల్ తీసుకునే కార్యక్రమం ముగించినా కూడా, నీటిని మాత్రం తరచుగా తీసుకుంటున్నారని నిర్ధారించుకోండి. ఇలా నీటిని తీసుకోవడం, ఆల్కహాల్ వలన కలిగే దుర్వాసన తగ్గించడంతో పాటు, హ్యాంగోవర్ యొక్క తీవ్రతను కూడా తగ్గిస్తుంది.

సాదా నీటితో పాటు, నిమ్మరసం కలిపిన నీరు కూడా ప్రయోజనకరంగా ఉంటుంది.

3. బ్లాక్-కాఫీ తీసుకోండి:

ఆల్కహాల్ దుర్గంధాన్ని దూరంచేసే చిట్కాలలో ఉత్తమ చిట్కాగా బ్లాక్ కాఫీ ఉంటుంది. ఇది రెండు విధాలుగా మీకు ప్రయోజనాన్ని చేకూరుస్తుంది.

అన్నిటికన్నా ముఖ్యంగా, కాఫీ మీ శరీరాన్ని అప్రమత్తం చేస్తుంది మరియు వికారం కలుగకుండా సహాయం చేస్తుంది. ముఖ్యంగా కార్యాలయానికి వెళ్ళడం, లేదా ముఖ్యమైన సమావేశానికి హాజరు కావలసిన సమయాల్లో ఈ చిట్కా అద్భుతంగా పనిచేస్తుంది. ఇక రెండవ ప్రయోజనం, కాఫీ కాంపౌండ్స్ మద్యం వాసన కన్నా మెరుగైన మంచి సువాసనను మీనోటికి అందిస్తాయి.

తరచుగా విరామాలలో, కనీసం 3-4 కప్పుల బ్లాక్ కాఫీ తీసుకునేలా ప్రణాళిక చేసుకోండి. ఎటువంటి అదనపు పదార్ధాలను బ్లాక్ కాఫీలో జోడించడం లేదని నిర్ధారించుకోండి. సాధారణ బ్లాక్ కాఫీతో పోలిస్తే, క్రీం, షుగర్ వంటి పదార్ధాలు కలిపిన బ్లాక్ కాఫీ దుర్వాసనను ప్రభావవంతంగా తగించవని గుర్తుంచుకోండి. ఏదిఏమైనా రోజులో 400మిల్లీగ్రాముల కెఫీన్ దాటకూడదని కొన్ని అధ్యయనాలు సూచిస్తున్నాయి మరియు రక్తపోటు సమస్య ఉన్నవాళ్ళకు ఆల్కహాల్, కెఫీన్ రెండూ ప్రమాదమే అని మరువకండి.

Most Read:బరువు తగ్గడంలో చెరకు రసం సహాయపడుతుందనడానికి గల 7 ప్రధాన కారణాలు

4. మీ పళ్ళను బ్రష్ చేయండి:

మౌఖిక శ్వాసను ఎదుర్కొనేందుకు, మరియు మీ శ్వాసను తాజాగా ఉంచుటకు సరైన ఓరల్ కేర్ మరియు పరిశుభ్రత అవసరం. ఇది మీ నోటి లోపలి దుర్వాసన కారక బాక్టీరియాను నాశనం చేయడంలో సహాయం చేస్తుంది. అయితే, ఇది మీ కడుపు, గొంతు మరియు చర్మం నుండి వచ్చే మద్యం వాసనను తొలగించదని గుర్తుంచుకోండి.

దుర్వాసనను అధికస్థాయిలో తొలగించేందుకు, మింట్ ఫ్లేవర్ కలిగిన టూత్పేస్ట్ వినియోగించడం మంచిది. మరియు మీ పళ్ళతో పాటుగా నాలుకను కూడా బ్రష్ చేయండి.

ఒకసారి మీ బ్రషింగ్ పూర్తయిన తర్వాత, ఫ్లాసింగ్ చేయడం మరచిపోకండి. మీ దంతాల మధ్య చేరిన మద్యంతో కూడిన ఆహార పదార్ధాలను తొలగించడం కష్టతరం అవుతుంది. ఈ అవశేషాలను, తొలగించుటకు ఫ్లాసింగ్ సహాయం చేస్తుంది. చివరగా ఆల్కహాల్ రహిత మౌత్-వాష్ వినియోగించి, నోటిని శుభ్రపరచుకోండి.

5. మూలికలు నమలండి:

రోజ్మేరీ, పార్స్లీ, స్పియర్మింట్ లేదా టార్రాగాన్ వంటి బలమైన సువాసనలు కలిగిన మూలికలు ఆల్కహాల్ దుర్గంధాన్ని తగ్గించడంలో సహాయపడతాయి. ఈ మూలికలు మీ నోరు మరియు కడుపు నుండి వచ్చిన ఇబ్బందికరమైన దుర్వాసనను తొలగించటానికి సహాయపడే, డీ-ఓడరైసింగ్ లక్షణాలకు ప్రసిద్ధి చెందాయి.

కొన్ని తాజా రోజ్మేరీ, పార్స్లీ, స్పియర్మింట్ లేదా టార్రాగాన్ ఆకులను కనీసం 2-3గంటలకు ఒకసారి నమలడం చేయండి.

మీరు మీ సలాడ్లలో సైతం, ఈ మూలికలను జోడించుకోవచ్చు. ఇవి మీ శరీరాన్ని ఉత్తేజితం చేయడమే కాకుండా, దుర్వాసనను కూడా దూరం చేస్తుంది.

6. చూయింగ్-గమ్:

ఆల్కహాల్ దుర్గంధాన్నితొలగించడానికి సూచించబడిన సరళమైన మార్గాల్లో ఒకటి, చక్కెర రహిత చూయింగ్ గమ్ నమలడం. మింట్ లేదా పుల్లనిరుచి కలిగిన చూయింగ్-గమ్ అత్యంత ప్రభావవంతంగా ఉంటుంది.

మొదటగా, చూయింగ్-గమ్ యొక్క బలమైన సువాసన ఆల్కహాల్ దుర్గంధాన్ని కప్పివేయటానికి సహాయపడుతుంది. అలాగే, ఇది లాలాజల ఉత్పత్తిని ప్రేరేపిస్తుంది, క్రమంగా ఆమ్లాలు, బ్యాక్టీరియా మరియు ఏ వాసన కలిగించే కణాలనైనా దూరంగా ఉంచడంలో సహాయపడుతుంది.

మద్యపానం కార్యక్రమం పూర్తైన తరువాత, వీలైనంత ఎక్కువసేపు చూయింగ్-గమ్ నమలడం చేయండి. తర్వాత, పూర్తిగా మీ నోటిని శుభ్రం చేయండి. అవసరమైతే, 2-3 గంటలకు ఒకసారి చూయింగ్-గమ్ నమిలి, నోటిని శుభ్రపరచండి.

Most Read:ఆమెను కలిసేందుకు భర్తనే సహకరించేవాడు, అతనికి అసలు విషయం తెలిసి కలవకుండా చేశాడు #mystory300

7. ముడి వెల్లుల్లిని నమలడం:

వెల్లుల్లి వంటి బలమైన సువాసన కలిగిన పదార్ధoగా ఉన్న కారణాన, ఆల్కహాల్ దుర్గంధాన్ని తొలగించడంలో సహాయపడుతుంది. నిజానికి, వెల్లుల్లి వాసన బలంగా ఉంటుంది, క్రమంగా ఆల్కహాల్ వాసనను వెలుల్లి ఆక్రమిస్తుంది.

వీలైతే, 1-2 ముడి వెల్లుల్లి రెబ్బలు నమిలి, గ్లాసుడు నీళ్ళు తీసుకోండి. కష్టతరం అనిపించిన ఎడల, సూప్, డిప్ లేదా స్ప్రెడ్ వంటి వెల్లుల్లి రెసిపీలను అనుసరించండి.

వెల్లుల్లి శ్వాసను ఎదుర్కొనేందుకు, పుదీనా-టీ త్రాగడం లేదా పుదీనా రుచిగల చూయింగ్-గమ్ నమలడం చేయండి.

8. ఉల్లిపాయలు:

వెల్లుల్లి మాదిరిగానే, ఉల్లిపాయలు కూడా బలమైన వాసనను కలిగి ఉంటాయి. క్రమంగా ఆల్కహాల్ దుర్గంధాన్ని సులభంగా తొలగించవచ్చు. తెలుపు ఉల్లిపాయలకు బదులుగా, ఎరుపు ఉల్లిపాయలనే ఎన్నుకోండి. వీటి వాసన దృఢoగా ఉంటుంది.

ముడి ఉల్లిపాయలు ప్రధానంగా ఉండేలా సలాడ్, బర్గర్ లేదా శాండ్విచ్ వంటివాటిని తీసుకోండి.

ఉల్లిపాయల వాసన బలంగా ఉంటుంది కాబట్టి, ఈ పద్దతిని అనుసరించిన తర్వాత, పూర్తిగా మీపళ్ళను బ్రష్ చేసి, మంచినీటిని తీసుకోవడం మంచిది.

9. నిమ్మకాయ:

సిట్రస్ సమ్మేళనాల ఉనికిని కలిగిఉన్న కారణాన, నిమ్మకాయ ఆల్కహాల్ దుర్గంధాన్ని తొలగించుటకు సహాయపడే మరొక ఉపయోగకరమైన పరిహారంగా చెప్పబడుతుంది. అదనంగా, నిమ్మకాయ శరీరం నుండి సేకరించిన విషాన్ని తొలగిస్తుంది, తద్వారా మద్యం వాసనను తగ్గిస్తుంది.

Most Read:నా భార్య బొమ్మలా పడుకుంటుంది, నేను ఏమీ చేసినా తనలో ఎలాంటి ఫీలింగ్స్ రావు