తలతలలాడే మార్బల్స్ కోసం

Improvement

oi-Saraswathi

By Sindhu

Published: Thursday, January 5, 2012, 16:59 [IST]

కొత్తగా ఇల్లు కట్టాలన్నా, ఉన్న ఇంటికే రినోవేషన్ చేయించుకోవాలన్నా, అద్దె ఇంటిని కూడా అందంగా మార్చుకోవాలన్నా డబ్బు ఒక్కటే ఉంటే సరిపోదు. సృజనాత్మకత అవసరం. దైనందిన జీవితంలో అనేకసార్లు దుస్తులమీద, గచ్చుమీద రకరకాల మచ్చలు లేదా మరకలు పడుతుంటాయి. ముఖ్యంగా డర్టీ ఫ్లోర్ ను చూస్తే చిరాకేస్తుంది. మరి డర్టీ ఫ్లోర్ ను ఎలా శుభ్రం చేయాలి ? మన ఫ్లోర్ మార్బుల్ లేదా టైల్స్ గనుక అయితే ఆ మరకలు మరింత స్పష్టంగా, అందవికారంగా కనిపిస్తాయి. అందుకే మనది డర్టీ ఫ్లోర్ కాకుండా చూసుకుందాం. ఫ్లోర్ మీద పడిన మచ్చలు, మరకలను తొలగించుకునే మార్గాలు కొన్ని తెలుసుకుందాం.

1. డర్టీ ఫ్లోర్ ను రబ్బర్ ఎరేజర్ సాయంతో శుభ్రపరచుకోవాలి.
2. నీళ్ళలో కొద్దిగా బేకింగ్ పౌడర్ వేసి పేస్ట్ లా తయారుచేసి, మరక పడినచోట దాన్ని రాసి కడిగేయడం ద్వారా మరకల్ని పోగొట్టవచ్చు. ఈ మిశ్రమాన్ని మరకలపై రాసి, రెండు నిమిషాల తర్వాత కడిగి పొడి వస్త్రంతో తుడిచేస్తే సరి. టూత్ పేస్ట్ తో శుభ్రం చేసినా మరకలు పోతాయి.
3. అవి తుప్పు మరకలు గనుక అయితే, వాటిపై బేకింగ్ పౌడర్ జల్లి, కొద్దిసేపు ఉంచి, వెనిగర్ లో ముంచిన వస్త్రంతో తుడవాలి.
4. మార్బుల్ ఫ్లోర్ పై మరకలుపడితే బేకింగ్ సోడా, బ్లీచ్ కలిపి పేస్ట్ మాదిరి తయారుచేసి, మరకల్ని పూర్తిగా కవర్ చేస్తూ రాయాలి. తడి వస్త్రం కప్పి రాత్రంతా అలా ఉంచేసి, ఉదయాన్నే తుడిచేయాలి.
5. మామూలు ఫ్లోర్ పై పడే మరకల్ని డిటర్జంట్ నీళ్ళలో ముంచిన బ్రెష్ లేదా స్పాంజ్ లతో తుడిచేయవచ్చు.
6. కొన్ని మరకలను పెట్రోల్లో దూదిని ముంచి తుడవడం ద్వారా పోగొట్టవచ్చు.
7. నూనె మరకలకు మార్కెట్లో ప్రత్యేకంగా లభించే క్లీనర్లు బాగా పనిచేస్తాయి.
8. నేలపై గమ్ పడినట్లయితే ఐస్ క్యూబ్ తో రుద్ది, తర్వాత శుభ్రం చేస్తే తేలిగ్గా పోతుంది.