మత్స్యలోకం పిలుస్తుంది ‘రా’...!!!

Decor

oi-Sivanjaneyulu Bommu

By Sivanjaneyulu Bommu

Published: Tuesday, August 30, 2011, 9:46 [IST]

"ఆ గాజు పెట్టోలోకి తొంగి చూస్తే మైమరిచిపోకతప్పదు.. ఓ బుల్లి సముద్రం రంగు రంగుల గులక రాళ్లతో ఒదిగి, అబ్బుర పరిచే పచ్చని ప్లాస్టిక్ వనంతో కాంతులీనుతుంది. అందులో సయ్యాటలాడే జల పుష్పాల చూపరులకు మధురానూభూతులను పంచుతాయి. వాటిని చూస్తే ఎంతటి కష్టాన్నైనా మర్చిపోతాం..మత్స్యలోకంలోకి అడుగుపెట్టాలన్న అనుభూతి మీలో అలలై ప్రవహిస్తుంది. బుల్లి సముద్రంతో కూడిన గాజుపెట్టెను మన పరిభాషలో 'ఆక్వేరియం' అని పిలుస్తారు. ఇటీవల కాలంలో వాస్తు చాపల సెంటిమెంట్ విపరీతంగా వ్యాపించింది. దింతో పలువురు వాస్తు ప్రేమికులు ఎంత ఖర్చునైనా భరించి వాస్తులు చేపలను కోనుగోలుచేసి ఆకర్షణీయంగా ఇంట్లో అలంకరణ చేసుకుంటున్నారు. ఇక 'ఫిష్ లవర్స్' విషయానికి వస్తే చెప్పనవసరం లేదు. రంగు రంగుల 'చేప' పిల్లలకు ముద్దు పేర్లు పెడుతూ, తమ కుటుంబ సభ్యుల్లో ఒకరిగా చూసుకుంటున్నారు.''

ఏఏ చేపలను పెంచుతున్నారు..:

గోల్డ్ ఫిష్, మోలిస్, సుప్పిస్, సోటాలే, ఎల్లోఫిష్, టైగర్ బార్ వంటి చేపలను ఆక్వేరింయలో పెంచుకునేందుకు అధిక సంఖ్యలో ఇష్టపడుతున్నారు. సైజును బట్టి వీటి ధరలు రూ.50 నుంచి రూ.500 వరకు పలకుతున్నాయి.

వాస్తు చేపలు ఇవే..:

'ఫ్లవర్ హార్న్' చేపలు వాస్తు చేపలుగా పేరుగాంచాయి. అయితే వీటి సైజులను బట్టి ధరను నిర్థారించారు. రూ.1000 నుంచి రూ.15,000 వరకు వీటికి డిమాండ్ ఉంది. వీటిని ఇంటిలో పెంచితే 'అదృష్టం' కలసోస్తుందని వాస్తు ప్రేమికుల ప్రగాఢ నమ్మకం. చైనా నుంచి సంక్రమించిన ఈ సంప్రాదాయం దేశంలోని గ్రామీణ ప్రాంతాలకు సైతం విస్తరిస్తుంది.

ఆక్వేరియం నిర్వహణ ఏలా..:

- ఎప్పటికప్పుడు ఆక్వేరియంలో నీటి స్థాయిని తగ్గకుండా చూసుకోవాలి. ముఖ్యంగా లీకేజిలు లేకుండా జాగ్రత్తపడాలి.
- ఆక్వేరియంలో నింపేందుకు బోరు నీరు ఉత్తమం.
- ప్రతి 15 రోజులకు ఒకసారి ఆక్వేరియంలో సగం నీరు తొలగించి వాటి స్థానంలో కొత్త నీటిని చేర్చాలి. ప్రతి 30 రోజులకు నీటిని పూర్తిగా మార్చి ఆక్వేరియంను శుభ్రం చేయాలి.
- చేపలకు గాలిని సక్రమంగా సమకూర్చేందుకు నాణ్యమైన ఆక్సిజన్ మోటర్లను వినియోగించాలి.
- చేపలను చేతితో తాకకండి, వాటిని పట్టుకునేందుకు మార్కెట్లో జల్లెడలు లభ్యమవుతున్నాయ.
- నిపుణులు సూచనల మేరకు చేపలకు, ఆహారం సమపాళ్లలో మాత్రమే ఇవ్వండి. వీటి ఆహారానికి సంబంధించి నెలకు రూ.50 నుంచి రూ.200 వరకు ఖర్చవుతుంది.
- ఆక్వేరియం సైజులను బట్టి ధరలను నిర్థేశిస్తారు. వీటి ధరలు రూ.300 నుంచి రూ.8000 వరకు ఉంటాయి. మీకు కావల్సిన రీతిలో ఆక్వేరియాన్ని తయారు చేయించుకోవచ్చు. కాకపోతే ఖర్చు కాస్తంత ఎక్కువవుతుంది. ప్రస్తుతం మార్కెట్లో విదేశాల నుంచి ఎగతమైన 'ఫైబర్' ఆక్వేరియాలు ప్రత్యేక ఆకర్షణగా నిలుస్తున్నాయి.