భోజనం చేసాక టీ తాగొచ్చా? లేదా ఇప్పుడే తెలుసుకోండి...

భోజనం చేసాక టీ తాగడమనేది, ఒక వివాదంతో కూడుకున్న అంశం. అధ్యయనాల ప్రకారం టీ తాగితే జీర్ణవ్యవస్థకు మేలు జరుగుతుందని చెప్తారు, అదే సమయంలో, అందులోని కెఫిన్ పోషకాలను మన శరీరం గ్రహించకుండా చేస్తుందని అంటారు.

జీర్ణవ్యవస్థ పనితీరుపై టీ ప్రభావం:

అధ్యయనాల ప్రకారం , భజనం తరువాత టీ తాగితే, కడుపులోని అపాన వాయువులు మరియు ఉబ్బరం నుండి ఉపశమనం లభిస్తుంది. కానీ, అన్ని రకాల టీలు ఒకే రకమైన ప్రభావం చూపవు. హెర్బల్ టీ లేదా గ్రీన్ టీలో అధిక మొత్తంలో పాలీఫీనాల్స్ మరియు యాంటీ ఆక్సిడెంట్లు ఉండటం వలన.అవి జీర్ణానికి తోడ్పడతాయి. ఈ టీలు పైత్యరసం, లాలాజలం మరియు జీర్ణరసాల స్రావాన్ని ప్రేరేపించి, జీర్ణ వ్యవస్థ పనితీరును మెరుగుపరుస్తాయి.దీనిలోని యాంటీ ఇన్ఫ్లమేటరీ లక్షణాలు జీర్ణ సంబంధిత సమస్యలను తగ్గిస్తాయి. కెటచిన్స్ వంటి పాలీఫీనాల్ సమ్మేళనాలు, పెప్సిన్ వంటి జీర్ణ ఎంజైములు పనితీరును ప్రోత్సహించడం వలన ప్రోటీన్ల అరుగుదల మెరుగవుతుంది.

భోజనంతో పాటు టీ తాగడం ఎందుకు మంచిది కాదో తెలిపే కొన్ని కారణాలు:

అధ్యయనాల ప్రకారం, టీలో ఉండే ఫీనాలిక్ సమ్మేళనాలు, ఐరన్ సోషణను అడ్డుకుంటాయి ఎందుకనగా ఇవి ఐరన్ తో చర్య జరిపి సముదాయాలను ఏర్పాటు చేస్తాయి. మీరు భోజనం చేసాక కనుక టీ తాగలనుకున్నట్లైతే, విటమిన్ సి మరియు ఐరన్ అధికంగా ఉన్న ఆహారం తీసుకోవాలని సిఫార్సు చేయబడింది. భోజనం చేసాక టీ తాగితే, శరీరంలో కెటచిన్స్ లభ్యత తగ్గిపోతుంది.

ఆహార మార్గదర్శకాల కమిటీ కన్వీనర్, డాక్టర్ డి రఘునాథరావు, టైమ్స్ ఆఫ్ ఇండియాకు "ఏదైనా తిన్న, కనీసం ఒక గంట ముందు మరియు తరువాత కాఫీ మరియు టీలను సేవించరాదు, ఎందుకంటే, వీటిలో ఉండే టానిన్లు ఐరన్ సోషణను అడ్డుకుంటాయి" అని తెలియజేసారు. కాఫీ మరియు టీలను సేవించడం వలన కండరాల నొప్పి, అలసట తగ్గినప్పటికీ, వాటిని తక్కువగా తీసుకోవాలి.

ఆహార మార్గదర్శకాల అనుసారం హృద్రోగాలతో బాధపడేవారు కాఫీ సేవనాన్ని తగ్గించుకోవాలి, ఎందుకనగా, ఇది రక్తపోటును పెంచి గుండె పనితీరును కుంటుపరుస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.