బ్యాంబూ(వెదరు) ఫర్నీచర్ తో గృహ శోభ

Decor

oi-Saraswathi

By Sindhu

Published: Wednesday, February 15, 2012, 16:42 [IST]

ఇది వరకు వెదురు కేవలం హస్తకళా రూపాలలోనే వాడే వారు. ఇప్పుడు ఇంటీరియర్ డెకరేషన్‌ లో కూడా వెదురుకు కూడా కళాత్మక రూపమిస్తున్నారు. వెదురుతో తయారైన వస్తువుల పట్ల నేడు ప్రజలు ఎంతో ఆసక్తి చూపిస్తున్నారు. వీటికి ఆదరణ పెరుగుతుండడంతో కళాకారులు మరింత ఆకర్షణీయంగా ఫర్నీచర్‌, ఇతర వస్తువులను తయారుచేస్తున్నారు. వెదురుతో చేసిన బుట్టలలో బహుమతులను అందించడం ప్రస్తుతంఅనేక ప్రాంతాల్లో అలవాటుగా మారడం విశేషం.

ప్రజ అభిరుచులకు అనుగుణంగా వెదురు బుట్టల శైలి మారుతోంది. రంగురంగుల డిజైన్లతో ఇవి అందుబాటులోకి వస్తున్నాయి. వెదురుతో తయారైన అందమైన ఫర్నీచర్‌ నేడు లభ్యమవుతోంది. టేబుళ్లు, కుర్చీలు, సోఫెసెట్లు తదితర ఫర్నీచర్‌ను ఎంతో అందంగా తయారుచేస్తున్నారు. వీటితో పాటు విలాసవంతంగా ఉండే పలు కొత్త రకాల లక్సరీ బెడ్స్, ఫర్నీచర్‌ సైతం నేడు రూపొందిస్తున్నారు.

వెదురుతో వస్తువులను తయారుచేయడంలో రాజస్థానీ కళాకారులు ఆరితేరారు. ఈ వస్తువులకు ఆదరణ పెరుగుతుండడంతో మన రాష్ట్రానికి వచ్చే వారి సంఖ్య రోజురోజుకి పెరుగుతోంది. తక్కువ ఖర్చుతో ఇళ్ళను తీర్చి దిద్దుకోవాలనుకునే వారికి రాజస్థానీ వెదురు అల్లికలు భలే ఆకట్టుకుంటున్నాయి.

బ్యాంబు ఫర్నీచర్ మూడు కలర్స్ లో అందుబాటులో ఉన్నాయి. షాడో సైడ్ నేచ్యురల్ బ్యాంబు కలర్ ఇది లైట్ గా ఉంటుంది. ఇది వాడినప్పుడు మరే ఇతర కాంబినేషన్ కానీ, టెక్నిక్ కానీ అవసరం ఉండదు. ఈ వెదరుతో చేసిన ఫర్నీచర్ నాచ్యురల్ గా కనిపిస్తుంది. ఒక్కొక్కటి కార్బొనైజ్డ్ బ్యాంబు ఇది డార్క్ షాడోను తెలియచేస్తుంది. ఇది రెండు రకాలుగా కనిపిస్తుంది అది పారదర్శకంగా కాఫీ కలర్ లో ఉంటుంది.