వేసవిలోనూ ఇంట్లో చల్లచల్లగా...హాయిగా..ఆహ్లాదంగా..

Decor

oi-Saraswathi

By Sindhu

Published: Saturday, March 3, 2012, 15:23 [IST]

వేసవి ఇంకా మొదలే కాలేదు.. అప్పుడే ఎండలు మండిపోతున్నాయి. బయటకు వెళ్లడం పక్కన పెడితే.. ఇంట్లో కూడా ఎండ సెగ తప్పట్లేదు. కొంచెం శ్రద్ధ పెడితే.. ఇంటిని కొంత మేరకైనా చల్లగా ఉంచుకోవచ్చు. అదెలాగో చూద్దామా.. గాలి రాకపోకలు విషయంలో కిటికీలెంతో ప్రధానమైనవి. వేసవిలో వేడిగాలిని లోపలికి రాకుండా చేయాలంటే కిటికీలకు వేసే కర్టెన్ల మీద కొంచెం నీరు చల్లి.. ఫ్యాన్ వేయాలి. వేడి తగ్గి, గదిలో కొంత చల్లదనం ఏర్పడుతుంది. లేకపోతే కిటికీలకు తెలుపు కర్టెన్లు వేయండి. బ్లైండు వాడినా వేడి నుంచి కొంత ఉపశమనం పొందొచ్చు. ఇంట్లోని ఫ్యాన్లు, ఏసీలు సమర్థంగా పని చేస్తాయి.

వేసవిలో ఇంటిని అందంగా ఆహ్లాదంగా ఉంచుకోవాలంటే.. ఇంట్లో చల్లదనం కోసం ఎయిర్‌కండీషన్ పెట్టుకోగానే సరిపోదు. వెంటిలేషన్ సరిగ్గా ఉందోలేదో చూసుకోవడం చాలా అవసరం. ఇంట్లో ఏసీ ఉందికదా అని తలుపులు కిటీకీలు మూతపెట్టడం లాభం లేదు. వాటిని తెరిచి ఉంచాలి. మంచాలు, బెడ్‌ ఎక్కువ స్థలాన్ని ఆక్రమిస్తే వాటిని తొలగించి నేలమీద పడుకోవడమే బెటర్. చెయిర్స్, టేబుల్స్‌ ని వీలైనంతవరకు తగ్గించుకోవాలి. ప్రాణవాయువు కోసం పూలకుండీలను గది మధ్యలో వుంచితే మంచిది.

వేసవిలో ప్రతిరోజూ ఇంటిముందు రెండుపూటలా నీళ్లు చల్లుతూ ఉండాలి. వేసవిలో గదిని చల్లగావుంచడం కోసం ఎయిర్‌ కూలర్‌ ని తెచ్చి పెట్టుకోవడం మంచిది. టేబుల్‌ ఫ్యాన్‌ కి బదులు సీలింగ్‌ ఫ్యాన్ బిగించుకోవడం ఉత్తమం. అధిక స్పీడ్‌ లో ఫ్యాన్‌ ని తిరగనివ్వరాదు. గదిలో బల్బ్‌ ని తొలగించి ట్యూబ్‌ లను బిగించుకోవాలి. కిటికీ కర్టెన్‌ ని డోర్‌ కర్టెన్లని ఎప్పుడూ మూతఉంచకుండా సగంకతెరచి ఉండటం మంచిది. వాటిని అప్పుడప్పుడు నీటితో తడుపుతుండడంవల్ల గదిలో చల్లదనం చోటుచేసుకుంటుంది. వేసవిలో గదులలోపలి గోడలకి ముదురురంగు వాల్ పెయింట్‌ ని వేయించడం మంచిది.

వేసవిలో ఇంటి శుభ్రత కోసం క్లోరిన్, బ్లీచింగ్, డయాక్సీన్ వంటి రసాయనాల వాడకాన్ని తగ్గించడం మంచిది. సువాసన వెదజల్లే పూలను అక్కడక్కడ వేలాడదీయండి. లేదా మంచి వాసన కలిగిన అగరొత్తులైనా వెలిగించవచ్చు. గదిలో ఇత్తడి మరియు స్టీలు బిందెలనీ, పాత్రలని అటక ఎక్కించండి. కూజాలు కుండలు వేసవిలో చాలా మేలు చేస్తాయి. ప్రతీరోజూ చన్నీటితో ఇంటి గదులన్నింటిని కడుగుతుంటే చల్లగా, హాయిగా ఉంటుంది. వేసవిలో గదుల లోపలి గోడలకి ముదురురంగు వాల్ పెయింట్ వేయించడం మంచింది.