అపార్టుమెంటుల్లో కూరల పెంపకం!

కూరగాయల మొక్కలను బాల్కనీ, లేదా ఫెన్సింగ్ ప్రదేశాలలో, విండోలలో పెంచవచ్చు. వంకాయ, టమాటా, పచ్చిమిరప, కొత్తిమీర వంటివి కంటైనర్లు లేదా మొక్కల కుండీలలో పెంచి తాజా కూరలు ఆనందించవచ్చు. మొక్క ఎదిగే తీరును బట్టి కుండీ చిన్నది పెట్టాలా? లేక పెద్దది పెట్టాలా అనేది నిర్ణయించండి.

కుండీలు, మట్టివి, సిమెంట్ తో చేసినవి లేదా కొన్ని ఇతర డబ్బాలు, చెక్కవి, ప్లాస్టిక్ వి వాడవచ్చు. ఏది వాడినప్పటికి మొక్కకు పోసిన నీరు బయటకు పోయేలా రంధ్రం వుండాలి. నేలపై నీరు పడకుండా కుండీ అడుగున సాసర్లు లేదా ప్లేటు వంటివి ఏర్పరచండి. విత్తనాలు సమీప నర్సరీలలో దొరుకుతాయి. విత్తనాలు, మన్ను, నాణ్యతగలవిగా ఎంపిక చేయండి.

మొక్క ఎదుగుదలను బట్టి ప్రతిరోజూ కుండీలలో తేమ వుండేలా నీటి అవసరం చూడండి. నేడు అందుబాటులో వున్న లిక్విడ్ ఫెర్టిలైజర్లు ఉపయోగానికి బాగుంటాయి. మొక్కలకు పురుగులు పట్టకుండా, వ్యాధులు రాకుండా తగిన పురుగు మందులు వేయండి. విత్తనాలు నాటాలంటే సహజంగా వర్షాలు పడిన తర్వాత మంచి సమయం. మొక్క చిన్నదిగా వున్నపుడు ఎండ అధికంగా తగలకుండా జాగ్రత్త వహించండి.