ఇంటి ఆవరణలో ఇలాంటి మొక్కలు ఉండకూడదా...?

Gardening

oi-Saraswathi

By Sindhu

Updated: Thursday, July 26, 2012, 10:45 [IST]

ప్రస్తుతం వాతావరణం ఎంత కలుషితమగుచున్నదో అందరికీ తెలుసు. పెద్ద పెద్ద ఇండస్ట్రీలు, కర్మాగారాలు, వావాహనాల వాడకం ఎక్కువగాను, మొదలగు ఎన్నిటి వల్లనో వాతావరణం కలుషితమై మనకు వివిధ రకములైన వ్యాధులను మానసిక అశాంతిని కలుగ చేస్తున్నవి. ముఖ్యముగా నగర వాసులు వాతావరణ కాలుష్యానికి ఎక్కువగా గురి అవుతున్నారు. అందుకని కొందరు సాయంత్రంలో పార్కులలోను చెట్లు దట్టముగా ఉన్న ప్రదేశములలో నడచి కొంత వరకయినా వారి ఆరోగ్యమును కాపాడుకొంటున్నారు.

ఈ విధమైన ఉదయం, సాయంత్రపు నడక అందరు అలవరచుకొనుట మంచిదని డాక్టర్లు విజ్ఞానవేత్తలు తెలుపుతున్నారు. కనుక ఇంటి ఆవరణను బట్టి ప్రతి ఇంట్లోనూ చెట్లను, పూల మొక్కలను పెంచుట ఉత్తమం. చిన్న మొక్కలు పూల చెట్లను వీలయినంతవరకు తూర్పు ఉత్తర ఆవరణలో పెంచుట మంచిది. ఈశాన్య భాగములో బావి వద్ద చెట్టను పెంచుట మంచి ఫలితములను ఇవ్వగలవు.

అశోఖ చెట్లను అందము కోసం అలంకరణ కోసం తూర్పు ఉత్తర దిక్కులందు పెంచుట మానివేయవలయును. అవి ఏపుగా ఇంటికన్న చాలా ఎత్తు ఎదిగి ఇంటిలోనికి సూర్య కిరణములు ప్రసరించుటకు అడ్డుగా ఉండును. ఇంటి ఆవరణంలో ఈ చెట్లు ఉండరాదు...

1. ముళ్లు గల చెట్లు
2. మునగ చెట్లు
3. మర్రిచెట్టు
4. పాలుగారు చెట్లు
5. అశోక వృక్షములు

మొదలగు జాతి వృక్షములను ఇంటి ఆవరణలో పెంచుట అంత మంచిది కాదు. వేప చెట్టును పెంచుకోవచ్చును. వేప మంచి నీడనివ్వడమేగాక ఔషధపరంగా మనిషికి మంచి మేలు, ఆరోగ్యము చేకూర్చును. పూల మొక్కలను ఏ దిక్కులోనైనా పెంచుకొనవచ్చును. అదేవిధముగా పూలకుండీలను తూర్పు ఉత్తర ప్రహరీగోడలపైన ఉంచరాదు. తూర్పు ఉత్తర దిక్కులందు మేడల మీదగాని ఎక్కడయినా ఎత్తుగా గోడలు కట్టి అందు మట్టిని నింపి మొక్కలను పెంచరాదు. ఒకవేళ ఎవరయినా చేసి ఉన్నట్లయితే తక్షణమే తీసి వేయుట మంచిది. ఎందుకంటే వాటి టాప్‌ లెవలు ఇంటి ఫ్లోర్‌ లెవలుకన్న ఎత్తు ఉండుట మరియు ఆ దిక్కులందు బరువు అగుట వలన మిక్కిలి చెడు ఫలితములను కలుగజేయును. కాబట్టి కొన్ని మొక్కలను పెంచుకొనుటలో వాస్తుకూడా ముఖ్యమైన ప్రాధాన్యతను చూపిస్తుంది.